Aktualitet

EMRAT/ Qarkullonin me armë pa leje, arrestohen 3 persona në Durrës 

8 Gusht 2021, 09:39 Nga DOSJA
EMRAT/ Qarkullonin me armë pa leje, arrestohen 3 persona në

DURRËS- Tre persona janë arrestuar ditën e sotme në Durrës pasi po qarkullonin me armë pa leje. Tre persona e arrestuar po qarkullonin në një makinë me armë zjarri me vete. Së bashku me arrestimin e Edmond Xhafaës, Erjon Doskut dhe Ilir Dishës, gjithashtu janë sekuestruar edhe 2 armë zjarri.

Njoftimi i policisë:

Durrës/ Policia e Durrësit godet një tjetër rast të armëmbajtjes pa leje. Si rezultat i kontrolleve të imtësishme të kryera kryesisht në zonën e plazhit për rritjen e parametrave të sigurisë, Policia ka arrestuar 3 shtetas të cilët qarkullonin në automjet me armë zjarri me vete. Sekuestrohen 2 armë zjarri.

Shërbimet e Komisariatit të Policisë Durrës në bashkëpunim me strukturat e Drejtorisë Vendore të Policisë Durrës, në vijim të punës për rritjen e parametrave të sigurisë në qytet, kryesisht në zonën e Plazhit, në bazë të informacioneve të siguruara në rrugë operative nga strukturat hetimore të Komisariatit të Policisë Durrës, kanë ndaluar për kontroll një mjet tip “Benz”, në lagjen nr.13, Plazh, Durrës.

Gjatë kontrollit, shërbimet e Policisë kanë gjetur dhe sekuestruar në cilësinë e provës materiale 1 armë zjarri kallashnikov, 1 pushkë dhe municion luftarak. Në vijim të veprimeve specialistët për Hetimin e Krimeve në Komisariatin e Policisë Durrës, arrestuan në flagrancë shtetasit Edmond Xhafa, 32 vjeç, Erjon Dosku, 26 vjeç dhe Ilir Disha, 48 vjeç. Materialet i kaluan Prokurorisë së Rrethit Gjyqësor Durrës për veprën penale “Armëmbajtja pa leje”.

(I.A/dosja.al)

Iftar dhe politikë, a u prek Muaji i Ramazanit nga politikanët?

View Results

aktualitet aktualitet edmond xhafa erjon dosku ilir disha edmond xhafa erjon dosku ilir disha

Sondazh

Poll

MË SHUMË