Në kushtet kur qiratë dhe çmimet e shitjes së apartamenteve në bregdet janë rritur, investimi për prona në këto zona mund të cilësohet biznes fitimprurës. Agjentët imobiliarë pohojnë se mbetet një investim i sigurt dhe pasuria e patundshme mund të japë fitime të kënaqshme sot, nëse kërkon që të bësh biznes me të. Qiratë e larta dhe çmimet e pronave që rriten, nuk e zgjasin shumë afatin e kthimit të investimit dhe garantojnë nivele të larta nga të ardhurat.
“Duke llogaritur kthimin e investimit nga qiraja për një pronë në bregdetin e Durrësit mund t’i marrësh minimalisht 0,5 – 0,6% në muaj. Investimi i bie të kthehet në rreth 18-20 vjet”, pohon Klajdi Memajdini nga “Devinf”. Raporti mes nivelit të qirave me çmimin e shitjeve vitin e kaluar në periudhë krize, për shkak të distancimit social u ngushtua së tepërmi.
Në Gjirin e Lalëzit, në muajt e sezonit turistik, qiraja ditore e një vile teke arriti 300 euro dhe 60 euro për apartamentet 1+1. Çmimi i qirasë për vilat elitare arriti 10,000 – 12,000 euro për të gjithë sezonin. Investimi në pasuri të patundshme në bregdet është një zgjedhje e zgjuar, pasi çmimet e tyre po rriten nga vit në vit dhe mund të përfitohet edhe nga rishitja.
Leverdishmëria më e madhe për investim pronash është në Jug të vendit. Përfaqësuesja e real estate “Balfin Real Estate & Hospitality”, Ledia Telhai, pohon se për shkak të kërkesës të lartë, investimi i pronës në “Green Coast” rikthehet menjëherë dhe shumë herë më i lartë është fitimi nga rishitja. “Do të mjaftonin 4-5 vite, që vetëm nëpërmjet qirasë, të rikuperohet vlera e investimit të një apartamenti apo vile, duke pasur parasysh tipologjinë e klientëve elitarë që i frekuentojnë ato”.
A mund të kreditohen të huajt për blerje shtëpie në bregdet
Në qytetin e Sarandës është krijuar një stok prej 600 – 700 apartamentesh të pashitura për shkak të çmimeve të larta, por edhe nga prona më të lira, por larg detit. Për zgjidhjen e këtij ngërçi, drejtuesi i një prej agjencive imobiliare në Sarandë, z. Eron Çumani, propozon kreditimin e shtetasve të huaj nga bankat shqiptare, pasi kërkesa për këto prona është e lartë. Sipas tij, bankat e nivelit të dytë në Shqipëri duhet të kreditojnë shtetasit e huaj, nëse ata disponojnë gjysmën e vlerës së pasurive të paluajtshme. Pjesa tjetër mund të kreditohet bazuar në të ardhurat e disponueshme të shtetit ku kredimarrësi jeton.
“Në shumë vende të rajonit, për vlera të caktuara monetare, vendoset partneriteti i kreditimit mes shtetasve të huaj të interesuar për të blerë një pronë dhe bankës. Skema zbatohet më së shumti në Spanjë dhe në Malin e Zi, pasi kërkesa për apartamente nga të huajt është e lartë. Kërkojmë që edhe në Shqipëri, politikat kredituese të bankave të nivelit të dytë të kenë të njëjtën qasje me shtetasit e huaj. Në rast të kundërt, besoj se shumë kërkesa të shtetasve të huaj për blerje të pasurive të paluajtshme në Sarandë nuk do të arrijnë të finalizohen”, pohon drejtuesi i “Invest Property”.
Në Shqipëri, sipas sqarimit që Banka e Shqipërisë pohoi për “Monitor” kuadri rregullativ nuk e pengon kreditimin e shtetasve të huaj jorezidentë. “Bankat, në ushtrimin e veprimtarisë së tyre, gëzojnë pavarësi operacionale, përcaktim ky i bërë në ligjin përkatës për bankat. Si të tilla, ato janë të lira të marrin vendime dhe, konkretisht, në përcaktimin e kritereve sasiore dhe cilësore për përzgjedhjen e huamarrësve të mundshëm, pa dallim nacionaliteti apo rezidence.
Banka e Shqipërisë sigurohet që bankat të kenë struktura të ngritura për administrimin e rreziqeve, si nga pikëpamja organizative ashtu edhe ajo e kuadrit rregullativ e operacional të brendshëm. Po ashtu sigurohet që këto elemente të zbatohen sa më rigorozisht në veprimtarinë e saj. Banka e Shqipërisë ka vendosur rregulla prudenciale për mbrojtjen e bankave nga rreziqe të mundshme siç janë kërkesat për kapital dhe provigjionim të ekspozimeve ndaj huave të dhëna, përveç kërkesave cilësore referuar infrastrukturës së përmendur më sipër”, nënvizon Banka e Shqipërisë.
MONITOR
Rama është propozuar për president nga disa deputetë socialiste, mendoni se:
Grup-moshat e reja 15-29- vjeç, pjesë e popullsisë në moshë pune, u tkurrën me shpejtësi përgjatë vitit të kaluar.INSTAT raportoi se popullsia në moshë p...
Shqipëria dhe Kosova janë dy shtetet, qytetarët e të cilave mund të blejnë më pak mallra dhe produkte në Europë, duke marrë në konsideratë të ardhurat e tyre vj...
TIRANË– Tensione dhe konflikte mes Policisë së Shtetit dhe qytetarëve që shprehën solidaritet me Palestinën. Siç mund të shihet nga këto foto ...
FIER– Një aksident ka ndodhur në Fier, ku një makinë ka përplasur dy të mitur që shoqëroheshin nga nëna e tyre, 35-vjeçarja me iniciale E.B. Deri më tani...
Një nga drejtorët e Këshillit të Lartë të Prokurorisë është vendosur nën hetim nga prokuroria për akuzën e shpërdorimit të detyrës dhe vjedhje duke shpërdoruar ...
TIRANË– Dy ngjarje të rënda janë raportuar në pak minuta në Tiranë. Dy automjete janë përplasur në orën 19:30 në kryqëzimin Fushë-Prezë dhe për pasoj...
VLORË– Nisin punimet në aksin rrugor Vlorë-Orikum, pikërisht në vendin e quajtur “Zhironi”. Siç duket edhe nga pamjet e siguruara nga Dosja.a...
“Unë jam polic në Fier dhe po udhëtoja nga ky qytet drejt Tiranës . Përgjithësisht rrugës së kthimit marr njerëz. Në zonën e plepave një person ngriti dorën dhe...
KORÇË– Ditën e sotme ka shpërthyer një granatë në Maliq. I plagosur mbeti Hergert Spahiu, i cili mori plagë në duar. Dëshmitarët kanë treguar se gje...
BRITANI E MADHE- Protesta për luftën që po ndodh në Lindjen e Mesme mes Izraelit dhe Palestinës po zhvillohen anë e mbanë botës.Në Skoci, pjesë e Britanisë së M...