Aktualitet

22 Prill 2021, 06:27 Nga DOSJA

TIRANË– Tre ditë para zgjedhjeve të 25 prillit dhe ‘bëmat’ nuk kanë të sosur. Kur na ndajnë vetëm tre ditë nga dita e zgjedhjeve, disa incidente të rënda kanë ndodhur në vend në vetëm 24 orë.

E fundit dhe më e rënda deri tani është masakra e ndodhur mesditën e djeshme në qytetin e Elbasanit, aty ku mbeti i vrarë Pjerin Xhuvani. Ky i fundit u qëllua me armë zjarri nga ish-efektivi i forcave RENEA-s, Arbër Paplekaj. Në sulmin e ditës së djeshme mbetën të plagosur dhe katër persona të tjerë.

Po ashtu, mbrëmjën e djeshme një tjetër incident politik u regjistrua. Luan Tare, anëtari i lëvizjes Socialiste për Integrim u dhunua në mënyrë barbare. Vetë Tare ka dëshmuar se është rrahur nga vëllai dhe nipi i kryebashkiakut socialist të Poliçanit, Adriatik Zotkaj. Tashmë ai ndodhet në spital duke marrë ndihmën e duhur mjekësore.

Sikur mos të mjaftonin ngjarjet e tilla, Lëvizja Socialiste për Integrim u përplas ditën e djeshme me Bashkinën e Fierit për banderolat e vendosura. Këto të fundit u hoqën nga punonjësit e Bashkisë dhe kjo solli reagimin e ashpër të kandidatëve për deputetë të LSI-së.

Plagosja e ndodhur në Kavajë më 19 prill aty ku mbeti i plagosur Bledar Okshtuni, vjeç, sekretar pranë zyrave të Partisë Demokratike po ashtu ishte një ngjarje e rëndë gjatë kësaj fushate. Në orën 19:00 në lagjen numër katër në Kavajë, Ndriçim Jonuzi (Tahiri), një person me precedentë të theksuar kriminalë është futur në zyrat e PD-së, aty ku i shoqëruar nga Markel Shtylla dhe Dorian Troplini, dhunuan dhe plagosën Okshtunin.

Shpresojmë që ecuria e zgjedhjeve në vijim të jetë e qetë dhe pa asnjë incident të rëndë siç ishin rastet e mëparshme.

(a.b)/dosja.al

Rama është propozuar për president nga disa deputetë socialiste, mendoni se:

View Results

aktualitet aktualitet incidentet perpara fushates zgjedhjet 25 prill 2021 incidentet perpara fushates zgjedhjet 25 prill 2021

Sondazh

Poll