Aktualitet

E pritën në Rinas dhe e strehuan turkun më të kërkuar të momentit! Dy persona arrestohen në Shqipëri

28 Prill 2021, 05:35 Nga DOSJA
E pritën në Rinas dhe e strehuan turkun më të kërkuar

TIRANË– Dy persona kanë përfunduar pas hekurave, pasi pritën në aeroportin e Rinasit dhe më pas strehuan një nga personat më të kërkuar aktualisht në botë, turkun Faruk Fatih Ozer.

Ky i fundit është shpallur në kërkim ndërkombëtar nga autoritetet turke, pasi akuzohet për mashtrim në vlerën e 2 milion eurove me kriptomonedhën virtuale “Thodex”. Faruk Fatih Özer, raportohet se u arratis nga Turqia më datë 20 prill duke fluturuar në drejtim të Shqipërisë.

Mediat turke raportojnë se policia shqiptare në bashkëpunim me autoritetet e Turqisë kanë kryer kontrolle në shtëpinë ku mendohet se strehohej Faruk Fatih Özer në Shqipëri duke kryer aty kontrolle, ndërsa u arrestuan edhe dy persona me shtetësi shqiptare.

Ende nuk ka asnjë reagim nga autoritetet shqiptare në lidhje me kontrollet apo arrestimet e kryera për llogari të turqve.

(a.b)/dosja.al

Rama është propozuar për president nga disa deputetë socialiste, mendoni se:

View Results

aktualitet aktualitet faruk fatih ozer faruk fatih ozer

Sondazh

Poll