Sport

Ngecin edhe ‘los blancos’, Vinicius mban lart flamurin e Real Madridit

23 Gusht 2021, 05:06 Nga DOSJA

SPANJE – Gola të shumtë, por vetëm barazim. Një ditë pas Barcelonës së Ronald Koeman, ngec edhe Real Madridi i Carlo Ancelottit. Pasi kishte fituar 4-1 në javën e pare ndaj Alaves, të dytën, po në transfertë, ‘los blancos’ barazojnë 3-3 me Levantes.

Madrilenët kaluan në të parët në epërsi me anë të Bale (5’), duke krijuar përshtypjen se jo vetëm pjesa e parë, por edhe gjithë loja do të fliste për ta. Por pas pushimit, vendësit zgjohen, duke rezlizuar tre gola radhazi: Roger (46′), Campana (57′) dhe Rober (79′) ishin autorët e tyre.

Gjithsesi, reagimi i Realit nuk mungoi, ku Vinicius (73′ dhe 85′) me dy golat që realizoi ruajti nderin e ‘los blancos’ të Madridit, që pas dy javësh mban vendin e dytë me 4 pikë të grumbulluara.

Sakaq, Atletico Madridit fitoi 1-0 ndaj Elche, ku Correa (39’) ishte autori i golit të vetëm, që i dha skuadrës së tij tri pikë mjaft të vlefshme. Edhe Real Sociedad fitoi në fushën e tij me rezultatin minimal 1-0 ndaj Rayo Vallecanos. Oyarzabal (68’) shënoi me penallti.