Insights

Shërbimi i fundit i kllounatës parlamentare

27 Maj 2021, 19:04 Nga DOSJA

Shërbimi i fundit i kllounatës parlamentare

Karrigeshqyerit e Parlamentit që sot quhen “opozitar”, janë në sprintin e fundit të shërbimeve ndaj madhërisë se tij shtatlartë e pushtetzgjatur, “faronit” Rama. Në Egjyptin e lashtë, faraoni quhej zot i qiellit dhe i tokës. Në vilajetin tonë që më shum mund kërkojmë t’i bashkohet familjes europiane, quhet K/ministër. Mediat qeveritare ku spikasin TV-të kombëtare, janë vënë në garë për të na magjepsur me cillësitë “hyjnore” të Faraonit.

Kllounata opozitare në parlament që sot ka zëvendësuar “Drejrorinë e Shërbimeve Qeveritare”, po bën shërbimet e fundit para skadencës së mandatit. AMA, Këshilli Drejtues i RTSH-së dhe qershia mbi tortë, shkarkimi i Presidentit Meta. Madje disa prej përfaqësuesve të kllounatës, e kanë cilësuar Presidentin Meta si të sëmur psiqik. Çudi! Sot e mësuam që nga opozita parlamentare, kishte edhe deputetë me profesionin mjek psikiatër.

Fjalimet e tyre, do të mbahen mend gjatë. Madje disa prej tyre, pse jo, do të hyn në histori. Gjithçka është e mundur, tani që historia do rishkruhet. P.sh, Selami Jenisheri deklaroi se ai e kishte futur Shqipërinë në Organizatën e Kombeve të Bashkuara?! Kujtim Gjuzi përfaqësonte “Organizatën e Atlantikut” pasi mban prej 35 vitesh mban në dore një orë “Atlantik”?! Kristaq Papa kishte rrëzuar diktaturën komuniste, pasi i qeraste të dashurat e tij me whisky?! Qershia mbi tortë, deputetja elokuente që zëvendësoi Bashën, Majlinda Halilaj, do hyjë në rekordin shqiptar “Guinness”, si shpikësja e “Kërpëratës”! Presidenti Meta që është treguar ca dorëlëshuar me dhënien e dekoratave, nuk duhet ta mbyll mandatin, pa dekoruar edhe kllounatën opozitare parlamentare. Selami Jenisheri, meriton titullin e lartë “ Shërbëtor i Madh”! Më falni, “Mjeshtër i Madh! Kujtim Gjuzi, “Atlantik I Madh”! Kriataq Papa, “ Kalorës whisky, I Madh”! Majlinda Halilaj “ Shpiksja Kërpërata, I Madh”! Myslim Murrizi, “Shkallmues Kushtetute, I Madh”! Presidenti Meta nuk duhet të haroj edhe Ambasadorët. Donald Lu, “ Rrejtëçpuar i Peshqëve të Mëdhenj, I Madh”! Yuri Kim, “ Patronazhiste e qeverisë, I Madh”. Ëmbëlsira për në fund. Lulzim Basha, të paktën meriton titullin “ Kryetar I PD-së përjetësisht në OPOZITË, I Madh”! Kapiteni i anijes gjysëm të mbytur PD, nuk pranon ta lëshojë postin e tij, megjithëse ka humbur busullësn e orientimit drejt “Ishullit të Pushtetit”.

E pse ta lëshojë! Veten dhe të 59 ndihmësit e tij deputetë, i ka të siguruar në varkën parlamentare të shpëtimit. Përkrahësit e tij që në tetë vite e përkrahën, i shërbyen, tani i braktisi në detin e trazuar të regjimit. Më i zoti, të shpëtojë kokën!

Një Faraon i fuqishëm i Egjyptit , i cili nuk po gajasej më me shakaktë e bufonit të tij të oborrit, teksa dëgjonte lutjet e një fatkeqi që i përgjërohej ti falte jetën (pasi kish gjuajtur në pyll), vendosi ti jepte një shans. “Do ta fal jetën nëse do mund të më bësh për të qeshur” – i tha Faraoni. Qyqari që priste egzekutimin, teksa mendonte se si ta bënte për të qeshur Faraonin, kafshoi nga sikleti gjuhën, që filloi t’i rridhte gjak. E ndërsa imitonte gomarin, kur filloi të pëlliste, nga goja i rrodhi një curil gjaku. Faraoni filloi të qeshte. “Kurrë nuk kam parë një gomar që pëllet, ndërsa nga goja në vend të jargëve, nxjerr gjak?!

A do ta zëvendësojë opozita e 25 Prillit, kllounatën e sotme në Parlament?

P.s – gojët e liga thonë që opozitarët e parlamentit, para miratimit të ligjeve, takohen te lokali Edmond Bengos. Të kenë gjetur aty, zarfat e “udhëzimit” për të ngritur kartoni pro?

Iftar dhe politikë, a u prek Muaji i Ramazanit nga politikanët?

View Results

opinione opinione ilir gjini kuvendi i shqiperise ilir gjini kuvendi i shqiperise