Bota

Në përgjigje të ndërhyrjes në zgjedhje, Joe Biden godet Rusinë me saksione të reja

16 Prill 2021, 11:28 Nga DOSJA
Në përgjigje të ndërhyrjes në zgjedhje, Joe Biden godet

SHBA– Biden ka vendosur sanksione të reja për Rusinë në përgjigje të ndërhyrjes në zgjedhje. The Guardian raporton se dhjetë diplomatë janë dëbuar si pjesë e paketës së re të sanksioneve të njoftuara nga presidenti amerikan, ndërsa Rusia thotë se hakmarrja është ‘e pashmangshme’.

Administrata e Biden ka njoftuar sanksione të gjera kundër zyrtarëve dhe kompanive ruse në shenjë hakmarrje për ndërhyrjen e Moskës në zgjedhje dhe fushata spiunazhi kibernetike. Gjithashtu Biden ndaloi institucionet financiare amerikane të blejnë bono rubla të sapo emëtuara nga banka qendrore ruse ose institucione të tjera të mëdha financiare, duke synuar borxhin e vendit dhe ekonominë e tij më të gjerë.

Në një deklaratë zyrtare më vonë, Joe Biden ka theksuar natyrën e masave të SHBA-së dhe shpresat e tij se ai dhe Vladimir Putin, do të ishin në gjendje të stabilizonin marrëdhënien SHBA-Rusi.

“Unë isha i qartë me Presidentin Putin se ne mund të kishim shkuar më tej, por unë zgjodha të mos e bëja atë. Unë zgjodha të jem proporcional. Shtetet e Bashkuara nuk po kërkojnë të fillojnë një cikël përshkallëzimi dhe konflikti me Rusinë. Gjatë historisë sonë të gjatë të konkurrencës, të dy vendet tona kanë qenë në gjendje të gjejnë mënyra për të menaxhuar tensionet dhe për t’i mbajtur ato të mos përshkallëzohen. Unë shpreha besimin tim se komunikimi midis nesh personalisht dhe drejtpërdrejt ishte thelbësor për të ecur përpara drejt një marrëdhënie më efektive”,-tha Biden nga Shtëpia e Bardhë.

Sanksionet, të cilat ishin veprimi më i madh ndëshkues i administratës së Biden kundër Kremlinit, synuan gjithashtu gjashtë kompani ruse të sigurisë kibernetike që mendohet të jenë të përfshira në SolarWinds, si dhe 32 individë dhe subjekte që mendohet të jenë përfshirë në përpjekjet për të ndikuar në rezultatin e zgjedhjeve presidenciale të SHBA-së në vitin 2020.

Dmitri Peskov, zëdhënësi i Kremlinit, tha se Rusia do të hakmerret ndaj sanksioneve të reja. “Parimi i reciprocitetit zbatohet … për të siguruar më së miri interesat tona.”

Një zyrtar i lartë amerikan tha: “Ne duam të jemi të qartë se nuk kemi dëshirë të jemi në një cikël përshkallëzues me Rusinë … Ne synojmë që këto përgjigje të jenë proporcionale dhe të përshtatura me veprimet specifike të së kaluarës që Rusia ka ndërmarrë. Kjo është çështje parimore. Nuk ka asnjë arsye të besueshme pse populli amerikan duhet të financojë drejtpërdrejt qeverinë e Rusisë kur regjimi i Putin është përpjekur vazhdimisht të minojë sovranitetin tonë.”

Sanksionet përfshinin kufizime të vizave, kufizime të eksportit për sendet që mund të përdoreshin për të bërë armë kimike dhe biologjike dhe veprime të synuara kundër shtatë anëtarëve të lartë të qeverisë ruse.

(f.i/dosja.al)

 

 

Rama është propozuar për president nga disa deputetë socialiste, mendoni se:

View Results

bota bota joe biden sanksione te reja per rusin vladimir putin joe biden sanksione te reja per rusin vladimir putin

Sondazh

Poll

MË SHUMË