Bota

Varianti Delta i Covid, Merkel: Do t’i adresojmë sfidat së bashku, kufijtë me BE-në të mos mbyllen 

28 Qershor 2021, 15:49 Nga DOSJA
Varianti Delta i Covid, Merkel: Do t’i adresojmë sfidat së

GJERMANI- Kancelarja gjermane Angela Merkel dhe kryeministri francez Jean Castex kanë marr pjesë në një seancë dëgjimore të asamblesë parlamentare franko-gjermane ditën e sotme. DW shkruan se pandemia e Covid si dhe ndikimi i saj në Evropë kanë qënë temat kryesore të takimit.

Të dy udhëheqësit dhe deputetët po diskutojnë gjithashtu një sërë temash duke përfshirë klimën, refugjatët, politikat e jashtme dhe ekonomike. Asambleja, e cila supozohet të mblidhet çdo dy vjet, një herë në Paris dhe një herë në Berlin, por këtë vit po zhvillohet online për shkak Covid.

Duke folur gjatë takimit, Merkel tha se qeveria gjermane ishte kundër një shtrëngimi të kufizimeve ndaj udhëtarëve që hyjnë në vend për momentin. Ajo gjithashtu kundërshtoi vendosjen e kontrolleve kufitare që u futën përkohësisht vitin e kaluar për të kontrolluar përhapjen e koronavirusit. Kancelarja gjermane gjithashtu bëri thirrje për një koordinim më të afërt rajonal në Evropë për të luftuar kundër pandemisë.

“Ne jemi gjithashtu të vetëdijshëm se këto masa të kontrollit për infeksionet mund të nënkuptojnë një provë lakmie për Evropën. Si partnerë, ne gjithashtu adresojmë sfidat e përbashkëta së bashku,” shtoi Merkel, duke iu referuar Francës.

Merkel gjithashtu foli për disa nga sfidat e politikës së jashtme me të cilat përballen të dy vendet, duke përfshirë situatën në Mali. Javën e kaluar, 12 ushtarë gjermanë të vendosur në vendin afrikan si pjesë e një misioni të KB u plagosën pas një sulmi vetëvrasës.

Ushtarët janë sjellë përsëri në Gjermani dhe tani janë duke u trajtuar në spitalet në Ulm dhe Koblenz. Merkel bëri thirrje për bashkëpunim më të madh ndërkombëtar në luftën kundër terrorizmit në vendin e shkatërruar nga konflikti.

“Në vitet e ardhshme, ne do të duhet të mbledhim të gjitha këto misione së bashku dhe t’i koordinojmë ato. Ne jemi gati të vazhdojmë të mbështesim Francën,” shtoi Merkel.

Franca ka rreth 5,100 trupa të dislokuara në rajonin e Sahelit, duke luftuar kundër grupeve terroriste, disa prej të cilëve kanë premtuar besnikëri ndaj “Shtetit Islamik” (IS) ose al Kaidës. Kryeministri francez Castex shprehu solidaritetin e tij me Gjermaninë në funksion të sulmit.

Shtyn për një samit të ri BE-Rusi?

Merkel përsëriti gjithashtu qëllimin e saj për të organizuar një samit BE-Rusi.

“Marrëdhëniet midis Rusisë dhe Bashkimit Evropian nuk janë me të vërtetë të mira për momentin. Por edhe gjatë Luftës së Ftohtë, njerëzit flisnin me njëri-tjetrin,” tha Merkel.

(I.A/dosja.al)

Iftar dhe politikë, a u prek Muaji i Ramazanit nga politikanët?

View Results

bota bota angela merkel jean castex angela merkel jean castex

Sondazh

Poll

Bota 28 Qershor 2021, 12:42

ITALI– Sekretari amerikan i Shtetit, Antony Blinken nxiti një aleancë me 83 anëtarë kundër Shtetit Islamik për të rritur përqendrimin e saj në operacionet...

MË SHUMË