Aktualitet

Gjyqi në Kushtetuese për Teatrin, Presidenca kërkon shtyrje: Dje na i dha dokumentet Këshilli i Ministrave, s’na mjaftoi k

3 Qershor 2021, 08:34 Nga DOSJA
Gjyqi në Kushtetuese për Teatrin, Presidenca kërkon shtyrje: Dje

TIRANË– Presidenca kërkon marrjen e provave shtesë për çështjen e shembjes së Teatrit Kombëtar. Në seancën e sotme në Gjykatën Kushtetuese, këshilltari i presidentit Ilir Meta, Bledar Dervishaj ka kërkuar shtyrjen e seancës për t’u njohur me prova shtesë pasi pretendon se materialet i ishin vënë në dispozicion vetëm 24 orë më parë.

“E kemi pritur prej dy vitesh këtë seancë. Nuk është marrë në shqyrtim kërkesa për prova shtesë. Kemi 2 vite që kërkojmë prova shtesë dhe ende nuk i kemi marrë. 24 orë nuk mjaftojnë për të shqyrtuar dokumentet, nuk shprehemi në këtë seancë. Vetëm dje Këshilli i Ministrave i ka vënë në dispozicion dokumentet. Ne duam që të njihemi me provat dhe të caktojmë një tjetër seancë,”-tha ai gjatë seancës.

PROVAT QË KËRKON DERVISHAJ

. 1. Kopje të shitblerjes së pronës truall nga Francesko Jakomoni dhe trashëgimtareve të familjes Libohova ku u ndërtua teatri kombëtar
2. Kopje të lejes së ndërtimit nga Mbreti Zog për ndërtimin e teatrit
3. Kopje e projektit të arkitektit për ndërtimin e teatrit
4. Akte që vërtetojnë ndryshimin e qëllimit të përdorimit të Godinës
5. Kopjen e praktikës së shpalljes së Ansamblit të Teatrit monument kulture
6. Hartat e përdorura për shpalljen e kësaj zone të trashëgimisë historike
7. Kopje të diskutimeve shkencore të Monumenteve të Kulturës 2004-2007 që ka vlerësuar monumentet historike në qendrën e Tiranës
8. Listën e plotë të ndërtesave të përfshira në qendrën historike
9. Kopje të praktikës institucionale ku pasqyrohet identifikimi i nevojës për miratimin e ligjit special për Teatrin
10. Konsultimet para dhe pas hartimit të këtij ligji të posaçëm
11. Mendimet e të gjitha institucioneve të përfshira gjatë konsultimit
12. Diskutimet në këshillin e ministrave për këtë çështje
13. Kopje të akteve se si Bashkia Tiranë ka ndërprerë negociatat për godinën
14. Procesverbalet e komisionit të posaçëm nëse ai ka zhvilluar negociata me kompani të interesuara për të ndërtuar teatrin e ri dhe kostot financiare të secilës ofertë
15. Kostot e gjetjes dhe përballimit të konsulencës
16. Si u arrit në përfundimin që Shteti arriti në përfundimin për ta ndërtuar vetë, me para publike, dhe jo me koncesion
17. Si u kalua trualli nga Ministria e Kulturës në pronësi të Bashkisë Tiranë? Duam praktikën e kësaj procedure
18. Kopje të akteve të nxjerra para gjatë dhe pas shembjes së godinës së Teatrit Kombëtar
19. Veprimet e Kryetarit të Bashkisë Tiranë pas kërkesës së KLSH-së për të pezulluar veprimet me teatrin deri në shprehjen e gjykatës.

LAJMI KRYESOR: “Kushtetuesja” shqyrton kërkesën e Ilir Metës për Teatrin Kombëtar! Presidenca kërkon shtyrje: Na duhet kohë, dje na i dhanë dokumentet! Të thirrën dëshmitarë, kemi folur ne me ta…

(k.m.dosja.al)

Iftar dhe politikë, a u prek Muaji i Ramazanit nga politikanët?

View Results

aktualitet aktualitet bledar dervishi gjykata kushtetuese gjyqi per teatrin ne kushtetuese shembja e teatrit kombëtar bledar dervishi gjykata kushtetuese gjyqi per teatrin ne kushtetuese shembja e teatrit kombëtar

Sondazh

Poll

MË SHUMË