TIRANË– Gazetari dhe analisti Andi Bushati deklaron se zgjedhjet janë fituar nga qeveria. Në një shkrim të botuar në Lapsi.al, Bushati thotë se ky rezultat është shumë larg exit polleve për një arsye, sepse votat e blera nuk janë raportuar në Exit Polle. Sipas tij, tregues për këtë është fakti se dy djem të rinj, Endrit Shabani dhe Boiken Abazi, të dy bashkë kanë marrë më pak vota sesa Tom Doshi.
SHKRIMI I PLOTË I ANDI BUSHATIT:
Ende pa u mbyllur numërimi i plotë i votave, këto zgjedhje kanë provuar një anomali që do një shpjegim. Rezultati real që po përvijohet, nuk përputhet aspak me atë që na thanë pothuajse njëzëri matësit “e pavarur” të opinionit me anë të Exit Polleve. Rezultati që shpallën të dielën në orën 19 00 televizionet pranë qeverisë, por edhe ato afër opozitës ndryshonin për një fije floku nga njëri- tjetri. Të parat predikonin një barazim apo një fitore minimale të Rilindjes. Të dytat një përmbysje në favor të opozitës. Në fakt rezultatet e dala nga kutitë e votimit demostrojnë të kundërtën. Ato flasin për një konfirmim plebishitar të regjimit.
Atëherë ç’ka ndodhur? Pse gabuan exit pollet, madje edhe ato të TV shumë pranë pushtetit (pra që nuk mund të quhen të manipuluara)?
Përgjigjja është e thjeshtë: sepse ata të cilëvë iu është blerë vota nuk u janë përgjigjur anketuesve. Ata kanë pasur ngurim dhe sypërmbysje për të deklaruar votën e tyre të turpit. Dhe sipas kësaj llogarie, kjo votë turpi, ajo e hendekut të mospërputhjes mes exit polleve dhe rezultatit faktik që po përvijohet, i bie të jetë nga 7 deri në 9 mandate që dalin të pashpjegueshme në favor të rilindjes. Ajo është prova e pakundërshtueshme se këtë radhë kemi qenë përpara një masakre elektorale me blerje industriale votash.
Por, për këtë, ka edhe argumente të tjerë. A e di vallë ndokush se ku kanë shkuar ato dhjetra miliona euro të ndara së fundi nga qeveria, për koncesione e tendera pa garë? A mos duhet kërkuar aty diferenca e gabimit të matjeve të opinionit? A di ta shpjegojë njeri, se si, në qarkun më të emancipuar të vendit, në Tiranë, grupime djemsh të rinj dhe pa asnjë njollë korrupsioni, si Endrit Shabani apo Bojken Abazi marrin të dy sëbashku më pak vota sesa Tom Doshi? A mund të flitet në këtë rast për një votë të pastër e të ndershme? A nuk kemi këtu një provë se gjithçka është vendosur me lekë?
Besoj se këto pyetje retorike nuk kanë nevojë për koment. Të gjitha ato së bashku provojnë një gjë të thënë e të stërthënë, se sa më shumë një regjim implikohet në krim, aq më pak ai është i përmbysshëm me votë. Zgjedhjet e këtij prilli dëshmojnë se vendi ka hyrë përfundimisht nën lëngatën e gjatë të një autokracie. Hërën tjetër ata që këtë radhë organizuan gjithçka, nuk do të bëjnë gabime të vogla si ato të exit polleve. Dhe herën tjetër, as opozita që duhet të hyjë në një proces të pakthyeshëm dorëheqjesh e rinovimi nuk do ta ketë më luksin të besojë se autokracia shembet në rrugë elektorale. Krerët e saj duhet të largohen përfundimisht, jo se nuk fituan, por se na garantuan se vjedhja nuk është më e mundshme. Tani është radha që regjimi të mbetet i vetëm përballë njerëzve të tij.
(F.g/dosja.al)
Rama është propozuar për president nga disa deputetë socialiste, mendoni se:
TIRANË– Gazetari Bledian Koka ka komentuar zgjedhjet parlamentare në vend. Me anë të një postimi të bërë në ‘Facebook’, ai shkruan se fitorja do të jetë e ...
MIRDITË– Partia Demokratike ka fituar bindshëm në Mirditë. Dosja.al ka mësuar se ëhstë mbyllur numërimi i 49 kutive të votimit që ka Mirdita në total, nga ...
KAMEZ– Kamza, bastioni historik i demokratëve në qarkun e Tiranës edhe kësaj here nuk ka zhgënjyer. Nga 130 qendra votimi janë numëruar rreth 72 qendra vo...
TIRANË– Prezantohet raporti paraprak i ndërkombëtarëve lidhur me zgjedhjet parlamentare të 25 prillit. Vëzhguesit e OSBE/ODIHR kanë evidentuar problematika...
LAÇ– Janë numëruar 20 kuti votimi në Laç, nga 74 që janë në total. Nga rezultatet e deritanishme, mësohet se Partia Demokratike udhëheq thel...
TIRANË– Delegacioni i OSBE-së është shprehur se në Shqipëri duhet të ishin krijuar kushtet që të votonin edhe emigrantët. Në një konferencë me gazetarët pë...
TIRANË– Përfaqësuesi i Asamblesë Parlamentare të Këshillit të Evropës (PACE), Aleksander Pociej tha se kanë pasur denoncime të shumta për shit-blerje...
TIRANË– Ka përfunduar numërimi i gjysmës së votive të votimit. sipas të dhënave të fundit, ka përfunduar numërimi i 2575 nga 5199 kui që janë në total. Në ...
SKRAPAR– Partia Socialiste ka dalë fituese në Skrapar duke marrë 6630 vota. Në KZAZ 68 kanë votuar gjithsej 7057 qytetarë. Partia Demokratike ka mundur të marrë...