TIRANË– Policia e Shtetit i është përgjigjur Federatës Shqiptare të Futbollit pasi kjo e fundit publikoi një shkresë ku thuhej se nuk ishte marrë asnjë masë për ndeshjen Shqipëri-Angli.
Në njoftimin zyrtar, thuhet se në ambientet e Policisë së Shtetit, me përfaqësues të FSHF, zotin Lysien Nurishmi, është zhvilluar një takim para-përgatitor ndërmjet përfaqësueseve të FSHF-së dhe drejtuesve kryesorë të strukturave të Policisë së Shtetit ku është rënë dakort për marrjen e masave për zhvillimin normal të ndeshjes.
Reagim i Policisë së Shtetit
Policia e Shtetit ka marrë të gjitha masat për garantimin e rendit dhe sigurisë publike, para, gjatë e deri në përfundim të ndeshjes ndërkombëtare të futbollit ndërmjet ekipeve përfaqësuese të Shqipërisë dhe Anglisë. Në datën 25 shkurt, në ambientet e Policisë së Shtetit, me përfaqësues të FSHF, zotin Lysien Nurishmi, është zhvilluar një takim para-përgatitor ndërmjet përfaqësueseve të FSHF-së dhe drejtuesve kryesorë të strukturave të Policisë së Shtetit. Aty u ra dakord për marrjen e masave për zhvillimin normal të këtij aktiviteti, sa i përket rendit dhe sigurisë, si dhe të gjitha detyrimet për eskortimet dhe garantimin e sigurisë së lojtarëve të ekipit mik.
Në datë 3 mars, Federata Shqiptare e Futbollit i është drejtuar Drejtorisë Vendore të Policisë Tiranë me shkresë, ku ka kërkuar marrjen e masave për garantimin e sigurisë së ndeshjes ndërkombëtare të futbollit. Drejtoria Vendore e Policisë Tiranë, pasi ka bërë rigonicionin e perimetrit të jashtëm të sigurisë të stadiumit, nisur edhe nga shqetësimi i bërë publik nga vetë FSHF, se rreth stadiumit dhe në hyrjet kryesore janë të vendosura subjekte biznesi në fusha të ndryshme, konstatoi se kishte burim rreziku për mbarëvajtjen e ndeshjes. Në këtë kuadër i ka kërkuar FSHF-së bashkëpunimin për sigurinë e aktivitetit, kjo edhe përmes komunikimit shkresor.
Në vijim, Drejtoria e Përgjithshme e Policisë së Shtetit ka hartuar planin e masave duke përcaktuar detyra konkrete për të gjitha strukturat e Policisë që do të jenë të angazhuara. Gjatë kohës së qëndrimit në vendin tonë të ekipit mik, do të angazhohen strukturat e DVP Tiranë dhe Forcat e Lëvizshme Operacionale në Policinë e Shtetit. Duke shprehur keqardhje për reagimin e nxituar në media të FSHF-së, në kundërshtim të hapur me frymën e bashkëpunimit mes dy institucioneve, rikujtojmë se komunikimin FSHF si për çdo ndeshje ndërkombëtare e ka mbajtur me Drejtorinë e Përgjithshme të Policisë së Shtetit dhe jo me DVP Tiranë. Policia e Shtetit siguron qytetarët se ka marrë të gjitha masat për garantimin e rendit dhe sigurisë për ndeshjen ndërkombëtare të futbollit Shqipëri – Angli.
Sot në Federatën Shqiptare të Futbollit ka mbërritur një shkresë, me numër protokolli 2877, e datës 23.03.2021, nga Drejtoria Vendore e Policisë Tiranë, me firmën e drejtuesit të parë, Rebani Jaupi, ku theksohej se strukturat e Drejtorisë Vendore të Policisë Tiranë nuk garantojnë marrjen e masave para, gjatë dhe pas zhvillimit të ndeshjes Shqipëri-Angli.
LAJMI KRYESOR: Skandal! Policia e Shtetit rrezikon ndeshjen Shqipëri-Angli…
(f.m/dosja.al)
Rama është propozuar për president nga disa deputetë socialiste, mendoni se:
TIRANE – Peshëngritësi Arbër Çerçizi nga kontrolli i antidopingut i Federatës Shqiptare të Peshëngritjes ka rezultuar pozitiv me kokainë. Kjo fede...
TIRANE – Sot në Federatën Shqiptare të Futbollit ka mbërritur një shkresë, me numër protokolli 2877, e datës 23.03.2021, nga Drejtoria Vendore e Policisë Tiranë...
ANDORRA – Sot, duke nisur nga ora 20:45, në stadiumin “Nacional”, kombëtarja e Shqipërisë do të përballet me Andorrën, në ndeshjen hapëse të botërorit “Katar 20...
ANDORRA – Mikro-shteti i Andorrës, sot, në orën 20:45, do të përballet me Shqipërinë për kualifikueset e botërorit “Katar 2022”.Ish-kapiteni 41-vjeçar Il...
GJIBRALTAR – Futbollistët e kombëtares së Norvegjisë, në ndeshjen e mbrëmshme ndaj Gjibraltarit, ekzekutimin e himnin e tyre e pritën me një bluzë të veç...
GJERMANI – E ardhmja e austriakut David Alaba tashmë është shndërruar në një “quitz”. Mbrojtësi i majtë, në fund të sezonit do të largohet nga Bayern Munich si ...
GJERMANI – Gjithçka është e hapur dhe e paqartë, pasi të ketë përfunduar detyrën si trajner, Lëv do të marrë disa javë pushime për të çlodhur dhe ...
TIRANE – Shqipëria do të luajë ditën e dielë sfidën e dytë kualifikues të Kupës së Botës. Kuqezinjtë pas ndeshjes ndaj Andorrës, do të presin në “Air Albania”, ...
ITALI – Një lajm trishtë vjen nga Roma, ku futbollisti i të rinjve Daniel Guerini ka humbur jetën pas një aksidenti automobilistik mbrëmjen e së mërkurës. Së ba...
EUROPË- Belgjika e Portugalia e nisën mbarë kualifikueset e Kupës së Botër Katar 2022. Belgët fituan ndaj Uellsit me shifrat 3-1 në Bruksel. Ndeshja nuk ni...