Bota

Pushtimi i Afganistanit, gratë dhe vajzat hiqen nga çdo punë që kanë, detyrohen të martohen me zor

17 Gusht 2021, 06:59 Nga DOSJA
Pushtimi i Afganistanit, gratë dhe vajzat hiqen nga çdo punë

AFGANISTAN- Situata në Afganistan pas pushtimit nga talebanët sa p0 vjen dhe po përkeqësohet me njerëz që humbasin punët e tyre, shtëpitë e tyre dhe familjet e tyre. Aktivistja Maliha Abidi ka bërë një shkrim për situatën aktuale në Afganistan, ku personat që po e pësojnë më shumë barbarinë dhe mizorinë e talebanëve janë gratë dhe vajzat. Ato janë hequr nga çdo pozicion punë që kanë patur, janë hequr nga shkolla, janë detyruar që të veshin hixhab (veshja që mbëjnë gratë myslimane) dhe i kanë detyruar që të martohen me zorë.

Shkrimi i plotë:

Vajzat dhe gratë e Afganistanit

Çfarë ka ndodhur në Afganistan do ta vendos vendin 200 vite mbrapa. Gratë afgane që punojnë në fusha të ndryshme përfshirë: gazetari, shëndetësi dhe zbatimin e ligjit janë vrarë në një valë sulmesh që kur filluan bisedimet e paqes vitin e kaluar mes talebanëve dhe qeverisë afgane të mbështetur nga SHBA-ja. Më parë, nën sundimin e talebanëve, gratë nuk lejoheshin të punonin, të shkonin në shkollë dhe as nuk lejoheshin që të dilnin nga shtëpitë e tyre pa një ‘kujdestar mashkull’ që i shoqëronte. Shumë gra po ikin ose fshihen për të shpëtuar jetën e tyre

Punët e grave

Gratë tashmë janë duke u detyruar të lënë punën e tyre. 9 gra në një bankë Kandahar u urdhëruan të lënë punën e tyre dhe të shkojnë në shtëpi. Atyre iu thanë se mund të dërgojnë anëtarët meshkuj të familjes në vendin e tyre për të punuar. Një incident i ngjashëm ndodhi në një bankë tjetër 3 ditë më vonë.

Edukimi i vajzave

Studentëve dhe profesorëve femra iu mohua hyrja në Universitetin Ilerat nga militantët talebanë ndërkohë që studentët dhe profesorët meshkuj u lejuan të hynin.

Gratë në Gazetari

“Dy ditë mu deshën që të ikja nga shtëpia dhe jeta ime në veri të Afganistanit pasi talebanët morën qytetin tim. Unë jam ende në arrati dhe nuk ka vend të sigurt për të shkuar. Javën e kaluar isha një gazetare. Sot nuk mund të shkruaj nën emrin tim ose të them se nga jam apo ku jam. E gjithë jeta ime është fshirë në vetëm pak ditë.

Gratë në institucionet e drejtësisë

250 gjyqtare femra në Afganistan përbëjnë rreth dhjetë përqind të gjyqësorit të vendit. Ata janë në rrezik ekstrem. “Talibanët dinë për vendndodhjen tonë. Ata tashmë kanë mbledhur të gjithë informacionin që u nevojitet. Pra, nuk ka asnjë mënyrë për ne që të fshihemi ose nuk ka asnjë mënyrë për të qëndruar. Dhe ne duhet të gjejmë mënyra për veten dhe familjen tonë që të gjejmë vende të sigurta”, u shpreh një grua në Afganistan.

Martesat e detyruara

Raportimet për martesa të detyruara nuk janë gjithashtu të rralla. Zar Begum, një grua afgane që u arratis në Kabul raportoi se talebanët vranë djemtë e saj dhe martuan me forcë me vajzën e saj. Ata gjithashtu morën shumë gra nga shtëpitë e tyre, të cilat i lanë pa asnjë mundësi tjetër përveçse të largoheshin nga qyteti.

Mbajtja e hixhabit

Hixhabi nuk duhet parë si një simbol i shtypjes. Shumë gra në mbarë botën e veshin atë sipas zgjedhjes për arsye fetare, arsye tradicionale ose thjesht sepse e kanë zgjedhur. Fjala kyçe këtu është “e zgjedhur”.  Nën sundimin taleban, çdo grua ishte e detyruar të mbante një hixhab. Perëndimi e përdori këtë për të nisur sulmet ndaj Islamit dhe u përpoqën sa më shumë të ngatërronin historinë për t’iu përshtatur axhendës së tyre duke barazuar shtypjen e grave në një organizatë terroriste me një fe paqësore. Me krizën e fundit, gratë afgane kanë frikë se liria e tyre për të zgjedhur nëse do të veshin burka apo jo është në rrezik

Si mund të ndihmoni? 

Filloni duke u bashkuar me nismën në mediat sociale sepse edhe janë miliona njerëz në rrezik, jo pak prej nesh po flasim për të. Përhapja e vetëdijes është hapi i parë. Ne, njerëzit, duhet të zemërohemi nga këto shkelje të të drejtave të njeriut.

Kontaktoni me platformat tuaja të lajmeve dhe mediave të cilat janë: kanalet televizive, gazetat, mediat sociale, etj.

Shkruajuni deputetëve, përfaqësuesve, udhëheqësve politikën dhe kërkojuni atyre që të ndërmarrin veprime tani!

Bëni donacione dhe ndani linqet e mbledhjes së fondeve. 

Nënshkrimi i peticioneve!

Ndiqni dhe mbështesni zërat e komunitetit afgan. Mësoni drejtpërdrejt prej tyre dhe mbështesni ata.

 

 

A post shared by FemBible (@fembible)

LAJMI KRYESOR: Afganistani ‘peng’ i talebanëve! Sot rihapet aeroporti, 7 viktima në Kabul, Kina e gatshme për ‘miqësi’ me pushtuesit, Turqia ngre mur kundër kalimit të afganëve

(I.A/dosja.al)

Iftar dhe politikë, a u prek Muaji i Ramazanit nga politikanët?

View Results

bota bota grate ne afganistan maliha abidi talebanet pushtojne afganistanin grate ne afganistan maliha abidi talebanet pushtojne afganistanin

Sondazh

Poll

Bota 17 Gusht 2021, 05:31

Angazhimi ushtarak amerikan në Afganistan, që tani po merr fund pas 20 vjetësh, është lufta më e gjatë që kanë zhvilluar ndonjëherë Shtetet e Bashkuara. Amerika...

MË SHUMË