TIRANË– Policia e Shtetit ka publikuar njoftimin zyrtar për sekuestrimin e 143 kilogramëve kokainë në Portin e Durrësit. Në njoftim thuhet se janë vënë në pranga 2 administratorët e kompanisë pritëse të ngarkesës me banana, Klajdi Xibraku dhe Erion Peti. Policia shton se droga ishte nisur nga porti i GUAYAQUIL në Ekuador dhe kishte kaluar tranzit në portin “GIOIA TAURO”, Itali, me destinacion Shqipërinë, për llogari të një firme me qendër në Tiranë. Vijon puna për dokumentimin e plotë të kësaj veprimtarie kriminale dhe kapjen e autorëve të tjerë të përfshirë në këtë veprimtari kriminale.
Njoftimi nga Policia e Shtetit. Vijojnë goditjet e njëpasnjëshme ndaj veprimtarisë kriminale të trafikimit të drogave të forta. Finalizohet operacioni policor i koduar “EL MEJOR”. Operacioni i zhvilluar nga Drejtoria Vendore e Policisë Durrës dhe Drejtoria Vendore e Kufirit, me mbështetjen e Drejtorisë së Përgjithshme të Policisë së Shtetit, në bashkëpunim me strukturat doganore dhe autoritetin portual Durrës. Hetimet po drejtohen nga prokurorë të Prokurorisë së Rrethit Gjyqësor Durrës dhe prokurorë të SPAK-ut. Sekuestrohen rreth 143 kilogramë lëndë e dyshuar narkotike kokainë. Arrestohen në flagrancë 2 administratorët e kompanisë pritëse të ngarkesës me banane.
Strukturat e Policisë së Shtetit, në vijim të punës për parandalimin, evidentimin dhe goditjen e trafikimit të lëndëve narkotike, bazuar në informacionet e marra në rrugë operative dhe hetimet e kryera se në një kontenier fshihej një sasi e konsiderueshme lënde narkotike kokainë, në bashkëpunim me autoritetet doganore dhe portuale, kanë organizuar punën dhe kanë finalizuar operacionin policor të koduar “EL MEJOR”.
Si rezultat i operacionit, gjatë kontrollit të imtësishëm të ushtruar në një kontenier të ngarkuar me banane, i cili ishte nisur nga porti i GUAYAQUIL në Ekuador dhe kishte kaluar tranzit në portin “GIOIA TAURO”, Itali, me destinacion Shqipërinë, për llogari të një firme me qendër në Tiranë, me administratorë shtetasit E. P. dhe K. X., shërbimet policore dhe ato doganore gjetën të fshehura në tavanin e kontenierit, pako të mbushura me lëndë narkotike të dyshuar kokainë me peshë totale 143 kilogramë. Në vijim të veprimeve, nga Seksioni për Hetimin e Narkotikëve në DVP Durrës u arrestuan në flagrancë shtetasit K. X., 30 vjeç dhe E. P., 42 vjeç, të dy banues në Tiranë. Nën drejtimin e Prokurorisë së Rrethit Gjyqësor Durrës vijon puna për dokumentimin e plotë të kësaj veprimtarie kriminale dhe kapjen e autorëve të tjerë të përfshirë në këtë veprimtari kriminale. Materialet i kaluan Prokurorisë së Rrethit Gjyqësor Durrës, për veprime të mëtejshme.
(f.m/dosja.al)
Rama është propozuar për president nga disa deputetë socialiste, mendoni se:
DURRËS– Janë publikuar pamjet nga kokaina e gjetur dhe e sekuestruar mesditën e sotme në Portin e Durrësit. Siç shihet edhe në videon e policisë së ...
TIRANË– Forcat e policisë kanë shkuar në Kombinat në magazinat e kompanisë ‘Masabi fruti’, në konteinerin e të cilës u gjetën dhe u sekuestruan 200 k...
GRAMSH– Një makinë është djegur në aksin Cërrik-Gramsh pasditen e sotme. Dosja.al ka mësuar se mjeti ka qenë në ecje, dhe brenda tij ka pasur persona, në ...
TEPELENË- Qytetarët e Tepelenës dhe aktivistë të shumtë kanë dalë sot në protesë në Kanionet e Nivicës për shkak të landfillit për larjen e zhavorrit dhe a...
TIRANË– Personi që shikoni në foto është Erjon Peti, ortaku i kompanisë “Masabi Fruits”, brenda konteinerëve të saj u gjetën 200 kg kokainë në Portin...
DURRËS– Klajdi Xibraku, një nga aksionerët e kompanisë “Masabi Fruits”, brenda konteinerëve të saj u gjetën 200 kg kokainë në Portin e Durrësit është...
TIRANË– 6 viktima dhe 360 të infektuar, ky është bilanci i 24 orëve të fundit nga pandemia e koronavirusit në vendin tonë. Ministria e Shëndetësisë ka bërë...
DURRËS– Dosja.al ka mësuar se droga që erdhi sot nga Ekuadori kishte të stampuar mbi të foton e Pablo Ecobar, narkotrafikantit të njohur kolumbian për lidh...
DURRËS– Fotot që po shikoni tregojnë pakot me kokainën që u sekuestrua ditën e sotme në Portine Durrësit. Siç shihet edhe në foto lënda narkotike is...
TIRANË– Në katin e fundit të stadiumit “Air Albania” po del tym por është ende e paqartë se çfarë ka ndodhur.Në pamjet e publikuara nga JOQ, s...