Aktualitet

‘Do kap nga brirët gjëja, ti shikojë ai miku lart’/ Përgjimet mes juristit të Kadastrës së Durrësit dhe biznesmenin

15 Korrik 2021, 07:41 Nga DOSJA
‘Do kap nga brirët gjëja, ti shikojë ai miku lart’/

DURRËS– Ditën e djeshme, u arrestua juristi i Kadastrës së Durrësit, Mikel Zaho, pasi ka hipotekuar me dokumente të falsifikuara një objekt që ende nuk ishte ndërtuar. Juristi ka hipotekuar ndërtesën dhe truallin 2 mijë metra, duke marrë si tipologji dokumentacionin e një dosje tjetër hipotekore me Nr.220620, që është një shtëpi në fshatin Vrinë, të njësisë administrative Rrashbull. E gjithë procedura është kryer me dokumenta të falsifikuara, duke filluar nga leja e legalizimit, një mandat bankar dhe një çertifikatë hipotekore, dhe për këtë është përdorur dhe photoshopi.

POR, SI U ZBULUA SKANDALI?

‘Ora news’ raporton se skandali është zbuluar pas një letre anonime të dërguar me postë në Drejtorinë e Policisë Kriminale në Policinë e Shtetit. Sipas dosjes hetimore, thuhet se në Drejtorinë për Krimet Ekonomike e Financiar në Departamentin e Policisë Kriminale, është dërguar një informacion së bashku me dokumentet bashkëlidhur, të cilat tregojnë për regjistrimin e një pasurie të paluajtshme prej 2000 m2, tokë truall të përfituar me falsifikim të dokumenteve në fshatin Vrinë, Njësia Administrative Rrashbull, Durrës.

Pasuria në fjalë, thotë denoncuesi, është regjistruar në bazë të lejës së legalizimit me nr.220620 datë 25 korrik 2016 në emër të Erion Aliko dhe Rakip Haxhiu dhe dokumentacioni për regjistrimin e kësaj pasurie ndodhet i fotokopjuar dhe jo origjinal.

Çështja e këtij denoncimi anonim i është përcjellë në Durrës prokurorit Madrid Kullolli, i cili pasi filloi të marrë në pyetje personat protagonistë të kësaj dosje, njëherësh filloi dhe ti përgjojë bisedat e tyre telefonike.

Mes bisedave të përgjuara Erion Aliko bisedon me juristin e Hipotekës dhe të dy së bashku zhvillojnë këtë bisedë si më poshtë:

BISEDA:

Juristi: Erion ti e ke me leje faktikisht eee?

Erioni: Po.

Juristi:Thjesht vendi eeee, po çfarë të kushton shtrenjtë për ta spostu, është punë e madhe?

Erioni: I bie 10 metër më mbrapa.

Juristi: Të kuptoj, 10 metër nga mbrapa nuk të prish asnjë punë ty sepse të del oborri shkëlqyer ty, bile duhet ta kishe bërë vetë ti atë, është më e bukur ku të thonë ato, por a është e sigurt kjo që është gabim në vendosje?

Erioni: Po e sigurt.

Juristi: Po pse se ka parë inxhinieri në fillim kur e ka bërë lokalin?

Erioni: Ik o Domenikë, të lutem mos më kërko llogari, u bë si u bë, në rrethana e përshtata, kur i pamë letrat nuk ishte atje.

Juristi: Jo po them a e ke parë me inxhinierë, se inxhinierët i kuptojnë gjërat.

Erioni: He Ladi.

Fisheku: He mor djalë çfarë bëhet?

Erioni: Asgjë, ja kështu.

Fisheku: A je më i qetë?

Erioni: Hajt mor mirë, mirë.

Fisheku: Çfarë thanë ndonjë gjë?

Erioni: Po hiç, po presim të na marrin në telefon.

Fisheku: Ajo…….. avokatja.

Erioni: Po.

Fisheku: Çfarë të ketë më thuaj, se do e marr dhe vetë në telefon nga darka.

Në orët e darkës Erioni telefonohet nga biznesmeni Fisheku, dhe mes tyre zhvillohet kjo bisedë si më poshtë vijon:

Erioni: Hë Ladi.

Fisheku: Pate problem me ato?

Erioni: Jo Jo.

Fisheku: Për mirë apo për keq, e mbylle faqen të paktën?

Erioni: I thashë mbarom punë ti kam, mbarova punën.

Fisheku: U ndave në rregull?

Erioni: Në rregull ndahem kur të kem letrat në dorë, si puna jote më jep dokumentin në dorë dhe jam në rregull.

Nga transkripti i përgjimeve telefonike të kryer nga numri i Rakip Haxhiut dhe biznesmenit Ilias Fisheku, mes këtij të fundit dhe një personi me emrin Shyqo, zhvillohet biseda si më poshtë vijon:

Haxhiu: Ja fol me Shyqon.

Fisheku: Isha me një mik dhe do  kap nga brirët gjëja dhe ja shpjegova pak a shumë gjërat, 1, 2, 3, 50, dhe më tha më jep vetëm një kopje të asaj letrës së prokurorisë dhe jo tjera.

Shyqo: Një kopje të….

Fisheku: Që është harta e falsifikuar.

Shyqo: A don vendimin ti ee?

Fisheku: Po shkoj bëj një fotokopje dhe ja jep.

Shyqo: Vendimin që ka bërë hetimin eeeee?

Fisheku: Po po, të prokurorisë sepse e kërkon ai miku lart.

Shyqo: Për akt ekspertimi ska nevojë eeee?

Fisheku: Çfarë letrash të kesh jepja që ti shikojë ai miku lart.

Zbulimi i këtij skandali çoi në burg zyrtarin e Hipotekës Mikel Zahon, biznesmenin Fisheku dhe dy personat e tjerë Erion Aliko dhe Rakip Haxhiu.

(A.B)/Dosja.al

Iftar dhe politikë, a u prek Muaji i Ramazanit nga politikanët?

View Results

aktualitet aktualitet mikel zaho skandal ne kadastren e durresit mikel zaho skandal ne kadastren e durresit

Sondazh

Poll

Aktualitet 15 Korrik 2021, 07:20

TIRANË– Gazetari Elton Qyno ka bërë të ditur se në momentin kur kryebashkiaku i Lushnjes , Fatos Tushe u arrestua, ishte në praninë e një prokurori shumë t...

MË SHUMË