VLORË– Tre muaj u deshën që Policia të zbardhte fytyrën e “polici” që qëlloi ndaj Edison Begajt. Sot, me anë të një njoftimi zyrtar, Policia e Shtetit ka bërë me dije se sipas hetimeve ka rezultuar se këmbëzën e armës e ka tërhequr Mitri Prifti, i cili është shpallur në kërkim. E gjitha “armiqësia” mes tyre ka nisur dy ditë para se të ndodhte atentati, e gjitha për një sherr banal. E gjitha për një shpullë!
Dy burrat u konfliktuan në një lokal në zonën e Lungomares në Vlorë dhe në debat e sipër, Edison Begaj qëlloi Priftin në sy të qytetarëve që po kalonin në rrugë. Kjo shpullë duket se nuk është falur nga ana e Priftit, i cili vendosi që t’i merrte jetën personit që e qëlloi. Më 29 maj, Mitri Prifti i veshur si polic dhe me armë në dorë shkoi përballë banesës së “objektivit”. Edhe pse e pa se ishte i shoqëruar me fëmijët e tij, nuk ia kurseu 4 plumba, duke e dërguar në spital. Fatmirësisht pa i rrezikuar jetën.
Por i rrezikoi lirinë! Begaj ndodhet nën masën e sigurisë “arrest shtëpie”, pasi u ndalua në qershor në kuadër të një operacioni ‘blic’ të zhvilluar nga forcat RENEA. Begaj ka qënë i dënuar për drogë me 7 vite e 6 muaj burg në shkurt të 2008, ndërsa është bërë edhe subjekt i OFL-së në lidhje me pasurinë e tij. Por edhe emri i Priftit, me profesion jurist, nuk është i panjohur për Policinë dhe as Prokurorinë. Ai bëri bujë një vitin 2016 me denoncimin e tij, ku pretendonte se ishte kërcënuar nga grupi “Shullazi”. I riu nga Kuçova, i cili është kushëriri i ndërtuesit Jani Zaka, deklaroi se Shullazi e kishte kërcënuar për t’i marrë parkingun nëntokësor prej 1.200 metrash katrorë, në rrugën “Sali Butka”, pranë Policisë Bashkiake.
Mitri Prifti ishte ai që i sqaroi policisë në detaje kërcënimin që kishte marrë kushëriri i tij nga Emiljano Shullazi. Dhe pas kësaj, ka thënë se ishte kërcënuar edhe vetë nga Blerim Shullazi.
Por brenda pak ditësh i tërhoqi pas akuzat, duke u shprehur se nuk e njihte Emiljano Shullazin dhe as të afërmin e tij, Blerim Shullazi, madje as që kishte dijeni mbi ndonjë kërcënim të mundshëm të ndërtuesit. Pas publikimit të lajmit në media, ai u largua nga Shqipëria drejt një kryeqyteti të një vendi të Ballkanit. Vend që nuk u bë kurrë i njohur për mediat. Mesa duket këtë verë ishte kthyer sërish, për të mos u larguar për disa vite.
(k.m/dosja.al)
Iftar dhe politikë, a u prek Muaji i Ramazanit nga politikanët?
KORÇË–Nikolin Ciko, me detyrë infermier në Urgjencën e Spitalit Korçë është arrestuar nga policia pasi ka kryer dy vjedhje në farmacinë e Spi...
KORÇË– Zjarri që kishte nisur prej ditësh në parkun Kombëtar të Prespës është mundur që të izolohet. Dyshohet se zjarri ka qëllimshëm. Policia ka ni...
VLORË– Atentati ndaj Edison Begajt u bë për shkak të një shpulle. Kjo dyshohet të ketë qënë arsyeja e plagosjes me armë zjarri të 41-vjeçarit i cili...
TIRANË– Policia e Shtetit ka shpallur në kërkim Mitri Priftin, si të dyshuarin kryesor për atentatin e dështuar ndaj Edison Begës, i cili u plagos në sy të...
BERAT– Një ngjarje e rëndë ka ndodhur në qytetin e Beratit. Një 48-vjeçare, e identifikuar si Shqiponja Mbërsi ka rënë nga ballkoni duke gjetur vdekjen e...
VLORË– Atentati ndaj Edison Begajt është zbardhur pas disa muajsh nga policia. Dyshohet se autori i ngjarjes është Mitri Prifti, 36-vjeçari i cili ë...
SHIJAK– Policia ka dhënë detaje në lidhje me gjetjen e një trupi pa shenja jete ditën e djeshme në Shijak. Sipas policisë, trupi është pjesërisht i dekompozuar ...
TIRANË– Dosja.al ju sjell lajmet më kryesore të ditës në portalet në vend. Dosja.al ka në faqe të parë lajmin mbi zgjedhjen e emrave të Kryesisë së Partisë...
TIRANË– Një fabrikë është përfshirë nga zjarri në Tiranë. Godina e cila ndodhet në rrugën ‘Konferenca e Pezës’ është përfshirë nga flakët...