Aktualitet

Kërkesa e Metës, Prokuroria e Përgjithshme kthen përgjigje brenda 24 orëve: Asnjë emër i propozuar për ministër nga Ram

13 Shtator 2021, 13:47 Nga DOSJA
Kërkesa e Metës, Prokuroria e Përgjithshme kthen përgjigje

TIRANË– Prokuroria e Përgjithshme i ka dhënë ‘dritën jeshile’ Presidentit Ilir Meta për dekretimin e 16 emrave të propozuar nga kryeministri Edi Rama si anëtarë të kabinetit të Qeverisë. Në përgjigjen e kthyer brenda 24 orëve, pasi Meta kërkoi informacion mbi listën e propozuar, organi i akuzës bën me dije se asnjë nga emrat e qeverisë nuk është proceduar, nuk është nën hetim dhe nuk ka probleme me ligjin.

“Asnjë nga emrat e qeverisë nuk është proceduar. Asnjë nga emrat e emëruar s’ka probleme”, thuhet në përgjigjen e Prokurorisë ndaj Kreut të Shtetit.

Një ditë më parë, Meta, me anë të një shkrese zyrtare kërkoi që Prokuroria e Përgjithshme t’i vinte në dispozicion çdo të dhënë në lidhje me proceset hetimore apo penalë që mund të ishin nisur për ministrat e propozuar.

Meta kërkonte që përgjigja nga PP-ja të kthehej sa më shpejt në mënyrë që Presidenti Meta të mund të shprehej për emërimet brenda shtatë ditëve, siç edhe e kërkon procedura. Tashmë pritet që Meta të marrë dhe përgjigjen nga Prokuroria e Posaçme Kundër Korrupsionit dhe Krimit të Organizuar (SPAK), organ të cilit i ka nisur të njëjtën shkresë. Drejtuesi i Strukturës së Posaçme kundër Korrupsionit dhe Krimit të Organizuar, Arben Kraja u shpreh se kërkesa po shqyrtohet me përparësi.

(f.m/dosja.al)

Iftar dhe politikë, a u prek Muaji i Ramazanit nga politikanët?

View Results

aktualitet aktualitet ilir meta kabineti rama 3 prokuroria e pergjithshme ilir meta kabineti rama 3 prokuroria e pergjithshme

Sondazh

Poll