Sport

VIDEO / Ndërhyrje horror ndaj Messit. Martinez dhe dy Correjat shënojnë për Argjentinën, 21 ndeshje pa humbje

3 Shtator 2021, 09:17 Nga DOSJA

VENEZUELA – Në mëngjesin e sotëm, Argjentina mposhti 3-1 Venezuelën në transfertë, në ndeshjen e parë të shtatorit, e vlefshme për eliminatoret e botërorit “Katar 2022”. E udhëhequr nga kapiteni Messi, “albicelestët” krijuan menjëherë epërsi dhe e dominuan lojën. Nga ana e saj, Venezuela u përpoq të ndërmerrte veprime të shpejta për të befasuar Argjentinën, por nuk mundi të krijonte rrezik real.

Në minutën e 32-të të ndeshjes, mbrojtësi venezualian Adrian Martinez i Deportivo La Guaira, i cili kishte hyrë në fushë në minutën e 25-të, kreu një ndërhyrje horror ndaj Lionel Messit, duke nuk kursyen fare tibian e këmbës së majtë të yllit argjentinas. Duke rënkuar nga dhimbjet, pas 5 minutash, kapiteni 34-vjeçari i Argjentinës u ngrit duke çaluar disi, por me kalimin e minutave iu  kthye normalitetit dhe luajti me kohë të plotë.

Fillimisht, gjyqtari uruguajan Gonzalez, i akordoi vetëm karton të verdhë për mbrojtësin e dhunshëm venezuelian, por ndërhyri VAR dhe pasi u panë pamjet, gjyqtari ndryshoi mendim, duke i akorduar direkt kartonin e kuq.

Në prag të pushimit, Lautaro Martinez (45’+2) hapi rezultatin, duke shënuar golin e parë. Aktivizimi i Correas në vend të Angel Di Marias, pas 60 minutash i dha tjetër gjallësi ekipit të Scalonit. Joaquín Correa thelloi epërsinë në minutën e 74-t, ndërkohë që vetëm pas tri minutash, Joaquín Correa e çon 3-0 rezultatin për Argjentinën.

Soteldo (90’+4), më i miri për Venezuelën, u rrëzuar përtokë, gjyqtari nuk pa gjë, por VAR sinjalizoi dhe penallti. Me stilin ‘Panenka’ ai shënoi golin e nderit, në një ndeshje, e cila përfundoi 3-1 për Argjentinën, e cila tani rregjistroi 21 ndeshje pa humbje.

B.T (Dosja.al)

 

Iftar dhe politikë, a u prek Muaji i Ramazanit nga politikanët?

View Results

sport sport adrian martinez argjentinën joaquin correa kapiteni messi lautaro martinez venezuela adrian martinez argjentinën joaquin correa kapiteni messi lautaro martinez venezuela

Sondazh

Poll

MË SHUMË