Aktualitet

Operacioni antidrogë Shqipëri-Itali! ‘Shpirti’ arreston ish-prokurorin Maksim Sota, të larguar nga vetingu

2 Korrik 2021, 07:07 Nga DOSJA
Operacioni antidrogë Shqipëri-Itali! ‘Shpirti’ arreston

TIRANË– Operacioni antidrogë ‘Shpirti’ i zhvilluar në 4 shtete, përfshirë dhe Shqipërinë, ka vënë në pranga disa persona me detyra të larta në vend.

Një prej tyre i arrestuar në Shqipëri, si pjesë e rrjetit të trafikut të drogës dhe korrupsionit, është dhe prokurori Maksim Sota. Ky i fundit ka drejtuar për disa vite prokurorinë e Vlorës, ndërsa ka qenë dhe kandidat për të qenë pjesë e SPAK-ut. Sota, nuk ka mundur që të kalojë në fazën e parë të vettingut.

Sota e ka nisur detyrën në krye të të Prokurorisë së Vlorës në vitin 2010.

Sota ka qenë kandidat për në SPAK dhe në korrik 2019 u intervistua nga Këshilli i Lartë i Prokurorisë si kandidat i Strukturës së Posaçme Antikorrupsion, por u skualifikua që në fazën e parë. Gjatë intervistimit, Sota ka shprehur ambicien e tij për hetime të rëndësishme dhe ka thënë para Këshillit se mban përgjegjësi të plotë për dosjet që ka hetuar. “Kam kërkuar gjithmonë të hetoj dosje të vështira dhe të përdor njohuritë e mia në ngritjen e akuzës. Kam mbajtur përgjegjësi maksimale për dosjet që kam pasur në hetim dhe të cilat kanë përfunduar në Gjykatë me vendime të formës së prerë”, ka deklaruar Sota.

Në kuadër të operacionit antidrogë Shqipëri-Itali janë vënë në pranga prokurorë, drejtues policisë si dhe zyrtarë të lartë publik. Nga 38 urdhër-arrestet, 28 të arrestuar nga SPAK në Shqipëri, 10 të arrestuar më herët.

LAJMI KRYESOR: “Të penduarit” shkatërruan grupin kriminal! SPAK lëshon 38 urdhër-arreste, 10 të arrestuar më parë, mes tyre prokurorë e drejtues policie! Sekuestrohen miliona euro pasuri, “Shpirti” bën ‘namin’ në 4 shtete

(A.B)/Dosja.al

Iftar dhe politikë, a u prek Muaji i Ramazanit nga politikanët?

View Results

aktualitet aktualitet maksim sota operacioni shpirti maksim sota operacioni shpirti

Sondazh

Poll