TIRANË– Presidenti Ilir Meta, i cili paralajmëroi dorëheqjen e tij nëse kryeministri Edi Rama do të merrte mandatin e tretë, vijon të jetë në zyrën e tij. Më 27 prill, di dytë pas zgjedhjeve, Meta, përmes një video-mesazhi për të gjithë shqiptarët i cilësoi zgjedhjet parlamentare si fitore të sovranit, duke e quajtur të përmbushur misionin e tij.
Kreu i Shtetit pranoi edhe rezultatin e nxjerrë nga votat e hedhura më 25 prill, që i dha mandatin e tretë kryministrit Rama, por kërkoi nga të gjitha palët politike që të reflektojnë deri në shtator kur të kostituohet edhe Kuvendi i ri.
E ndërsa dyshimet për dorëheqjen e Metës si President sa vinin e shtoheshin, sot Presidenca sqaroi zyrtarisht se Kreu i Shtetit do të vijonte të qëndronte në zyrën e tij deri në përfundim të mandatit, më 24 korrik 2022, kohë kur mandati i presidentit skadon zyrtarisht. Në një status në faqen e tij në Facebook, Blushi shkruan se Meta kishte bërë të qartë se nëse zgjedhjet do të fitoheshin në mënyrë demokratike do të largohej, duke lënë të kuptohet se ka ndodhur e kundërta.
Ky vendim u komentua edhe nga pala e maxhorancës. I pari ishte kryebashkiaku i Tiranës Erion Veliaj, i cili në një intervistë për Neës 24 tha se nuk u surprizua nga mosdorëheqja e Metës, duke e quajtur këtë të fundit një gënjeshtar kronik. Më pas, kreu i grupit parlamentar të Partisë Socialiste Taulant Balla lajmëroi nisjen e një procesi të dytë për shkarkimin e Metës.
Me anë të një postimi të bërë në ‘Facebook’, Balla shkruante se me Metën nuk i dihet se i ka lëshuar pëllumbat, por që sapo të mbarojë procesi i numërimit të votave do të bëjnë gati letrat e ‘pensionit të tij’, në mënyrë që të pijë raki me çifteli me ish-kryeministrin Sali Berisha.
Zëdhënësi i presidentit Ilir Meta, Tedi Blushi iu përgjigj Ballës duke e ftuar të afrohej, sepse ashtu do ta merrte përgjigjen së bashku me të gjithë armiqtë e Shqipërisë. Pas Blushit reagoi vetë Meta. Në një postim në Facebook, Meta shkroi se kërcënimi i fundit që vjen nga ana e Ballës dhe bandave të Elbasanit, ka vetëm një përgjigje, firmosjen e dekretit për mbrojtjen e Republikës.
“Shqipëria e Shqiptarëve! Vdekje tradhëtarëve!”- shkroi Meta më tej.
Më 28 prill 2017, Parlamenti i Shqipërisë, Edi Rama kryeministër dhe shumica socialiste bashkë me deputetët e LSI i dhanë Ilir Metës votëbesimin për tu bërë President i Republikës. “Një president i opozitës”, u cilësua Meta asokohe ndërsa historia tregoi se ai drejtoi presidencën në një formë atipike, e rrallë për postin simbolik të kreut të shtetit. Nga mbështetësi kryesor i opozitës në parlament në kohën kur LSI qeveriste me PS dhe Meta drejtonte Kuvendin, presidenti u kthye në zërin kryesor kundër Edi Ramës. Kulmi arriti kur Presidenti Meta nuk pranoi të dekretonte ministrin Gent Cakaj si Ministër për Europën dhe Punët e Jashtme, si dhe Sandër Lleshajn për postin e Ministrisë së Brendshme.
Lleshaj u dekretua më vonë ndërsa Cakaj mbeti gjithminë ministër në detyrë pasi kompetencat e MEPJ i mori vetë kryeministri Rama. Por, Meta kundërshtoi sërish…
Këtë herë, Presidenti nuk pranoi të dekretonte 30 qershorin si datën e zgjedhjeve. Edi Rama dhe të gjithë eksponentët e PS u shprehën se Meta nuk duhet të qëndrojë në zyrë dhe në këtë mënyrë miratuan një rezulotë, ngritën Komisionin Hetimor dhe dosjen e dërguan për opinion në Komisionin e Vencias.
Komisioni Hetimor për shkarkimin e Presidentit Ilir Meta, doli në konkluzionin, se kreu i shtetit ka shkelur kushtetutën me dy dekretet e tij, por nuk çojnë domosdoshmërisht në shkarkimin, e tij, por duhet marrë masa për të evituar situata të tilla në të ardhmen. Sipas Komisionit, veprimet e Metës nuk kanë pasur pasoja të rënda për vendin. Pas deklaratës së Komisionit, Meta dhe Ruçi zhvilluan një takim dhe u zotuan se do të vijonin punën së bashku.
Por cilat janë fazat për shkarkimin e Presidentit?
Që të bëhet shkarkimi i Presidentit Ilir Meta nga detyra është një procedurë e cila kalon në 5 faza.
Etapa e parë është kërkesa ndaj parlamentit ku kërkohen firmat një e katërtës të së gjithë anëtarëve të Kuvendit. Kërkesa duhet të paraqitet me shkrim te Kryetari i Kuvendit dhe të përmbajë në mënyrë të motivuar dhe konkrete shkeljen e rëndë të Kushtetutës ose kryerjen e një krimi të rëndë.
Etapa e dytë është shqyrtimi i kësaj kërkese nga Komisioni i Ligjeve. Pasi Komisioni i Ligjeve harton raportin, ai votohet nga Kuvendi në seancë plenare.
Etapa e tretë është pas shqyrtimit nga komisioni i ligjeve ngrihet Komisioni Hetimor.
Kështu në rast se “Ligjet” propozojnë vazhdimin e procedurës së shkarkimit dhe ngritjen e një Komisioni Hetimor ndaj presidentit, kjo duhet të miratohet nga Parlamenti, pa u specifikuar numri i votave, pra me shumicë të thjeshtë. Nëse kjo procedurë kalon me sukses brenda dy ditëve ngrihet komision hetimor për këtë çështje. Ky komision dëgjon argumentet e Presidentit dhe në përfundim të hetimit, duhet t’i paraqesë Kuvendit në mënyrë të arsyetuar nëse ekzistojnë shkaqet për shkarkimin e tij.
Etapa e katërt është, pasi përfundojnë të gjitha etapat e mësipërme arrihet në votim në seancën plenare, ku do të duhen të votojnë pro shkarkimit 2/3 e deputetëve, pra 94 vota.
Etapa e pestë është Gjykata Kushtetuese, e cila duhet të miratojë shkarkimin e presidentit. “Vendimi i Kuvendit për shkarkimin e Presidentit të Republikës i dërgohet Gjykatës Kushtetuese nga Kryetari i Kuvendit brenda 5 ditëve nga marrja e tij”. Pra pas kësaj procedure jo aq të shkurtër si nga ana procedurale edhe kohore, vendimi përfundimtar merret nga Gjykata Kushtetuese.
(f.m/Dosja.al)
Rama është propozuar për president nga disa deputetë socialiste, mendoni se:
TIRANË– Presidenti Ilir Meta ka reaguar pas deklaratës së kreut të grupit parlamentar të Partisë Socialiste, Taulant Balla në lidhje me shkarkimin e tij. M...
LEZHË– Kandidati për deputet i Partisë Demokratike, në Lezhë, Agron Gjekmarkaj ka reaguar ashpër pas humbjes së opozitës në zgjedhje. Përmes një postimi të...
TIRANË– Presidenca iu është përgjigjur deklaratës së kreut të grupit parlamentar të Partisë Socialiste, Taulant Ballës, pas deklaratës së shkarkimit. Zëdh...
TIRANË– Një socialist i ‘zjarrtë’ ka shprehur në mënyrë të veçantë entuziazmin e tij nga fitorja e mandatit të tretë të partisë socialiste.Gjatë fja...
TIRANE- Ilirjan Celibashi, kryetar i Komisionit Qendror të Zgjedhjeve deklaroi sot se pjesëmarrja në zgjedhje është 46.32%. Celibashi tha se pjesëmarrja e grave...
TIRANË– Kryeministri Edi Rama ka qënë ditën e sotme i pranishëm në Thumanë, aty ku ka ndjekur nga afër procesin e rindërtimit. Në praninë e ministrit...
TIRANE– Kryetari i KQZ, Ilirjan Celibashi ka deklaruar sot se procesi zgjedhor është drejt fundit. Celibashi tha se nuk ka probleme të mëdha, ndërsa konfirmoi s...
TIRANË– Teksa kanë kaluar tre ditë nga zgjedhjet në Shqipëri, rezultatet janë në fokus të mediave ndërkombëtare. Marrja e mandatit të tretë nga kryeministr...
TIRANË– Kreu i grupit parlamentar i Partisë Socialiste, Taulant Balla ka paralajmëruar shkarkimin e Metës nga presidenca. Me anë të një postimi të bërë në ...
SHKODËR– Shkodra është një prej kampeve të “nxehta” të luftës mes socialistëve për një vend në Kuvend. Maxhoranca ka fituar 3 mandate në qarkun që konsider...