Politike
Kuvendi i Shqipërisë! Katër institucione raportojnë para ligjvënësve, rrëzohet dekreti i Metës, Shehu raporton shkeljet
TIRANË– Kuvendi i Shqipërisë është mbledhur sërish ditën e sotme.
Kontrolli i Lartë i Shtetit, Inspektoriati i Lartë i Drejtësisë, Autoriteti i Mediave Audiovizive, Komisioni Qendror i Zgjedhjeve përmes drejtuesve të tyre kanë raportuar punën e një viti para deputetëve. Në nisje të seancës plenare, kreu i grupit parlamentar ka kërkuar që sot të shtohet në rendin e ditës për tu shqyrtuar edhe projekt-vendimi për krijimin e Komisionit me 12 anëtarë që do të përzgjedhë kandidatët për anëtarë zëvendësues për komisionerë në KPK dhe Komisioner Publik.
Fillimisht ka raportuar kreu i KLSH-së Arben Shehu. Ai ka raportuar punën 1-vjeçare në institucionin që ai drejton. Nga foltorja e Kuvendit, Shehu foli për shkeljet dhe për efektet negative e dëmin ekonomik. Kreu i KLSH-së tha ndër të tjera se shkeljet me pasojë dëm ekonomik llogaritet të jenë afërsisht 2.2 miliardë lekë.
Pas KLSH, në Kuvend raportoi Kryetarja e ILDKPKI, e cila paraqiti në Kuvend raportin për 2020, ku tha se gjatë këtij viti gjatë inspektimit të zyrtarëve të nivelit të lartë janë referuar 72 raste në polici dhe janë vendosur 33 gjoba. Bashari tha ndër të tjera se ky institucion do të punojë në forcimin e rolit institucional dhe hetimin e rasteve të sinjalizuara por dhe mbrojtjen e sinjalizuesve.
Gjatë seancës plenare është komentuar edhe vendimi i Bashkimit Europian për të mos caktuar një datë për konferencën ndërqeveritare me Shqipërinë dhe Maqedoninë e Veriut, ku deputeti Myslim Murrizi fajësoi vendin tonë, dhe jo Bullgarinë. Murrizi tha nga foltorja se faji nuk është i Bullgarisë, por ata e kanë kuptuar që Shqipëria nuk po shkëptutet dot nga e kaluara komuniste. Deklaratës së Murrizit iu përgjigj Balla, i cili përsëriti se Shqipëria i ka përmbushur të gjitha pritshmëritë e familjes europiane. Po ashtu, Balla foli edhe për raportimin e KLSH dhe ILDKPKI, ku tha se mazhoranca është përgatitur për të rritur performancën e tyre në dobi të transparencës dhe llogaridhënies dhe bashkëpunimin me SPAK.
Kuvendi miratoi në seancën e sotme disa projektrezoluta, projektligje dhe rrëzoi një dekret të Presidentit të Republikës.
Cilat ishin ato?
-Me 88 vota pro, 5 kundër dhe 5 abstenim, Projektrezolutën “Për vlerësimin e veprimtarisë së Kontrollit të Lartë të Shtetit për vitin 2020”.
-Me 89 vota pro, 5 kundër dhe 4 abstenim, Projektrezolutën “Për vlerësimin e veprimtarisë së Inspektoratit të Lartë të Deklarimit dhe Kontrollit të Pasurive dhe Konfliktit të Interesave për vitin 2020”.
-Me 84 vota pro, 9 kundër dhe 5 abstenim, Projektrezolutë “Për vlerësimin e veprimtarisë së Autoritetit të Mediave Audiovizive për vitin 2020”.
-Me 86 vota pro, 5 kundër dhe 6 abstenim, Projektrezolutën “Për vlerësimin e veprimtarisë së Komisionit Qendror të Zgjedhjeve për vitin 2020”.
-Me 89 vota pro, 6 kundër dhe 1 abstenim, Projektligjin “Për të huajt”.
-Me 83 vota pro, 9 kundër dhe 3 abstenim, Projektligjin “Për regjistrimin e organizatave jofitimprurëse”.
-Me 83 vota pro, 8 kundër dhe 6 abstenim, Projektligjin “Për disa shtesa dhe ndryshime në ligjin nr. 102/2015 “Për sektorin e gazit natyror” të ndryshuar””.
-Me 87 vota pro, 6 kundër dhe 5 abstenim, Projektligjin “Për përkthimin zyrtar dhe profesionin e përkthyesit zyrtar”.
-Me 91 vota pro, 6 kundër dhe 1 abstenim, Projektligjin “Për ratifikimin e marrëveshjes së huas, ndërmjet Këshillit të Ministrave të Republikës së Shqipërisë dhe Fondit Saudit për Zhvillim, për projektin e rehabilitimit dhe ndërtimit të objekteve në afërsi të rrugës bregdetare (Vlorë-Orikum)”.
-Me 91 vota pro, 5 kundër dhe 2 abstenim, Projektligjin “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës Federale të Gjermanisë, për bashkëpunim financiar 2019, për projektin “Transport i qëndrueshëm në Tiranë (DKTI)”.
-Kuvendi rrëzoi me 11 vota pro, 81 kundër dhe 5 abstenim, Dekretin nr. 13.103, datë 11.06.2021 “Për kthimin e ligjit nr. 65/2021 “Për disa ndryshime dhe shtesa në ligjin nr. 10.304, datë 15.7.2010 “Për sektorin minerar në Republikën e Shqipërisë” të ndryshuar””. Kuvendi miratoi me 86 vota pro, 5 kundër dhe 5 abstenim, Projektvendimiin “Për krijimin dhe përbërjen e komisionit ad hoc me 12 anëtarë të përzgjedhjes së kandidatëve për anëtarë zëvendësues për pozicionet Komisioner të Komisionit të Pavarur të Kualifikimit dhe Komisioner Publik”.
(F.m;kle.mu/dosja.al)
Iftar dhe politikë, a u prek Muaji i Ramazanit nga politikanët?
Sondazh
Poll
Kreu i KQZ bën bilancin e punës për 2020-n, Celibashi: 38 kandidatë të subjekteve politike refuzuan të dorëzojnë formula
TIRANË – Kreu i KQZ, Ilirjan Celibashi ka prezantuar në seancën e sotme plenare raportin e veprimtarisë së punës së institucionit që ai drejton për vitin 2...
Mimi Kodheli largohet nga Kuvendi! Mban fjalimin e ‘lamtumirës’: Nuk kam bërë mrekullira, por jam angazhuar maksimalisht
TIRANË– Deputetja Mimi Kodheli ka mbajtur gjatë seancës së sotme plenare fjalën e saj të fundit në Kuvend, pasi nuk arriti dot të merrte mandatin në zgjedh...
Edhe pak ditë si deputet, Kostaq Papa i bën qokat e fundit vetes: Më ktheni shtëpinë që më ka marrë shteti para 50 vitev
TIRANË – Deputeti opozitar i Kuvendit, Kostaq Papa, teksa ka qenë duke folur në seancën e sotme plenare, ndër të tjera ka bërë një kërkesë të çudits...
Qeveria kërkon të ‘gjejë’ kush pastron paratë, OJF-të bëjnë thirrje për projektligjin: Mos e miratoni, na dëmton pu
TIRANË– Më shumë se 140 organizata jo fitimprurëse i kanë bërë thirrje Kuvendit të Shqipërisë që të mos miratojnë sot projektligjin për krijimin e regjistr...
Vendimi për negociatat, Balla: Shqipëria i ka plotësuar pritshmëritë! Raportimi i KLSH dhe ILDKPI: Të rritet bashkëpunimi
TIRANË– Kryetari i Grupit Parlamentar Partisë Socialiste, Taulant Balla, ka komentuar ditën e sotme vendimin e Bashkimit Europian për të mos caktuar një da...
Myslim Murrizi nga Kuvendi: Këtu do vijnë hajdutë doganash, armësh e kontrabandistë, sa lumturi, do mblidhet ajka e vendit
TIRANË– Deputeti Myslim Murrizi është shprehur se Kuvendi në shtator do të mbushet me hajdutë doganash, armësh, nafte e kontrabandistë. Nga foltorja e Kuve...
Ministria e Jashtme publikon rregullat e reja: Shqiptarët që duhet të shkojnë në Austri duhet të pajisen me test ose certi
TIRANË– Ministria e Punëve të Jashtme ka lajmëruar për ndryshimin e rregullave për të udhëtuar drejt Austrisë. Në një njoftim zyrtar, Ministrja e Jas...
ILDKPKI për kontrollin e pasurive: Gjatë 2020 janë referuar 72 raste në polici dhe janë vendosur 33 gjoba për zyrtarë të
TIRANË– Kryetarja e Inspektoratit të Lartë të Deklarimit dhe Kontrollit të Pasurive dhe Konfliktit të Interesave, Evgjeni Bashari ka paraqitur në Kuvend r...
Ndryshon rendi i ditës në Kuvend, Balla propozon shqyrtimin e Komisionit që do të përzgjedhë anëtarët zëvendësues për
TIRANË– Kreu i grupit parlamentar ka kërkuar që sot të shtohet në rendin e ditës për tu shqyrtuar edhe projekt-vendimi për krijimin e Komisionit me 1...