Bota

Vijon katastrofa në Turqi, shkon në 38 numri i viktimave nga përmbytjet, Erdogan: Do të ngrihemi nga hiri

14 Gusht 2021, 09:03 Nga DOSJA
Vijon katastrofa në Turqi, shkon në 38 numri i viktimave nga

TURQI– Numri i të vdekurve nga përmbytjet në Turqi është rritur në 38 ndërsa ekipet e urgjencës po kërkojnë për më shumë viktima dhe të mbijetuar në rajonin e shkatërruar të Detit të Zi, ndërsa vendi po merrte kontrollin mbi qindra zjarre të egra.

Ministri i shëndetësisë, Fahrettin Koca, njoftoi në Twitter vonë të Premten se 32 njerëz vdiqën në provincën Kastamonu, përgjatë Detit të Zi, dhe gjashtë në zonën fqinje të Sinopit. Numri u raportua gjithashtu nga agjencia qeveritare e fatkeqësive AFAD.

Sipas Guardian, presidenti, Rexhep Taip Erdogan, vizitoi të premten një nga qytetet më të goditura. Ai mori pjesë në një funeral për viktimat e para dhe kreu një lutje para disa qindra banorëve në Bozkurt, Kastamonu.

“Ne do të bëjmë gjithçka që mundemi si shtet sa më shpejt që të jetë e mundur dhe do të ngrihemi nga hiri. Ne nuk mund t’i kthejmë qytetarët që kemi humbur, por shteti ynë ka mjetet dhe fuqinë për të kompensuar ata që humbën të dashurit e tyre.“-i tha turmës Erdogan, i cili anuloi festimet që shënonin 20 vjetorin e partisë së tij në pushtet.

Përmbytjet që kanë rrënuar shtëpitë dhe urat dhe kanë marrë makina kanë filluar të mërkurën, të ndezura nga shirat e rrëmbyeshëm që goditën krahinat bregdetare të Detit të Zi, Bartın, Kastamonu, Sinop dhe Samsun. Më shumë se 1,700 njerëz u evakuuan në të gjithë rajonin, disa u ngritën nga çatitë me helikopterë dhe shumë u vendosën përkohësisht në konviktet e studentëve.

(d.a/dosja.al)

Iftar dhe politikë, a u prek Muaji i Ramazanit nga politikanët?

View Results

bota bota fahrettin koca permbytje ne turqi rexhep taip erdogan fahrettin koca permbytje ne turqi rexhep taip erdogan

Sondazh

Poll

MË SHUMË