TIRANË– Ministria e Shëndetësisë dhe Mbrojtjes Sociale po përgatitet për ta rihapur spitalin Covid 3, duke qenë se shifrat e të infektuarve dhe personave që nevojë për shtrime sa vjen e rritet. Vetë ministrja e Shëndetësisë dhe Mbrojtjes Sociale, Ogerta Manastirliu pa nga afër përgatitjet që po bëhen në spitalin Covid 3, duke theksuar se do të angazhohen sërish stafet mjekësore përforcuese.
Krah saj u pa edhe Najada Çomo, e cila një ditë më parë dorëzoi mandatin e deputetes për tu vënë sërish në krye të luftës me pandeminë. Vetë Çomo, shefja e Shërbimit Infektiv, tha se numri i pacientëve ka ardhur duke u rritur.
“Numri i pacientëve të shtruar në spitalin Covid 1 ka ardhur duke u shtuar nga fund korriku deri tani, në ditët e fundit të gushtit. Ajo që vihet re është që kemi grupmosha të ndryshme, ku veçohen dhe moshat 20 vjeç e lart, pra moshat e reja. Natyrisht që pjesa më e madhe e pacientëve të shtruar janë të pavaksinuar, pra mbizotërojnë të pavaksinuarit,”- tregoi Çomo.
Manastirliu tha se 95% e personave të shtruar në spitale janë të pavaksinuar, kështu që u bëri thirrje edhe familjarëve për të nxitur sa më shumë të afërmit e tyre për t’u vaksinuar.
“Ne jemi duke u përgatitur që në rast se do të vijojmë të kemi më shumë raste që do të kërkojnë shërbim spitalor, jemi tashmë gati. Ashtu sikurse është bërë në planin tonë të vjeshtë-dimrit të hapim struktura të reja dhe të rihapim në fakt Covid3, sipas pavioneve të caktuara, siç e kemi vendosur edhe të marrim stafet paraprake, ata të cilët do të shërbejnë, të cilët praktikisht janë gati sepse kanë shërbyer më parë në këtë struktura. Takova pak më parë motrën e një vajze të shtruar në Infektiv, e cila ishte vaksinuar, ndërsa motra jo dhe për fat të keq është në spital. Janë rreth 95% e pacientëve që janë të pavaksinuar, por që këtu tani luajnë shumë rol edhe familjarët.
Nëse kanë dijeni që një i afërm i tyre nuk e ka bërë ende vaksinën duhet të luajmë rol të gjithë për të nxitur sa më shumë në bërjen e vaksinës, sepse simptoman e virusit edhe kur të zë janë më të lehta. Ka edhe një angazhim shumë të madh të gjithë strukturave të shëndetit publik për të vajtur tek çdo qytetar, i cili ende nuk e ka kryer vaksinën dhe që është kategori risku. Por mbi të gjitha edhe për të rritur mbulesën vaksinale tek të rinjtë. Ndaj edhe shtatori është sërish muaj i hapur për të vijuar vaksinimin +18 vjeç, për të vijuar vaksinimin sidomos me studentët të cilët do të jenë në auditore dhe që është shumë e nevojshme vaksinimi i tyre, në mënyrë që të ulim infektueshmërinë, por mbi të gjitha të ulim edhe problematikat e shëndetit që sjell virusi,”- tha Manastirliu.
Në 24 orët e fundit në Shqipëri u shënuan tre viktima dhe 888 të indektuar me Covid-19. Aktualisht në spitale, janë shtruar 91 pacientë, ndërsa raste aktive në të gjithë vendin janë 7 mijë e 681.
(f.m/dosja.al)
Iftar dhe politikë, a u prek Muaji i Ramazanit nga politikanët?
GJIROKASTËR– Motra e të resë që i preu rrugën furgonit dhe bëri që mjeti të përfundonte në humnerë e pesë persona të humbnin jetën ka treguar se Rexhina &C...
TIRANË- 3 humbje jete nga Covid dhe 888 raste të reja! Këto janë shifrat që vijnë nga Ministria e Shëndetësisë gjatë orëve të fundit. Në 24 orët e fundit j...
GJIROKASTËR– Një vajzë, pasagjere në furgonin që u aksidentua në Qafë Muzinë dhe përfundoi në greminë ka shpëtuar.Mësohet se reja ndodhet në spital, ...
GJIROKASTËR– Fiqiri dhe Dritë Korçari janë dy nga pesë personat që humbën jetën në aksidentin tragjik në Qafë Muzinë. Mësohet se burrë e grua ndodhe...
GJIROKASTËR– Personi që po shikoni në foto është Brdhi Proda, drejtuesi i forgonit tip ‘Ford’ që u aksidentua mesditën e sotme në Qafë Muzinë, duke shënuar...
GJIROKASTËR– Shefi i Zjarrfikëses së Dropullit, Alqi Kosta ka treguar se dy nga pesë viktimat e aksidentit tragjik që u regjistrua në Qafë Muzinë, ja...
GJIROKASTËR– Dy gra dhe tre burra, këta janë pesë personat që kanë ndërruar jetë si pasojë e aksidentit tragjik të ndodhur pasditen e sotme në Qafë M...
GJIROKASTËR– Pamjet që po shikon tregojnë momentet kur trupat e katër personave që humbën jetën në aksidentin tragjik në Qafë Muzinë, janë nxjerrë nga mjet...
GJIROKASTËR– Policia ka publikuar njoftimin zyrtar në lidhje me askidentin tragjik që u regjistrua mesditën e sotme në zbritjen e Qafë Muzinës në Gjirokast...
GJIROKASTËR– Furgoni që përfundoi në greminë mesditën e sotme u përpoq të shmangte përplasjen me një fuoristradë brenda të cilës udhëtonin tre gra.Pë...