TIRANË– Dorian Matlija dhe Irena Dule, dy avokatët e disa prej banorëve të Kombinatit që prej kohësh përplasen me Bashkinë Tiranë për shembjen e pallateve kanë mohuar lajmet se Bashkia ka fituar ndonjë gjyq ndaj banorëve. Në një deklaratë zyrtare për mediat, avokAtët theksojnë se ajo që ka fituar vërtet Bashkia Tiranë është vetëm rrëzimi i një mase sigurie për njërën nga familjen e njërit pallat, ndërkohë që procesi vijon në shkallët e tjera.
Dhe duke qenë se Bashkia Tiranë nuk ka fituar asnjë process gjyqësor, gjykata nuk i ka dhënë asaj të drejtën për të vazhduar projektin në Kombinat. Projekti prek me dhjetëra pallate dhe asnjëherë gjykata nuk është shprehur për të sepse jemi është ende shumë larg përfundimit të procesit në shkallë të pare.
DEKLARATA E PLOTË:
Me cilësinë e avokatëve të disa banorëve të zones së Kombinatit, të prekur nga tentative për shembjen e godinave të prekura nga tërmeti i 26 Nëntorit 2019,nisur nga qarkullimi i një lajmi të rremë dhe dashakeq të publikuar në disa media për “gjyqin e fituar” nga Bashkia Tiranë për shembjen e pallateve të Kombinatit, kërkojmë të sqarojmë opinionin public si mëposhtë: Së pari, Bashkia Tiranë nuk ka fituar asnjë gjyq për pallatet e Kombinatit. Të gjithë proceset gjyqësore janë duke vijuar dhe janë në fazat e hershme të procesit. Së dyti, ajo që ka “fituar” Bashkia Tiranë është vetëm rrëzimi i një mase sigurie për njërën nga familjen e njërit pallat, ndërkohë që gjykata, me kërkesën tonë, ka dhënë këto ditë disa masa sigurie për familje të tjera dhe pallate të tjerë, që detyron Bashkinë të mos i prekë këto pallate. Në gjykatë janë duke u shqyrtuar edhe disa masa të tjera sigurie dhe një rast negative nuk ka peshë në krahasim me shumë raste kur gjykata ka marrë një vendim pozitiv. Edhe në rastin e rrëzimit të masës së sigurisë që ka ndodhur sot, gjyqi vazhdon, duke gjykuar cështjen pa masë sigurie.
Së treti, gjykata nuk ka publikuar arsyet pse e rrëzoi këtë masë sigurie, pra në këtë moment nuk përmendet askund në ndonjë vendim gjykate nëse ishte rreziku i jetës së banorëve apo nëse pallatet janë dëmtuar në masën mbi 70%. Ky është një spekulim që mbështetet thjesht mbi pretendimet që vetë Bashkia ka ngritur, por që është kundërshtuar nga mendimi i specializuar i ekspertëve që kanë dëshmuar në process deri tani. Së katërti, duke qenë se Bashkia Tiranë nuk ka fituar ndonjë gjyq, gjykata nuk i ka dhënë asaj të drejtën për të vazhduar projektin në Kombinat. Projekti prek me dhjetëra pallate dhe asnjëherë gjykata nuk është shprehur për të sepse jemi ende shumë larg përfundimit të procesit në shkallë të parë, pa folur fare për shkallët e tjera të gjykimit. Së pesti, asnjë objekt nuk po ngrihet në atë zone për të strehuar banorët, ndërkohë që këtyre të fundit u është bërë e qartë që vendi i strehimit do jetë diku tjetër dhe jo në atë zonë.
Së fundi, I bëjmë thirrje mediave që të publikojnë këtë deklaratë krahas lajmit të sipër përmendur, me qëllim që të balancohet ky informacion i prodhuar me porosi. E vërteta është që në shumicën dërrmuese të rasteve masat e sigurisë janë dhënë dhe se të gjithë gjyqet janë në vijim të gjykimit të themelit të padisë dhe asnjë gjyq deri tani nuk është fituar as nga banorët dhe as nga BashkiaTiranë. Kyproces do zgjasë përtej pushimeve verore dhe deri atëherë çdo lajm për “fitore” gjyqi nga Bashkia duhet të merret me reserve maksimale për të mosfabrikuar frikë të panevojshme të banorëve që janë në të drejtën e tyre dhe të vazhdojnë të kenë besim te drejtësia dhe pse jo, edhe te media.
Pak ditë më parë, Bashkia Tiranë bënte me dije se ka nisur punën për rindërtimin e pallateve të reja në Kombinat, ku do strehohen të gjitha familjet e prekura, në apartamente të reja. Sipas tyre, Gjykata kishte rrëzuar paditë që kërkonin pezullimin e prishjes së pallateve, duke lënë në fuqi vendimin e Këshillit Bashkiak të Tiranës dhe lejuar vijimin e punës për transformimin e zonës.
Ndërsa avokatët pretendojnë të kundërtën. Nisja e shembjes së pallateve në Kombinat me argumentin se janë dëmtuar si pasojë e tërmetit të vitit 2019 ka krijuar përplasje. Banorët kanë bërë rezistencë pasi shprehen se nuk do të braktisin shtëpitë e tyre deri në momentin që të kenë marrë një dokument zyrtar se në cilën banesë dotë shpërngulen. Opozita e ka konsideruar një lëvizje mafioze nga ana e Bashkisë Tiranë. Ndërsa Presidenti Ilir Meta e ka konsideruar antiKushtetuese ndërhyrjen e qeverisë dhe Bashkisë në shembjen e pallateve në zonën e Kombinatit, pas vendimit të Gjykatës. Më 25 maj, vetë Gjykata Administrative e Tiranes ka dalë me një tjetër vendim që kundërshton prishjen e ndërtimeve në Kombinat.
(F.m/Dosja.al)
Iftar dhe politikë, a u prek Muaji i Ramazanit nga politikanët?
DURRËS– Një person është vënë në pranga, një tjetër është shpallur në kërkim dhe pesë të tjerë janë proceduar penalisht pas aksionit të shembjeve të ndërti...
TIRANË– 2 mijë e 454 viktima, 124 raste aktive dhe 129 mijë e 910 të shëruar. Ky është bilanci i Covid-19 që nga fillimi i pandemisë në vend. Në 24 o...
TIRANË– 22-vjeçari Endri Zaja, i cili ishte shpallur në kërkim është vënë në pranga nga Policia e Durrësit, teksa bënte plazh. Mësohet se Zaja ndodh...
DURRËS– Endri Zaja, 22 vjeçari që përplasi me makinë një çift në Durrës katër ditë më parë, ndërsa po ecte me shpjetësi të lartë, është vënë ...
TIRANË– Data shënon 19 qershor dhe temperaturat janë 32 gradë celsius, por kjo është minimalja e tempraturave ‘të çmendura’ me të cilat do të keni t...
ELBASAN– Pamjet e mëposhtme tregojnë momentin kur një prej personave që mbeti i plagosur në aksidentin e ndodhur mesditën e sotme në Elbasan, është nxjerrë nga ...
ELBASAN– Fotoja që po shikoni vjen nga Elbasani, nga zona e Bradasheshit, aty ku u shënua një aksident i rëndë mesditën e sotme.Siç shihet edhe në pamje,...
VLORË– Ndonëse ditët e fundit ka nsiur një aksion për pastrimin e bregdetit shqiptar, në Karaburun, qeset me plehra janë harruar. Dosja.al ju sjell f...
ELBASAN– Dy persona kanë mbetur të plagosur si pasojë e një aksidenti automobilistik. Mësohet se ngjarja e rëndë është regjistruar në aksin Elbasan-Bradashesh m...
LEZHË– Një person i identifikuar si Bledi Dushku është dhunuar në Lezhë dhe ka përfunduar në Urgjencën e spitalit të këtij qyteti. Mësohet se Dushku është ...