Sport

Sot përcaktohet çifti i fundit gjysmëfinalist, është rradha e Anglisë

3 Korrik 2021, 07:41 Nga DOSJA
Sot përcaktohet çifti i fundit gjysmëfinalist, është

ITALI – Pas shumë e shumë përpjekjeve, më në fund Anglia ia doli mbanë për të eliminuar Gjermaninë në një përballje me eliminim të drejtpërdrejtë, në një aktivitet madhor. Tani përfaqësuesja e “Tre Luanëve” bëhet gati për të hedhur një hap shumë të rëndësishëm në Europian, teksa skuadra e drejtuar nga trajneri Gareth Southgate do të ndeshet me ekipin e Ukrainës.

Bëhet fjalë për çerekfinalen e fundit të këtij Europiani dhe natyrisht skuadra që mban vendin e katërt në klasifikimin e përgjithshëm të FIFA-s, konsiderohet favorite për të kaluar mes katër përfaqësueseve më të mira të këtij kompeticioni.

Në gjithë historinë e saj kombëtarja angleze ia kishte dalë për të kapërcyer një herë të vetme pengesën e sfidave të “knock out”-it në një event të tillë. Në vitin 1996 në evropianin që organizoi vetë Anglia, e drejtuar nga trajneri Terry Venables, eliminoi Spanjën pas gjuajtjeve të 11-metërshave dhe deri më sot ky mbetet edhe rezultati i vetëm pozitiv për “Tre Luanët”, ndonëse shpikësit e futbollit marrin pjesë për herë të dhjetë në fazën finale të kompeticionit më të rëndësishëm të “Kontinentit të Vjetër”, në rang përfaqësuesesh.

Dy vendet kanë diferenca shumë të mëdha dhe për të përforcuar një detaj të tillë mjafton të kujtohet fakti që Ukraina konsiderohej si vendi me pozicionimin më të ulët në renditjen botërore nga 16 skuadrat e kualifikuara nga faza e grupeve, pas vetëm Republikës Çeke, që aktualisht mban vendin e 40-të në klasifikimin e FIFA-s.

Skuadra e drejtuar nga ish-“ylli” i verdhebluve, Andriy Shevchenko, pozicionohet në vendin e 24-t në renditjen botërore dhe në fakt Ukraina përfaqëson edhe ekipin që pritej më pak të mbërrinte deri në këtë pikë të kampionatit.

Në krahun tjetër, Ukraina është shfaqur plot luhatje dhe skuadra e Andriy Shevchenkos ia doli për të kaluar fazën e grupeve me doza të theksuara fati. Tani natyrisht Ukraina nuk ka më asgjë për të humbur dhe është e qartë që Anglia do të duhet të hapet për të gjetur zona të lira në fushën e lojës.

Në 5 përballjet kompetitive në aktivitetet madhore, Anglia kryeson minimalisht 2-1 me fitore, ndërsa në statistikat e përgjithshme, duke shtuar edhe dy sfida miqësore, “Tre Luanët” udhëheqin 4-1. Takimi Ukrainë-Angli do të mbahet në “Qytetin e Përjetshëm”, në orën 21:00, në “Stadio Olimpico” dhe do të drejtohet nga kryesori gjerman Felix Brych.

Më herët do të masin forcat gjithashtu edhe Republika Çeke me Danimarkën, në një duel tepër të barabartë, që vlen gjithashtu kalimin për në fazën gjysmëfinale të këtij kompeticioni. Të dy ekipet kanë bërë një figurë shumë të mirë deri në këtë pikë të kampionatit, gjithsesi Republika Çeke apo Çekosllovakia ka dominuar 13-2 me fitore 26 përballjet ndërmjet tyre. 5 nga 6 sfidat e fundit ndërmjet tyre në të gjithë kompeticionet janë mbyllur në barazim. Takimi Republikë Çeke-Danimarkë do të luhet në orën 18:00, në Azerbajxhan, në “Stadiumin Olimpik” të Bakusë dhe do të drejtohet nga kryesori holandez, Bjorn Kuipers.

B.T (Dosja.al)

Iftar dhe politikë, a u prek Muaji i Ramazanit nga politikanët?

View Results

sport sport

Sondazh

Poll

MË SHUMË