Bota

Sulm në Afganistan, një makinë shpërthen në një sulm duke shkaktuar 7 viktima dhe mbi 50 të lënduar

12 Mars 2021, 21:33 Nga DOSJA
Sulm në Afganistan, një makinë shpërthen në një

AFGANISTAN– Një bombë e fuqishme me makinë pranë një stacioni policie ditën e sotme, vrau të paktën shtatë persona dhe plagosi më shumë se 50 të tjerë në provincën perëndimore të Herat të Afganistanit, thanë zyrtarët.

Guvernatori i Herat, Sayed Abdul Wahid Qatali tha se disa gra dhe fëmijë ishin midis të vdekurve. Ai shtoi se të paktën 53 persona, përfshirë civilët dhe forcat e sigurisë janë lënduar nga shpërthimi.

Sipas Reuters, dhjetëra shtëpi dhe dyqane u dëmtuan gjithashtu nga shpërthimi ndërsa ekipet e shpëtimit nxituan në vendin e ngjarjes për të ndihmuar disa njerëz të bllokuar nën rrënoja.

Askush nuk ka marrë përgjegjësinë për bombardimin por zyrtarët lokalë fajësuan kryengritësit talebanë. Përfaqësuesit e talebanëve, të cilët kanë luftuar qeverinë afgane që kur u dëbuan nga pushteti nga forcat e drejtuara nga SHBA-ja në fund të vitit 2001, nuk kanë marrë deri më tani autorësinë.

Negociatat e paqes midis qeverisë afgane dhe talebanëve kryengritës në kryeqytetin e Katarit, Doha, kanë luftuar për të bërë përparim mes thirrjeve ndërkombëtare për të zvogëluar dhunën.

Ky sulm vjen në një moment krize për procesin e paqes pasi afati i 1 majit për tërheqjen e trupave të huaja nga Afganistani po afrohet dhe Shtetet e Bashkuara po rishikojnë planet e tyre në vend.

(d.a/dosja.al)

1 vit nga zgjedhjet e 25 prillit si e shikoni gjendjen e vendit:

View Results

bota bota lufta mes talebaneve dhe shba sayed abdul wahid qatali sulm ne afganistan lufta mes talebaneve dhe shba sayed abdul wahid qatali sulm ne afganistan

Sondazh

Poll

Bota 12 Mars 2021, 21:24

IRANI– Lideri i dytë suprem i shtetit të Iranit, Sayyid Ali Khamenei, ka thënë se Shtetet e Bashkuara të Amerikës kanë krijuar Shtetin Islamik(ISIS), dhe se ato...

MË SHUMË