Aktualitet

Bashkia Kavajë bën tenderin një javë para zgjedhjeve, kërkon 150 pako ushqime por nuk përcakton asnjë objekt apo kategori

16 Prill 2021, 20:46 Nga DOSJA
Bashkia Kavajë bën tenderin një javë para zgjedhjeve,

KAVAJË– Bashkia e Kavajës po shpërndan 150 pako me ushqime vetëm 1 javë para zgjedhjeve. Tenderi është firmosur nga vetë kryetari i kësaj bashkie Redjan Krajli, siç shihet në dokumentet e siguruara nga BoldNews. Në dokumente thuhet se tenderi është me objekt “blerje paketa ushqimore”.

Vlera e tenderit është rreth 2.5 milionë lekë, ndërsa mësohet se tenderi është zhvilluar sot (16 prill 2020). Në të njëjtën ditë është shpallur edhe fituesi “Marjo – Mondi”, i cili do të përgatisë me shpejtësi këto pako. Ajo që ngjall dyshime se po përdoren për fushatë janë vetë dokumentet e tenderit, të cilat s’kanë asnjë objekt se cilës kategori do t’i shpërndahen. Duket se Rilindja po lufton me të gjitha mjetet për të “blerë” vota, madje duke përdorur haptazi edhe fonde publike. Kandidatët e saj fshihen pikërisht pas këryre pakove, duke ngritur dyshime të mëdha se gjithkush po blihet. Aq më tepër, që në dokumente thuhet se pakot duhet të jenë gati 1 ditë pas njoftimit të fituesit. Po nëse fituesi është shpallur sot, të premten, këto pako do të shpërndahen të shtunën? Do e bëjnë këtë “sakrificë” punonjësit e bashkisë për të shpërndarë keto pako?! Natyrisht, këtu s’bëhet fjalë për ndihma nga bashkia, por këto ndihma po kamuflohen nga kandidatët e mazhorancës për të marrë vota. Dhe, atyre s’i kushton asnjë gjë që nga 150 pako t’i bëjnë 1500. Natyrisht, nëse familjet u premtojnë votat!

Në dokumente thuhet se do të blihen 50 copë vaj 5 litër, 200 vajt 1 litër, 200 kilogramë sheqer. Madje, 350 kg oriz, 800 copë makarona 500 gramshe, kripë, detergjent e madje miell. Pakot do të kenë edhe biskota i kg, sapunë, shampo etj. “Afati i lëvrimit të mallit do të jetë 1 ditë nga data e dorëzimit të ofertës ekonomike dhe dokumentacionit të kërkuar. Transporti do të behet nga operatori ekonomik i shpallur fitues” thuhet në këto dokumente.

Marrë nga boldnews.

Rama është propozuar për president nga disa deputetë socialiste, mendoni se:

View Results

aktualitet aktualitet bashkia kavajë tender redjan krajli bashkia kavajë tender redjan krajli

Sondazh

Poll

Aktualitet 16 Prill 2021, 20:21

TIRANË– Të dhënat për rreth 900 mijë qytetarë, të cilët kanë të drejtë votimi në zgjedhjet parlamentare të 25 prillit, kanë qarkulluar për shumë ditë në me...

Aktualitet 16 Prill 2021, 19:16

Mes arsenalit të frikshëm të armëve të gjetur në 20 baza në Tiranë nga operacioni “Kompleks”, dyshohet të ketë edhe armë që i përkasin institucioneve shtetërore...

MË SHUMË