Politike

PËRBALLË gazetarëve! Edi Rama del në “Opinion”, nuk harron mitingun e Bashës: Bëri Covid-center, s’ka lidhje me Joe

25 Mars 2021, 12:31 Nga DOSJA
PËRBALLË gazetarëve! Edi Rama del në “Opinion”,

TIRANË– Sot nisi fushata zgjedhore! Kryeministri Edi Rama bëri paraqitjen e tij publike duke u përballur me një panel gazetarësh në “Opinion”. Rama komentoi dhe mitingun e Partisë Demokratike që çeli sot fushatën elektorale, duke deklaruar se Basha në fakt reklamoi vdekjen aty, pasi grumbullimet janë të rrezikshme.

Për mungesën e ish-kryeministrit Sali Berisha, Rama tha se ai e di mirë se çfarë rreziku kanë këto grumbullime e për këtë arsye nuk ka shkuar në miting. I pyetur nëse do të bëjë ndonjë përballje publike me Lulzim Bashën, Rama tha se jo, pasi sipas tij, ai nuk është kryetari i vërtetë i Opozitës. 

Gjithsesi, Rama uroi që policia të mos marrë ansjë masë për PD-së. Ai tha se nëse policia do bëjë ndonjë gjë, do hajë ‘baltën’ nga Partia Demokratike, pasi sipas kryeministrit, ata dinë të luajnë rolin e viktimës.

Përsa i përket vaksinimit, Rama ripërsëriti fjalët e thëna në mesditë, teksa shtoi se në fund të muajit qershor do të ketë vaksinuar 500 mijë persona. Kryeministri Edi Rama deklaroi se Kina dhe Rusia kanë ditur të bëjnë vendet e tjera të besojnë se po shpërndajnë vaksina, por që sipas tij, nuk është e vërtetë. I ftuar në “Opinion”, Rama, i pyetur se përse nuk e pranoi ofertën e ambasadës ruse, tha se Kina dhe Rusia kanë shpërndarë ‘pak karamele’. Kryeministri Edi Rama ka sulmuar sërish Bashkimin Europian, në lidhje me shpërndarjen e vaksinave. Rama tha se është turp, që Shqipëria, një vend në mes të Europës, u la pa vaksina.

Kryeministri Edi Rama i është përgjigjur sot pyetjes së ambasadores së Shteteve të Bashkuara të Amerikës, Yuri Kim, e cila në një status e pyeste në mënyrë të drejtpërdrejtë se nga çfarë ka frikë që nuk distancohet nga Tom Doshi. Rama tha se përgjigjen e ka dhënë drejtori i komunikimit për mediat, Endri Fuga. Sipas Ramës, Doshi është ëngjëll para Berishës, Metës dhe Kryemadhit.

Kryeministri Edi Rama është vënë përballë shifrave të vdekjeve nga COVID-19 të publikuara nga Monitor. I ftuar në “Opinion”, Blendi Fevziu nxorri përballë Ramës tabelën me shifrat e Monitor dhe u pyet për 5800 vdekjet më shumë në vendin tonë. Kryeministri tha se qeveria nuk ka asnjë shans të bëjë taktikë me shifrat dhe se çdo vdekje është regjistruar me kartelë mjekësore.

Për sherrin në Elbasan, më 14 mars, Rama tha se ishte gjithçka e stimuluar nga Lulzim Basha, se ata që u zunë ishin një tufë rrugaçësh që dolën dhe shanë me ‘libër shpie’. I ftuar në “Opinion”, Rama tha se nuk i njeh fare ata që nxorri në video, sekretari i Përgjithshëm i Partisë Demokratike, Gazmend Bardhi. Rama i quajti një tufë legenash e rrugaçësh, ata që u zunë në Elbasan.

Kryeministri Edi Rama ka deklaruar se materniteti i vjetër është shembur sepse ka qenë e dëmtuar shumë rëndë nga tërmeti. Rama krahasoi fotot e maternitetit të vjetër, me atë që pritet të bëhet dhe tha se do jetë identik, dhe se do ketë vetëm një shtesë xhami, që vihet rëndom. Për projektin, Rama tha se nuk e ndalon ligji aspak. Kreu i qeverisë komentoi edhe rindërtimin. Kryeministri Edi Rama i ka konsideruar ‘njisha’ turqit në ndërtimin e komplekseve. Rama foli për rindërtimin dhe tha se këto projekte nga Turqia e Arabia, për qytetarët që mbetën pa shtëpi nga tërmeti, i mori ai duke shtrirë dorën e duke lypur. Në vjeshtë, sipas Ramës, kompleksi në Laç do ketë përfunduar, pasi ‘turqit janë njisha’.

(k.m;f.m/dosja.al)

Rama është propozuar për president nga disa deputetë socialiste, mendoni se:

View Results

politike politike edi rama zgjedhjet parlamentare 25 prill 2021 edi rama zgjedhjet parlamentare 25 prill 2021

Sondazh

Poll

Politike 25 Mars 2021, 12:26

KAMËZ– Banorët në Bathore të Kamzës kanë denoncuar se sipas tyre, qeveria po përdor paratë e tërmetit për fushatë elektorale. Një kryefamiljar ka treguar p...

MË SHUMË