TIRANË– Më shumë se 140 organizata jo fitimprurëse i kanë bërë thirrje Kuvendit të Shqipërisë që të mos miratojnë sot projektligjin për krijimin e regjistrit elektronik të OJF-ve. Përmes një deklarate të përbashkët, OJF-të kërkojnë që projektligji të mos miratohet dhe Kuvendi të nis një diskutim për të gjetur konsensus. Organizatat besojnë se projektligji i ri ka gjasa që të dëmtojë punën e organizatave. OJF-të shtojnë më tej se mirëpresin ndryshimet në projektligj për të krijuar lehtësi në regjistrimin e tyre, por më tej ata shprehen se projektligji është shumë i paqartë.
“Për ne, organizatat e shoqërisë civile, projektligji cenon rëndë të drejtën e organizimit vullnetar, parimin e proporcionalitetit në vendosjen e masave shtrënguese si dhe mbivendosjen e tyre, raportimin e dyfishtë dhe parimin e qartësisë ligjore. Ne jemi të ndërgjegjshëm për rëndësinë e krijimit të regjistrit elektronik, jo vetëm si një nevojë për të adresuar rekomandimet e ‘MONEY- VAL’-it, por mbi të gjitha si një përmbushje e kërkesës shumëvjeçare të vetë sektorit që mundëson vlerësimin e duhur të rolit dhe impaktit të punës së tij. Çdo nevojë për të adresuar detyrimet ndërkombëtare nga ana e shtetit shqiptar, nuk duhet të cenojë të drejtën e grupeve të interesit për t’u dëgjuar dhe konsultuar nëpërmjet një procesi efektiv. Megjithatë, projektligji duket shumë problematik dhe përmban dispozita të paqarta dhe të sfumuara që mund të prekin lirinë e organizimit dhe të tkurrin veprimtarinë e sektorit. Në projektligjin e propozuar vërehet si një zhvillim pozitiv për legjislacionin fakti që synon të ulë barrën dhe koston e regjistrimit të organizatave jofitimprurëse, ndryshimeve në regjistrim apo ç’regjistrimit të tyre pranë Gjykatës së Rrethit Gjyqësor Tiranë.
Megjithatë, ajo që bie fillimisht në sy nga relacioni shoqërues i projektligjit është fakti që nuk përmendet marrja si referencë e asnjë modeli apo modeleve ligjesh të ngjashme të vendeve të Bashkim-it Europian në hartimin e tij. Në projektligj përmenden rekomandimet e “MONEYVAL”-it, i cili për shkak të specifikave dhe fushës që mbulon ka evidentuar disa çështje që kanë të bëjnë me parandalimin e financimit nga terrorizmi në sektorin e OJF-ve, por në vlerësimin tonë, këto rekomandime kryesisht i referohen politikave të vendit (pra, jo detyrimisht kërkohen ndryshime të natyrës legjislative) dhe jo detyrimisht duhet të sjellin ndryshimin e një ligji të tërë dhe as nuk mund të përgjithësohen për çdo aspekt të regjistrimit të organizatave,”- shkruhet në reagimin e mbi 20 OJF-ve në procesin e konsultimit publik.
Po çfarë thotë projektligji për krijimin e regjistrit elektronik të OJF-ve?
Projektligji “Për Regjistrimin e Organizatave Jofit- imprurëse” që është futur në seancën e sotme plenare synon të krijojë një regjistër qendror elektronik të organizat- ave jofitimprurëse. Projektligji është një nismë e Këshillit të Ministrave dhe në relacionin e tij thuhet se këto ndryshime janë bërë pas rekomandimit të “MONEYVAL”-it për parandalimin e pastrimit të parave.
Relacioni i projekligjit: Nga Komiteti i Ekspertëve për Vlerësimin e Masave kundër pastrimit të parave dhe financimit të terrorizmit (MONEYVAL) është vlerësuar dhe rekomanduar krijimi i regjistrit elektron- ik dhe përmirësimi i procedurave të regjistrimit të OJF- ve. Në Rekomandimet e Raportit është vlerësuar se vendi ynë nuk ka ndonjë politikë të qartë për të promovuar llogaridhënien, integritetin dhe besimin publik në administrimin dhe menaxhimin e OJF-ve, duke pasur një qasje të kufizuar ndaj sektorit të OJF-ve dhe komunitetit të donatorëve për çështjet e financimit nga terrorizmi. Në raport cilësohet ndër të tjera se nuk ka asnjë dokument mbi praktikat më të mira që të jetë hartuar nga Shqipëria me përfshirjen e OJF-ve, si dhe nuk janë ndër- marrë hapa për promovimin, mbikëqyrjen e riskut ose monitorimin e OJF-ve. Prandaj, kjo nismë sigurisht vjen edhe nga rëndësia e përmbushjes së Rekomandimeve të Komitetit të Ekspertëve të “MONEYVAL”- it lidhur me këtë fushë.
(F.m/dosja.al)
Iftar dhe politikë, a u prek Muaji i Ramazanit nga politikanët?
TIRANË– Kryetari i Grupit Parlamentar Partisë Socialiste, Taulant Balla, ka komentuar ditën e sotme vendimin e Bashkimit Europian për të mos caktuar një da...
TIRANË– Deputeti Myslim Murrizi është shprehur se Kuvendi në shtator do të mbushet me hajdutë doganash, armësh, nafte e kontrabandistë. Nga foltorja e Kuve...
TIRANË– Ministria e Punëve të Jashtme ka lajmëruar për ndryshimin e rregullave për të udhëtuar drejt Austrisë. Në një njoftim zyrtar, Ministrja e Jas...
TIRANË– Kryetarja e Inspektoratit të Lartë të Deklarimit dhe Kontrollit të Pasurive dhe Konfliktit të Interesave, Evgjeni Bashari ka paraqitur në Kuvend r...
TIRANË– Kreu i grupit parlamentar ka kërkuar që sot të shtohet në rendin e ditës për tu shqyrtuar edhe projekt-vendimi për krijimin e Komisionit me 1...
TIRANË– Deputeti Myslim Murrizi ka komentuar ditën e sotme vendimin e Bashkimit Europian për të mos caktuar një datë për konferencën ndërqeveritare me Shqi...
TIRANË– Kreu i KLSH-së Arben Shehu ka raportuar sot në Kuvendin e Shqipërisë punën 1-vjeçare në institucionin që ai drejton. Nga foltorja e Kuvendit...
TIRANË – Gjatë deklaratës së djeshme së bashku me homologun e tij të Maqedonisë së Veriut, Kryeministri shqiptar, Edi Rama, nuk ka nguruar sërish të ...
TIRANË– Ambasadori i Delegacionit të Bashkimit Evropian në Tiranë, Luigi Soreca ka takuar ditën e djeshme zëvendëskryetarin e Gjykatës së Lartë, Sokol Sadu...
TIRANË– Në Shqipëri, Gjykata Kushtetuese vendosi të mërkurën në mbrëmje që t’i drejtohet Komisionit të Venecias për një opinion mbi vlefshmërinë ose ...