Deklaratat për Tarifën e “Rrugës së Kombit” janë aktualizuar edhe ditëve të fundit. Presidenti i Shqipërisë, Ilir Meta, gjatë ditës së djeshme në një deklarime për media ka thënë se Shqipëria me Kosovën duhet të shikojnë rrugët e bashkëpunimit, e jo të vendosin taksa reciproke.
Ai ka pohuar se gjithmonë ka qenë kundër taksës së “Rrugës së Kombit”.
“E kam theksuar dhe e theksoj. Edhe sikur asnjë lekë të mos paguaj njeri, boll fakti që duhet të ndaloj aty dikush që udhëton, nga ana psikologjike është bezdisëse. Aq më tepër që bëhet fjalë për një trafik të madh në sezonet pranverë, verë dhe vjeshtë. Të gjendet çdo mënyrë për t’u larguar taksa në Rrugën e Kombit. Ka qenë qëndrimi i imi edhe në të kaluarën dhe do të jetë i tillë edhe në të ardhmen”.
Kurse, në një konferencë për media, kryeministri i Kosovës Ramush Haradinaj ka folur për marrëdhëniet Kosovë-Shqipëri ku tha se Shqipëria duhet të heq gjitha barrierat ndaj Kosovës në mënyrë që të ndihmohet fuqizimi i ekonomisë nga dy të vendet.
“Është me rëndësi që Kosova dhe Shqipëria të thellojnë bashkëpunimet e gjithanshme të i heqin gjitha pengesat edhe taksën e rrugës do ishte mirë të veprohej kështu dhe me ndihmuar lidhjen më të fuqishme ekonomike të gjithanshme Kosovë Shqipëri”.
Edhe presidenti i Kosovës Hashim Thaçi ditë më parë para qytetarëve të Hasit ka thënë se momenti kur Shqipëria dhe Kosova do të jenë bashkë, pa kufi do të jetë shumë afër.
“Të jeni të sigurt që shumë e lehtë është realizmi i ëndrrës që të kemi një hapësirë pa kufi mes Kosovës dhe Shqipërisë, sesa që ka qenë sfida e largimit të Serbisë nga Kosova dhe kjo do të ndodhë”, u shpreh presidenti i Kosovës.
Më tej ai shtoi se misioni i Kosovës për liri dhe pavarësi është i pamjaftueshëm dhe se shqiptarët janë ndarë padrejtësisht e tani duhet të bashkohen me vullnet.
Edhe zëvendësministri i Ministrisë së Financave, Hyzer Gashi, ka treguar se ka pasur rritje të bashkëpunimit mes dy vendeve, ndikim ka pasur edhe autostrada. Por, ai ka thënë se barriera më e madhe është tarifa.
“Ne kemi kapacitete në dy vende. Një barrierë e madhe është edhe taksa e rrugës që është vënë në Shqipëri, ajo taksë nuk sjellë zhvillim”.
Sipas tij sot janë shumë të larta disa pagesa. “Nuk kemi kohë për të humbur, duhet të veprojmë. Rruga duhet të jetë më e lirë”, tha Gashi.
Kujtojmë se kjo çështje ngjalli jo pak reagime të mëdha tek qytetarët shqiptarë të cilët i vunë zjarrin sporteleve duke i lënë ato plotësisht të shkatërruara.
Ndërsa edhe kosovarët reaguan duke e vlerësuar të papërballueshëm çmimin e vendosur. Tarifa për automjetet nga Kosova do të jetë 660 lekë (5 euro).
Për kalimtarët e shpeshtë është premtuar zbritje prej 10 deri në 20 për qind në muaj.
Edhe motoçiklistët (klasi 1) do të paguajnë 2.50 euro, mini-busët dhe makinat 5 euro (klasi 2), autobusët (klasi 3) 11.30 euro, kamionët e vegjël (klasi 4) 16.30 euro dhe kamionët e mëdhenj (klasi 5) do të paguajnë 22.60 euro.
“Rruga e Kombit”, autostrada që lidh Shqipërinë me Kosovën, filloi të ndërtohej në vitin 2006 dhe përfundoi në vitin 2010, me ndërtimin e Tunelit të Kalimashit.
Kjo autostradë njihet si një nga projektet më madhore infrastrukturore që ka intensifikuar komunikimin mes Kosovës dhe Shqipërisë, por kostoja e kësaj rruge, e paguar me buxhetet shtetërore të të dyja vendeve, vazhdon të jetë shënjestër e kritikave për barrën buxhetore që e ka shkaktuar. Marrë nga Monitor.al
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Ish-kreu i grupit parlamentar të LSI-së, Petrit Vasili është shprehur se në koncensionin e rrugëve Milot-Balldren dhe Orikum-Dukat ka ndodhur një g...
TIRANE- Ministret dhe deputetet socialiste kanë sjellë sot verën në Kuvend. Gratë e politikës, janë të kuruara deri në detaje, dhe siç shihet edhe në kët...
Tiranë- Deputetja e PD-së, Rudina Hajdari është ankuar në parlament se çfarë kusuri ka që opozita e akuzon se është palë me Edi Ramën.Teksa ka folur në ...
TIRANË- Pas publikimit të progres-raportit për Shqipërinë, nga Komisioni Europian, ka reaguar edhe akademiku Artan Fuga. Me anë të një postimi në rrjetet s...
TIRANË– Akademiku Artan Fuga ka reaguar në lidhje me hapjen e negociatave të Shqipërisë me BE-në. nëpërmjet një statusi në Facebook, Fuga shkruan me nota i...
TIRANË– Grupi parlamentar i CDU / CSU ka reguar në lidhje me përmushjn e kushteve për hapjen e negociatave me Bashkimin Europian për Shqipërinë. Në një dek...
TIRANE- Kuvendi është përfshirë me një incident që ka ndodhur në fjalën e kryeministrit Edi Rama, i cili është ndërprerë nga deputeti i ardhur nga listat e PD, ...
TIRANE-Batuta, humor, dhe debat. Seanca e kësaj të enjteje nuk ishte aspak e vështirë për kryeministrin Edi Rama i cili qëndroi më pak se një orë në Kuvend. Tem...
TIRANE- Kujtim Gjuzi i ka ndërprerë fjalën Ramës në Kuvend. Kryeministri po fliste për datën e zgjedhjeve dhe po thoshte që data 30 qershor është e panegociuesh...