Aktualitet

Provimi i matematikës “ndezi zjarr” maturantët! Eksperti Sejdiu i vë vulën: Pyetjet ishin të thjeshta, vështirësia vi

12 Qershor 2021, 20:13 Nga DOSJA
Provimi i matematikës “ndezi zjarr” maturantët! Eksperti

TIRANË– Ish-drejtori i Arsimit parauniveristar, Fatmir Vejsiu ka komentuar tezën e provimit të matematikës për Maturën 2021. Me anë të një postimi në rrjetin e tij social, eksperti i Arsimit, Vejsiu shkruan se modeli ishte ndryshe nga ai që publikoi Ministria, ndërsa shton se disa nga pyetjet ishin të sakta dhe jo të vështira, por ishin të formuluara keq.

“Kur e pashë, më rezultoi se rreth 70% të pikëve ishin të mundëshme për këdo që kish bërë matematikë me mësues matematike. Kishte edhe ushtrime të vështira (në fakt shumë pak). Kishte edhe ushtrime, vështirësia e të cilave vinte nga formulimi i keq. Përgjithësisht testi ishte i pakëndëshëm për mua, por QSHA, nuk pyet për askënd. I pëlqen mendja e vet,”-shkruan ai ndër të tjera.

POSTIMI I PLOTË: 

Matura 2021 dhe Matematika. Shkruajta para dy ditëve, që testi i matematikës duhet të ishte ndryshe nga ai model i shëmtuar që shpërndau QSHA. Në atë postim nuk u mora me formulimin e pyetjeve, por veç me përmbajtjen. Doja ta shikoja testin e datës 11 qershor dhe munda ta gjej të fotografuar, nuk e di se nga kush. Nuk dua të merem me këtë problem, kur doli dhe kush e nxori testin para orës 12.30, apo para se të fillonte provime (para orës 10.00) Impresionin e parë e mora nga media, ku shumë maturantë deklaronin se testi ishte i vështirë. Kur e pashë, më rezultoi se rreth 70% të pikëve ishin të mundëshme për këdo që kish bërë matematikë me mësues matematike. Kishte edhe ushtrime të vështira (në fakt shumë pak). Kishte edhe ushtrime, vështirësia e të cilave vinte nga formulimi i keq. Ajo që vura re ishte se kishte vend edhe për nxënës të formuar matematikisht. Të marësh 10.00 në matematikë nuk është e lehtë, por fatkeqsisht, nxënësit tanë kërkojnë maksimumin edhe kur nuk e meritojnë atë. Hartuesi/hartuesit e testit kanë gjynahet e tyre, tek të cilat do qëndroj pak në këtë postim (ka edhe më shumë se sa kaq ). Ushtrimi 4, konsiderohet ushtrim i mirë në matematikë. Për mua nuk ka rëndësi se ai paska qenë përkthyer. Rëndësi ka që ai është brenda programit të gjimnazit. Nga fakti që numri “a”është i thjeshtë dhe “b” numër çift, maturanti duhet të gjente një nga altenativat e dhëna, pra ky ushtrim vlerësohet me një ose zero pikë. Një pikë merr edhe ai që arsyeton matematikisht edhe ai që ka zgjedhur alternativën e saktë rastësisht apo të marë nga ndonjë shok i mjedisit ku ka zhvilluar provimin apo më keq akoma, nga jashtë. Nëse maturantët do protestojnë për këtë ushtrim, jam i sigurtë që QSHA do t’i kundërvihet me përqindjen e nxënësve që i janë përgjigjur saktë kësaj pyetje (ashtu si bënë me TURIN, vitin e kaluar) Pa dashur ta matematizoj këtë postim, unë do e kërkoja me zgjidhje këtë ushtrim dhe do e vlerësoja me të paktën 3 pikë. Ushtrimi 6 është shembulli i formulimit më kot që mund të shikosh në një test kombëtar, siç është matura shtetërore. Paskan dhënë një numër P të rrumbullakosur në numrin e plotë më të afërt në vlerën 5 (matematikisht shprehet 4.5 ≤ P< 5.5). Një numër tjetër Q, i dhënë saktësisht me një shifër dhjetore qënka 5.0, atëhere pohimi P ≠ Q është i vërtetë, apo ndonjëherë i vërtetetë, apo asnjëherë i vërtetë. Hartuesi dashka që maturanti të përgjigjet se pohimi është ndonjë herë i vërtë, sepse numri 5 i rrumbullakosur në 5 (?!) është i barabartë me numrin 5.0 që nuk është numër dhjetor ?! Për mua ky ushtrim nuk duhet të merret në konsideratë për askënd. Ushtrimi 25 është ushtrim që bën diferencën midis nxënësve. Për përmbajtjen dhe kërkesat nuk mund të bësh asnjë vërejtje. Vërejtje është se nuk mjafton vetëm një ushtrim i tillë! Është për te qeshur me interpretimin matematik që i bën hartuesi projekteve për ndërtimin e pistave të biçikletave në ushtrimin 27. Formula që lidh lartësinë e rrugës në metra në funksin të kohës në sekonda jepet me anë të funksionit h=t^3-10t^2+29t-20 si funksion është i njohur nga maturantët, por përmbajja e tij është pa sens. Bëhet fjalë për një pistë biçikletash në sistem malor Po të zëvendëjmë t = 0, i bie që çiklisti niset nga 20 m nën tokë dhe më e keqia, që pas 20 sekondave çiklisti do jetë në lartësinë 4560 m, gati sa tri herë më lart se maja e malit të Dajtit dhe po e zgjati udhëtimin edhe për pak sekonda, me siguri do kalojë edhe majën Everest të Himalajave.  Përgjithësisht testi ishte i pakëndëshëm për mua, por QSHA, nuk pyet për askënd. I pëlqen mendja e vet. U mesuam me rishikimin e skemave te vleresimit, por nuk po shikojme venien para pergjegjesisë të atyre që shkaktojnë keto situata 

Përveç protestës së sotme, maturantët kanë nisur edhe një peticion online për të rivlerësuar provimin duke pretenduar se pyetjet ishin të ngatërruara dhe formati nuk i ishte përmbajtur atij të paralajmëruar nga Ministria e Arsimit. Ndërsa Ministria shtoi se mund të rishikohet shpërndarja e pikëve.

(k.m/dosja.al)

Iftar dhe politikë, a u prek Muaji i Ramazanit nga politikanët?

View Results

aktualitet aktualitet fatmir vejsiu matura 2021 provimi i matematikes 2021 fatmir vejsiu matura 2021 provimi i matematikes 2021

Sondazh

Poll

Aktualitet 12 Qershor 2021, 19:37

Kultivimi i kanabisit në ambiente të mbyllura është një fenomen i cili po lulëzon në vendin tonë. Sipas ekspertëve, është një nevojë e re që krijohet në pamundë...

MË SHUMË