Sport

Turqia në kërkim të surprizës ndaj Italisë, ka frenuar dy herë Francën, kampionët e botës

11 Qershor 2021, 15:44 Nga DOSJA
Turqia në kërkim të surprizës ndaj Italisë, ka frenuar

ITALI – Turqi-Itali është sfida hapëse e “Euro2020”, një ndeshje ku “të kaltrit” do të kërkojnë të konfirmojnë forcën që kanë shfaqur në ndeshjet e fundit, ndaj një skuadre, që ka qenë në gjendje që të ndalë Francën 2 herë në kualifikueset e “Euro 2020” dhe e mbylli këtë fushatë me vetëm 1 pikë më pak se kampionët e botës.

Është ky një tregues, që vë në dukje se Turqia nuk do të jetë një kundërshtar aspak i lehtë për skuadrën e Roberto Mancinit në ndeshjen debutuese të këtij europiani. Senol Gunes ka krijuar një skemë të tillë, që mund t’i shkaktojë dëme skuadrës 4 herë kampione të botës padyshim. Turqia është një skuadër që ka qenë në 5 nga 7 evropianët e fundit dhe për herë të parë ajo e pa veten në fazën finale të një kompeticioni të tillë në 1996.

Hakan Calhanoglu pritet të jetë kërcënimi kryesor për skuadrën e Italisë, teksa ai do të jetë një prej pikave të referimit, përsa i përket fazës ofensive të lojës. Në gadishullin Apenin e njohin shumë mirë mesfushorin e Milanit, që gjithsesi nuk është i vetmi që duhet të shqetësojë trajnerin Mancini, teksa mund të përmendim emra të tillë, si Burak Yilmaz apo Yazici, kampion i Francës me Lille.

Turqia do të kërkojë të startojë sa më mire Europianin, duke i shkaktuar një surprizë të hidhur Italisë, që për më tepër luan në shtëpinë e saj, në tempullin e futbollit italian, “Olimpico”, në një takim që është lënë për sot në mbrëmje, në orën 21:00.

B.T (Dosja.al)

Iftar dhe politikë, a u prek Muaji i Ramazanit nga politikanët?

View Results

sport sport “olimpico” euro 2020 hakan calhanoglu roberto mancinit senol gunes turqia “olimpico” euro 2020 hakan calhanoglu roberto mancinit senol gunes turqia

Sondazh

Poll

MË SHUMË