Aktualitet

Protesta, Meta: Nëse do të ketë dhunë, përgjegjësia bie mbi drejtuesit e opozitës

25 Maj 2019, 10:22 Nga DOSJA
Protesta, Meta: Nëse do të ketë dhunë,

Tiranë- Presidenti Ilir Meta ka reaguar për protestën e sotme  dhe i ka bërë thirrje opozitës që nëse do të ketë dhunë përgjegjësia bie mbi ta.

“Në protestat e mëparshme, pavarësisht nga përkrahja qytetare, janë vërejtur disa akte dhune të papranueshme, ndaj dua t’ju kujtoj se drejtësia e kauzës tuaj, nuk duhet të cënohet nga veprime të papërmbajtura të individëve të caktuar. Është përgjegjësi e udhëheqësve të Opozitës së Bashkuar për mbarëvajtjen e protestave ku ata ftojnë qytetarët të marrin pjesë.”, shprehet Meta.

Presidenti thekson se qytetarët kanë të drejtën të protestojnë por duhet në mënyrë paqësore sepse kështu i shërbejnë më mirë të ardhmes europiane të Shqipërisë.

Pak minuta më parë kryeministri Edi Rama i dërgoi një letër të katër publike Bashës ku kërkon sërish dialog me të. Ai shprehet se opozita duhet të harrojë dorëheqjen e tij dhe shprehet se edhe armiqtë dialogojnë. (lexo këtu)

Reagimi i Metës:

Qëndrim i Presidentit të Republikës, Sh.T.Z Ilir Meta për protestën e thirrur sot nga Opozita e Bashkuar

25 maj 2019

Në prag të protestës kombëtare të thirrur sot në mbrëmje nga drejtuesit e Opozitës së Bashkuar, duke shprehur bindjen se tubimet paqësore e demokratike, janë një e drejtë fondamentale e demokracisë, legjitime e kushtetuese, dua të theksoj se sa e rëndësishme është që ajo të jetë tërësisht paqësore.

Si President i Republikës kam qenë dhe jam i bindur se është më mirë që shqiptarët të protestojnë për të drejtat e tyre dhe të kërkojnë një Shqipëri më të mirë dhe gjithëpërfshirëse, se sa të largohen nga vendi.

Në protestat e mëparshme, pavarësisht nga përkrahja qytetare, janë vërejtur disa akte dhune të papranueshme, ndaj dua t’ju kujtoj se drejtësia e kauzës tuaj, nuk duhet të cënohet nga veprime të papërmbajtura të individëve të caktuar.

Është përgjegjësi e udhëheqësve të Opozitës së Bashkuar për mbarëvajtjen e protestave ku ata ftojnë qytetarët të marrin pjesë.

Vetëm në këtë mënyrë, kauza juaj për një demokraci të vërtetë, që garanton një bashkëjetesë të gjerë qytetare, legjitimitet e funksionalitet të institucioneve, do të dëgjohet më mirë brenda dhe jashtë vendit.

Protestat e vazhdueshme të opozitës kanë pasur vëmendjen dhe janë transmetuar nga mediat më të njohura botërore, por imazhet tërësisht paqësore të protestës suaj do t’i shërbejnë më mirë të ardhmes europiane të Shqipërisë.

J.V/Dosja.al 

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet ilir meta protesta e opozites 25 maj 2019 thirrja e metës për opozitën ilir meta protesta e opozites 25 maj 2019 thirrja e metës për opozitën

Sondazh

Poll

MË SHUMË