Bota

Zaev nis takimet për negociatat, Junker i premton: Do ndihmoj Maqedoninë e Veriut me të gjithë forcën time

4 Qershor 2019, 20:56 Nga DOSJA
Zaev nis takimet për negociatat, Junker i premton: Do ndihmoj

BRUKSEL- Presidenti i Komisionit Europian, Jean Claude Juncker, pranoi se tani për tani nuk ka pajtim të plotë midis vendeve anëtare të BE-së për të autorizuar hapjen e negociatave të pranimit për Maqedoninë e Veriut.

“Unë e di se disa shtete anëtare kanë disa shqetësime. Unë do të bëj gjithçka në fuqinë time për t’i bindur ato”, ka qenë ky premtimi i Juncker për Zaevin.

Presidenti i KE-së, priti kryeministrin e Maqedonisë së Veriut, Zoran Zaev. Juncker theksoi se Komisioni e ka bërë të qartë se vendi i ka përmbushur të gjitha kushtet e mundshme dhe se tani i mbetet Këshillit të BE-së që të mbajë pjesën tjetër të premtimit.

Zaev po ashtu ka zhvilluar një takim me Federica Mogherini-n dhe Komisionerin për Zgjerim Johannes Hahn. Ai ka u ka shprehur liderëve evropian se vendi i tij kishte detyra të qarta, të cilat i ka përmbushur, dhe se tani pret që pala evropiane të tregojë mirëkuptim.

“Hapja e negociatave është një garanci unike për ruajtjen e stabilitetit të brendshëm dhe një impuls reformash në Maqedoninë e Veriut, me efekte pozitive në të gjithë rajonin”, tha Zaev.

Javën e kaluar, Komisioni Evropian përsëriti rekomandimin e pakushtëzuar të tij, drejtuar Këshillit të BE-së, për të miratuar hapjen e negociatave të pranimit midis Brukselit dhe Shkupit. Debati i parë në këtë drejtim do të mbahet më 18 qershor, por nuk ka garanci se do të merret një vendim përfundimtar. Juncker tha se qëllimi i Komisionit Evropian ishte që vendimi të merret “gjatë verës”.

(A.B. Dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

rajoni rajoni federica mogherini jean-claude juncker negociatat me be zoran zaev federica mogherini jean-claude juncker negociatat me be zoran zaev

Sondazh

Poll

MË SHUMË