TIRANË– Mbledhja e Kryesisë së grupit parlamentar të Partisë Demokratike është shoqëruar me debate, por duket se nuk kanë të ndalur reagimet. Gjatë mbledhjes u raportuar për përplasje mes kryedemokratit Lulzim Basha dhe deputetit Flamur Noka lidhur me përjashtimin nga grupi parlamentar të Sali Berishës. Ky i fundit e akuzoi se Basha e kishte përçarë anëtarësinë me vendiin për përjashtimin e Berishës, duke sjellë edhe një paralajmërim të fortë nga ana e Bashës.
Në fjalën e tij, ashtu siç u raportua gjerësisht në media, Basha tha se: Në PD nuk do të lejoj dhe nuk do të ketë grupime anti-amerikane! Pak pas përfundimit të mbledhjes, një reagim erdhi nga zyra e shtypit të Partisë Demokratike, ku sqarohet se Basha në asnjë moment nuk e kishte konsideruar anëtarësinë e PD-së si një grupim anti-amerikan. Madje, sipas zyrës së selisë blu e gjitha po trillohet për t’u keqpërdorur për interesa personale
“Në lidhje me spekulimet që qarkullojnë mbi mbledhjen e sotme të Kryesisë së Grupit Parlamentar të PD-së, Partia Demokratike deklaron: Kryetari i Partisë Demokratike në asnjë moment nuk e ka etiketuar anëtarësinë, që është shpirti i PD-së, si antiamerikane. Ky është një trillim i qëllimshëm nga ata që prej kohësh keqpërdorin gjithçka për interesa personale. Z. Basha ka thënë se Shtetet e Bashkuara të Amerikës kanë qenë, janë dhe do të jenë aleati i Partisë Demokratike për një Shqipëri të zhvilluar dhe demokratike dhe askush nuk mund ta cënojë aleancën dhe partneritetin mes Partisë Demokratike dhe SHBA-ve,”-thuhet në deklaratën e plotë.
Por në të gjithë vorbullën e debatit nuk ka munguar as reagimi i “mollës së sherrit” në takimet e fundit mes demokratëve, liderit historik Sali Berisha. Edhe ky i fundit ka komentuar fjalën e Bashës brenda mbledhjes, duke e injoruar totalisht sqarimin e bërë nga zyra e PD-së në njoftimin për mediat. Duke e cilësuar edhe njëherë si ish-kryetar Lulzim Bashën, Berisha nuk i kursen as komentet e tjera.
“Miq, ish-kryetari sot shpalli non-grata bazën e partisë! Sb,”-shkruan në postimin e tij ish-kryeministri.
POSTIMI I BERISHËS:
Që prej përjashtimit të Berishës, PD ka nisur “vlimin”. Lideri historikka nisur takimet me demokratët, ndërsa Basha përsërit se aleanca me PD dhe SHBA do të jetë e paprekshme. Ndërkohë që dhe një pjesë e deputetëve janë të ndarë. Larg kolegëve të PD-së qëndrojnë Flamur Noka, Edi Paloka dhe Tritan Shehu, të cilët përgjatë ditëve të fundit janë parë nën shoqërinë e Berishës.
(k.m/dosja.al)
Iftar dhe politikë, a u prek Muaji i Ramazanit nga politikanët?
TIRANË– Partia Demokratike ka reaguar për debatin e zhvilluar në mbledhjen e Kryesisë së grupit parlamentar, mes deputetit Flamur Noka dhe kryedemokr...
TIRANË- Deputetja e Partisë Demokratike, Albana Vokshi ka komentuar të dhënat e Eurostat që tregonin se 13.5% të shqiptarëve nuk kanë mundësi të plotësojnë...
TIRANË– Ish-zv.kryeministri Erion Braçe ka dorëzuar detyrën të premten, duke lënë përmbys edhe karrigen ku qëndroi i ulur përgjatë 4 viteve të...
TIRANË– Dalin fotot nga mbledhja e sotme e Kryesisë së grupit parlmantar të Partisë Demokratike. Siç duket nga fotot e mëposhtme, në dalje të ...
TIRANË- Dosja.al ka zbuluar detaje të tjera nga mbledhja e grupit parlamentar të Partisë Demokratike, ku ka pasur përplasje mes kryedemokratit Lulzim Basha...
TIRANË– Agron Gjekmarkaj do të jetë drejtuesi politik i Partisë Demokratike në qarkun e Lezhës. Pas dorëheqjes së Mark Markut nga mandati i deputetit...
TIRANË– Përfundon mbledhja e Grupit Parlamentar e Partisë Demokratike e cila kishte nisur prej orës 12:30. Enkelejd Alibeaj u shpreh se në mbledhje d...
TIRANË– Kryedemokrati Lulzim Basha ka bërë paralajmërimin e parë ndaj deputetëve në Partinë Demokratike, duke u shprehur qartë: S’do të lejoj asnjë g...
TIRANË- Debate të forta janë zhvilluar brenda dyerve të mbyllura të selisë së Partisë Demokratike. Mësohet se ka qenë deputeti Flamur Noka, ai që është për...
TIRANË– Nënkryetari i LSI, deputeti Petrit Vasili, komentoi zhvillimet e fundit politike në në News24. Vasili tha se LSI nuk po bën përpjekje dhe as ...