Sport

Challandes: “Ne jemi Kosova nuk kemi luksin të zgjedhim kundërshtarët”

1 Qershor 2021, 10:41 Nga DOSJA

Challandes: “Ne jemi Kosova nuk kemi luksin të zgjedhim

KOSOVE – Kosova vijon përgatitjet për 4 miqësoret e planifikuara për t’u luajtur në ditët e para të muajit qershor, teksa trajneri Bernard Challandes ka dalë në një konferencë për shtyp në prag të përballjes me San Marinon, e planifikuar për nesër në mbrëmje në “Fadil Vokrri”.

“Luajmë një ndeshje ndërkombëtare nesër, përballë San Marinos dhe mendoj se është një ndeshje mjaft e mirë për ne, pasi do të mund të shohim disa futbollistë të rinj. Para pak ditësh ata treguan cilësitë e tyre edhe ndaj Italisë, ndaj tani do të jetë radha jonë të tregojmë aftësitë tona”, tha Challandes në nisje të konferencës për shtyp.

Pse zgjodhët San Marinon dhe Maltën për miqësore në këto ndeshje?
Duhet të kemi parasysh se ne jemi Kosova dhe ne nuk e kemi mundësinë të zgjedhim gjithmonë aty që duam. Në mars u përballëm me dy kundërshtarë të fortë si Spanja dhe Suedia, ndaj mendova që do të ishte mirë të përballeshim me dy skuadra jo shumë të forta në këto momente, pasi jemi në fund të sezonit dhe lojtarët janë të lodhur. Unë kam respekt edhe për këta kundërshtarë dhe i shoh si një mundësi e mirë për të luajtur futbollin tonë e për të vlerësuar disa lojtarë të rinj. Janë dy ndeshje ku ne duhet të fitojmë. Nëse mendoni se kam zgjedhur këta kundërshtarë për të shpëtuar kokën time, atëherë në këto 3 vite e gjysmë nuk keni mësuar asgjë për personalitetin tim.

Kur mund të “ngremë stekën” sërish për të pritur rezultate të rëndësishme?
Në futboll të vjen koha të përballesh me kundërshtarë të niveleve të ndryshme dhe njëherë ke përballë Anglinë dhe një herë tjetër San Marinon. Nëse Italia luan miqësore me San Marinon, atëherë pse të mos luajmë edhe ne. Nuk është një kundërshtar shumë i fortë, por këtu kemi një tjetër përgjegjësi, pasi nuk duhet vetëm të fitojmë, por edhe të bëjmë një futboll të bukur. Më duket një mundësi shumë e mirë për të provuar lojën tonë. Ndaj Spanjës kemi humbur, por kemi pasur mundësi të mësojmë shumë gjëra dhe këtu është një moment për të provuar të aplikojmë lojën tonë.

Pse mungon Zhegrova, që ka treguar një formë mjaft të mirë me Baselin?
Puna ime si trajner është të zgjedh futbollistë dhe të krijoj një grup me dublim lojtarësh në çdo grumbullim. Për këto ndeshje kam 4 sulmues anësorë, që janë Kastrati, Rashica, Zeneli e Bytyçi, me këtë të fundit që vjen për herë të parë, pasi ka bërë shumë mirë. Zhegrova nuk është në këtë listë, ashtu si edhe Berisha, pasi vendosa të kem vetëm kaq futbollistë në këtë grumbullim. Nuk ka asnjë arsye specifike.

B.T (Dosja.al)

Iftar dhe politikë, a u prek Muaji i Ramazanit nga politikanët?

View Results

sport sport