Aktualitet

Arrestohen 4 punonjës të OSHEE në Lezhë, favorizuan pronarin e hotelit (SKEMA)

9 Maj 2019, 06:44 Nga DOSJA
Arrestohen 4 punonjës të OSHEE në Lezhë, favorizuan pronarin

Lezhë- Në Lezhë janë arrestuar 4 punonjës të OSHEE-së pasi nuk faturonin energjinë elektrike të një hoteli në Shëngjin, i cili është në pronësi të shtetasit M. N., 64 vjeç.

Nga policia janë arrestuar, A. Sh 34 vjeç, B. Sh, 42 vjeç, J. D, 27 vjeç , B. Sh, 42 vjeç, të gjithë punonjës  të OSHEE-së.  Po kështu në “arrest shtëpie” është lënë pronari i hotelit, M.N 64-vjeç, si bashkëpunëtor në këtë vjedhje.  4 punonjësit e OSHEE-së janë arrestuar  pasi është ekzekutuar vendimi i gjykatës së Lezhë, i dhënë një ditë më parë.

Punonjësit e kompanisë OSHEE, në bashkëpunim me njëri – tjetrin, nëpërmjet shpërdorimit të detyrës lejojin  vjedhjen e energjisë elektrike në hotelin, në pronësi të shtetasit M. N, duke mos e faturuar për energjinë e konsumuar.

Njoftimi i policisë:

Finalizohet operacioni “Task – Group”, i ndjekur me metoda speciale hetimi.

Ndalohen 5 shtetas të implikuar me masa sigurie “Arrest në burg” dhe “Arrest në shtëpi”

Ndalohen 4 punonjës të OSHEE-së, si dhe caktohet masa e sigurisë “Arrest në shtëpi”, për pronarin e hotelit me të cilin bashkëpunonin në vjedhjen e energjisë elektrike pa faturim, duke shkaktuar dëm ekonomik për kompaninë.

Specialistët e Seksionit kundër krimit ekonomiko – financiar pranë Drejtorisë Vendore të Policisë Lezhë, mbi bazën e informacioneve të siguruara në rrugë policore dhe dyshimeve të arsyeshme, se një subjekt privat, hotel në Shëngjin, nuk faturohej për energjinë elektrike të konsumuar, ardhur kjo nga shpërdorimi i detyrës i punonjësve të kompanisë OSHEE, duke i sjellë dëm ekonomik kësaj kompanie, kanë referuar materialet hetimore në Prokurorinë e Rrethit Gjyqësor Lezhë në muajin gusht 2018.

Mbi bazën e këtyre materialeve, Prokuroria ka vijuar hetimet e mëtejshme, duke finalizuar operacionin “Task – Group”. Si rezultat këtij operacioni është ekzekutuar vendimi penal datë 08 Maj 2019, i Gjykatës Shkallës Parë Lezhë, e cila ka caktuar masat e sigurisë “Arrest në burg” për veprën penale “Shpërdorimi i detyrës kryer në bashkëpunim”, për shtetasit:

– A. Sh., 34 vjeç, banues në Tiranë, me funksion specialist leximi pranë Drejtorisë Qendrore të OSHEE Tiranë

– B. Sh., 42 vjeç, banues në Tiranë, me funksion specialist leximi pranë Drejtorisë Qendrore të OSHEE Tiranë

– J. D., 27 vjeç, banues në Tiranë, me funksion specialist leximi pranë Drejtorisë Qendrore të OSHEE Tiranë

– G. M., 31 vjeç, banues në Lezhë, me funksion specialist leximi pranë Njësisë Lezhë të Drejtorisë Rajonale të OSHEE Shkodër.

Gjithashtu, është ekzekutuar masa e sigurisë “Arrest në shtëpi” për veprën penale “Vjedhja e energjisë elektrike dhe impulseve elektrike” ndaj shtetasit M. N., 64 vjeç, banues në Lezhë, pronar i një subjekti privat, Hotel në Shëngjin.

Punonjësit e kompanisë OSHEE, në bashkëpunim me njëri – tjetrin, nëpërmjet shpërdorimit të detyrës, kanë lejuar vjedhjen e energjisë elektrike nga subjekti privat hotel, në pronësi të shtetasit M. N., duke mos e faturuar për energjinë e konsumuar, rast i cili ka sjell dëm ekonomik për kompaninë.

Materialet procedurale i kaluan Prokurorisë së Rrethit Gjyqësor Lezhë për veprime të mëtejshme.

J.V/Dosja.al

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet arrestimet lezhë arrestimi i 4 punonjësve të oshee-së hoteli shëngjin vjedhja e energjisë arrestimet lezhë arrestimi i 4 punonjësve të oshee-së hoteli shëngjin vjedhja e energjisë

Sondazh

Poll

MË SHUMË