Bota

Kusari i përgjigjet deklaratës arrogante të Lajçak: Nëse nuk të pëlqen puna shko diku tjetër

18 Qershor 2021, 06:40 Nga DOSJA

Kusari i përgjigjet deklaratës arrogante të Lajçak:

KOSOVË– Shefja e Grupit Parlamentar të Vetëvendosjes, Mimoza Kusari ka reaguar ndaj Emisarit të BE-së, Miroslav Lajçak lidhur me deklaratën për liberalizimin e vizave për Kosovën. Kusari i ka thënë Lajçakut që nëse nuk i pëlqen puna e tij ndoshta duhet të shkosh diku tjetër.

Miroslav Lajçak dje ka deklaruar se nëse Kosova nuk i beson BE-së le të shkojë diku tjetër. Kusari ka shkruar se kjo deklaratë e diplomatit sllovak është arrogante.

“Po i kundërpërgjigjem Miroslav Lajçakut. Nëse nuk të pëlqen puna jote ndoshta duhet të shkosh diku tjetër. Çfarë deklarate arrogante nga dikush që është i thirrur t’i ndihmojë shtetet që të vijnë më afër BE-së e jo të shikojnë më larg nga ajo”, ka shkruar Kusari në Twitter.

As ish-ambasadorja e Kosovës në SHBA, Vlora Çitaku, ka komentuar deklaratën e Lajcak.

“Arrogant. Ekstremisht arrogant. Zgjerimi nuk është projekt altruist. Për më tepër, nëse Bashkimi Evropian dështon në fqinjësi, atëherë si presin burokratët e BE-së, të merren seriozisht me vende më të largëta dhe shumë më komplekse”, thotë ajo.

Miroslav Lajçak dje ka deklaruar se nëse Kosova s’i beson BE-së le të shkojë diku tjetër, kur është pyetur se a duhet Kosova t’i besojë BE-së për liberalizimin e vizave përderisa Bashkimi Evropian ka dështuar ta heq regjimin e vizave për kosovarët.

Deklarata e Lajçakut është pritur me reagime të ashpra në Kosovë.

(d.a/dosja.al)

Iftar dhe politikë, a u prek Muaji i Ramazanit nga politikanët?

View Results

diaspora diaspora mimoza kusari miroslav lajčák vlora citaku mimoza kusari miroslav lajčák vlora citaku