Politike

“Në çdo shtëpi ku hyra gjeta shpresë”, Basha pas takimeve tek Njësia 4: Fillojmë menjëherë nga puna pas 25 prillit p

2 Mars 2021, 11:41 Nga DOSJA
“Në çdo shtëpi ku hyra gjeta shpresë”, Basha

TIRANË– Kryetari i Partisë Demokratike, Lulzim Basha, është shprehur se  në çdo shtëpi dhe në çdo dyqan ku ka vizituar, ka gjetur entuziazëm dhe shpresë për ndryshimin që po vjen.

Në një postim në “Facebook” pas takimit me qytetarë e biznese në njësinë 4, Basha deklaron se Edi Rama ka dështuar në çdo fushë, në ekonomi, në shëndetësi, në arsim, në turizëm.

Ai thekson se do të fillojë menjëherë nga puna pas 25 prillit për të stabilizuar gjendjen e vendit dhe se Shqipëria meriton më shumë.

Postimi i plotë:

“Bisedova sot me qytetarë, sipërmarrës, të rinj dhe pensionistë në Tiranë. Njësoj siç ka mbetur në vendnumëro ekonomia e çdo familjeje shqiptare këto 8 vite, ka mbetur në vendnumëro e gjithë Shqipëria. Edi Rama ka dështuar në çdo fushë, në ekonomi, në shëndetësi, në arsim, në turizëm.

Bashkëbisedova me qytetarët per zgjidhjet thelbësore që ofron programi ynë “Shqipëria fiton!”. Ne do të fillojmë menjëherë nga puna pas 25 prillit për të stabilizuar gjendjen e vendit.

Në çdo shtëpi dhe në çdo dyqan ku hyra, gjeta entuziazëm dhe shpresë për ndryshimin që po vjen. Unë jam i bindur se duke bashkuar forcat me njëri-tjetrin, ne shqiptarët do të sjellim shpresën dhe ndryshimin që vendi ka nevojë urgjente. Shqipëria meriton më shumë, Tirana meriton më shumë, qytetarët tanë meritojnë më shumë.

Kjo është arsyeja pse është urgjente për të sjellë ndryshimin. Më 25 prill, Rama do të humbë, Shqipëria do të fitojë dhe ne do të nisim nga puna në shërbim të qytetarëve shqiptarë”, deklaron kreu i PD.

(kle.mu./dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike lulzim basha ne njesine 4 lulzim basha ne njesine 4

Sondazh

Poll

MË SHUMË