BRUKSEL– Komisioni për Politikën e Jashtme i Parlamentit Europian, ka miratuar me 50 vota pro, dhjetë kundër dhe nëntë abstenime, raportin për Kosovën të përgatitur nga Viola Von Cramon-Taubadel, deputete e të Gjelbërve nga Gjermania.
Me këtë raport, Parlamenti Evropian u bën thirrje edhe një herë pesë shteteve të Bashkimit Evropian, të cilat nuk e kanë njohur Kosovën, që ta bëjnë një gjë të tillë. Spanja, Sllovakia, Rumania, Qiproja dhe Greqia janë pesë vende anëtare të BE-së nuk e kanë njohur ende pavarësinë e Kosovës.
Në një komunikatë të lëshuar nga PE-ja pas këtij votimi, thuhet se deputetët nënvizojnë se pavarësia e Kosovës është e pakthyeshme dhe njohja nga të gjitha shtetet e BE-së do të ishte në dobi të normalizimit të raporteve mes Kosovës dhe Serbisë. Sipas Express, deputetët evropianë po ashtu kanë përsëritur edhe thirrjen për liberalizimin e vizave për Kosovën, pasi Komisioni Evropian ka konstatuar se Kosova i ka përmbushur të gjitha kriteret e kërkuara.
Raportuesja për Kosovën, Viola Von Cramon, e cila edhe e kishte përpiluar tekstin e raportit, është shprehur e kënaqur me miratimin e këtij raporti.
“Ky rezultat tregon se shumica në Parlamentin Evropian e mbështesin Kosovën në rrugën evropiane. Ne qartë shohim potencialin e këtij vendi, por edhe të Bashkimit Evropian. Por, ende ka punë përpara për Kosovën. Së pari na duhet një stabilitet politikë për zbatimin e reformave të nevojshme”,– ka thënë Von Cramon teksa ka komentuar votimin për raportin për Kosovën.
Në raport, Kosova kritikohet për mungesë të progresit të duhur në shumë fusha, sidomos në zbatimin e prioriteteve të agjendës së reformave evropiane. Deputetët shprehën keqardhje për vazhdimin e de-stabilitetit politik dhe u kanë bërë thirrje të gjitha forcave politike në Kosovë që të angazhohen për reformën e sistemit politik, në mënyrë që të përmirësohet qartësia ligjore dhe procesi i formimit të qeverisë.
Anëtarët e Parlamentit Evropian kanë përsëritur thirrjet që raportet e Kosovës me Serbinë të mbetet prioritet dhe kusht për avancimin e të dyja vendeve në procesin e integrimeve evropiane.
Ata kanë kërkuar nga qeveritë e të dyja shteteve që të përmbahen nga çfarëdo veprime që mund të pengojnë krijimin e besimit mes palëve, që do ta vinin në rrezik vazhdimin konstruktiv të dialogut. Nga Kosova është kërkuar që të përballet edhe me problemet e brendshme në qasjen e saj ndaj dialogut me Serbinë, që ndërmjetësohet nga BE-ja.
Të njëjtën ditë në Komisionin e politikës së jashtme është miratuar edhe Raporti për Serbinë. Edhe Serbisë i është dërguar porosia që të jetë konstruktive në dialog me Kosovën. Raportet për Serbinë dhe Kosovën, të miratuara në Komisionin e politikës së jashtme, do të barten në formën e propozimeve për rezolutë në seancë plenare të Parlamentit Evropian.
(d.a/dosja.al)
1 vit nga zgjedhjet e 25 prillit si e shikoni gjendjen e vendit:
GHANA- COVAX ka nisur shpërndarjen e vaksinave ditën e sotme. Shteti i parë që ka përfituar nga COVAX është Ghana. BBC shkruan se ditën e sotme 600 mijë doza va...
KOSOVË– Sot u mbajt takimi i radhës i Komisionit për Planifikim Strategjik, i kryesuar nga Kryeministri në detyrë, Avdullah Hoti. Në takim u miratuan...
ITALI- Bota është pushtuar nga pandemia globale e koronavirusit, e ndërsa të gjithë vendet po ‘luftojnë’ me kohën në gjetjen e disa vaksinave për të...
GREQI– Kryeministri grek, Kyriakos Mitsotakis njoftoi nevojën për të zgjatur bllokimin paraprakisht, gjatë prezantimit të tij në kabinet, duke iu referuar...
BRUKSEL-Seanca gjyqësore kundër Ish-krerëve të UÇK-së ka filluar. Që në fillim të seancës Gjykatësi Nicolas Guillou, deklaroi se ka pranuar kërkesën e Ne...
TURQI– Forcat turke të sigurisë arrestuan 130 ushtarë të Mërkurën në operacionet e përqendruara në provincën perëndimore të Izmirit për lidhje të dyshuara...
KOSOVË- Drejtori i Institutit të Kosovës për Drejtësi (IKD), Ehat Miftaraj ka ironizuar aksionin policor ditën e sotme. Në një shkrim në Facebook ai ka thë...
TURQI– Ditën e sotme janë publikuar pamjet ku tregohen momentet e fundit të gruas e cila më pas humbi jetën pasi rrëshqiti nga lartësia e shkëmbit, të pak...
KOSOVË- Policia e Kosovës ka bërë një aksion edhe në qytetin e Gjilanit. Gazeta Ekspress shkruan se një Njësi Speciale e Policisë rrethuar Komunën e Gjilan...
SERBI– Presidenti i Serbisë, Aleksandër Vuçiç, gjatë mbrëmjes së djeshme ka njoftuar se të premten do të mbajë një takim me përfaqësuesit e serbëv...