Editorial

Pengu dhe viktima në Elbasan- Si u përdor Ardi Veliu në shërbimin final para 25 prillit

22 Prill 2021, 13:06 Nga DOSJA

Pengu dhe viktima në Elbasan- Si u përdor Ardi Veliu në

TIRANË- Policia e Shtetit dhe Prokuroria e Elbasanit u bënë të dobishëm vetëm për të kuptuar se si politika dhe krimi i ka futur në thes dhe po i përdor për ta mbajtur pushtetin në mënyrë të paligjshme. Me kronologjinë e ngjarjes, Drejtori i policisë së Shtetit, Ardi Veliu vetëm sa tregoi se është aleat i bandave të partisë, bashkëpunëtor i blerjes së votave dhe drejtues i parë i skenarit të shkatërrimit të zgjedhjeve.

Pavarësisht dritëhijeve, pavarësisht akuzave, vrasja nuk justifikohet, por shtrembërimi i ngjarjes zyrtarisht nga policia, në favor të banditëve, kundër ish – kolegëve, tregon se jemi të pambrojtur, se shtetin na i ka marrë pushteti, që, bashkë me krimin dhe paratë e pista të na marrë pushtetin e zgjedhjeve dhe ta përdorë përsëri si kamzhik kundër qytetarëve.

Për Ardi Veliun ishte shumë herë më e rëndësishme që të deklaronte se grupi i dalë në terren nga Partia Demokratike, kishte qarkulluar disa herë brenda ditës nëpër Elbasan, dhe se qe pikasur nga qytetarët dhe policia, që sërish nuk kishin bërë asgjë, edhe pse sipas tyre, ky grup kishte në plan të zhvillonte një skenar të rrezikshëm.

Drejtori i Policisë, theksoi faktin e ditur tashmë, se ish- efektivët e policisë nuk janë nga Elbasani, theksoi se ata janë strukturë paralele (e paligjshme) për mbrojtjen e votës, theksoi se në makinë nuk kishte asnjë të dhënë për blerje votash, si të ishte i dërguari i partisë dhe bandës së saj në vendngjarje. Pa sqaruar se kush është Met Gresaj, personi që u bë shkaku zyrtar i sherrit në Elbasan, pa sqaruar pse viktima bashkë me Kel Çamin ishin në vendngjarje, kur atje ishte thirrur policia, Ardi Veliu u fokusua të tregonte për biografinë e SMV-ve të opozitës, që kanë lëvizur nën hundën e tyre.

As Taulant Ballës nuk i kishte shkuar ndërmend ta quante pengmarrje kapjen e blerësit të votave nga grupi që PD i ka quajtur “mbrojtësit e votës”, as kalimtari më i pavëmendshëm nuk mund të bënte sikur nuk e dinte kush shtiu i pari për të ndezur gjakderdhjen, as efektivi më i ri i policisë nuk do e shmangte hetimin nga çanta me para e “pengut”, nuk do ndërtonte një version kundër gjithë asaj që panë qytetarët e ndryshur të një qyteti të pushtuar.

Ardi Veliu e tregoi me “alarm” faktin sesi grupi i Arbër Paplekajt mori peng Met Gresajn, jo me metodat klasike të pengmarrjes, por me një metodë policore, që efektivët e Ardi Veliut e kanë si lojë dore me qytetarët që ndalojnë: Duke i hequr çelësin e makinës.

Bllokimin për të sqaruar gjithçka me mbërritjen e Policisë, Ardi Veliu e quajti pengmarrje dhe e mori përsipër që ta citonte vetë në konferencë, duke mos ia lënë këtë detyrë ndonjë vartësi.

Absurdi vazhdoi me faktin se Ardi Veliu rrëfeu sesi Met Gresaj u mor peng nga grupi i PD, dhe nuk u fut as në furgon e as nuk iu kontrollua makina, por u mbajt në rrugë deri në mbërritjen e policisë së Shtetit.

E pranoi vetë Ardi Veliu, kur thatë thatë tregonte sesi përgjegjësi i Partisë Demokratike mori në telefon policinë duke i rrëfyer ngjarjen e më pas iu shpjegoi atyre dyshimet që kishin se një makinë ML pa targa mund të blinte vota në Elbasan.

Sot janë të arrestuar vetëm ish- efektivët, që vërtetë kanë shkelur ligjin, por ligjin e një shteti të kapur nga bandat. Kundërshtarët e ish – policëve ishin banditët, ata janë të lirë. Fajin e kanë ish -ushtarakët, banditët janë pa faj, ata mbretërojnë lirshëm nëpër Shqipëri, me krostok dhe canta me para, duke blerë vota për partinë. Nëse vërtet ka pati një peng në Elbasan, ai është qytetiiI marrë nga pushteti qëndror, në bashkëpunim me pushtetin lokal, në bashkëpunim me pushtetin e krimit, në bashkëpunim me pushtetin e bizneseve të pista dhe me shefat e policisë që pa respekt më as për veten e kurrsesi më për uniformën, njollosin Policinë e Shtetit dhe transformojnë paturpësisht e pa frikë ndaj ligjit ngjarjet dhe historitë.

(DOSJA.AL)

Rama është propozuar për president nga disa deputetë socialiste, mendoni se:

View Results

editorial editorial ardi veliu vritet pjerin xhuvani ardi veliu vritet pjerin xhuvani