Sport

Kupa e Botës: Gut-Behrami, “Mbretëresha” e botërorit, medalje ari edhe në sllallomin gjigand

18 Shkurt 2021, 15:43 Nga DOSJA

ITALI – Lara Gut-Behrami është “Mbretëresha” e padiskutueshme e kampionatit botëror që po zhvillohet në Kortina të Italisë.

Skiatorja zvicerane, pas bronzit në tatëpjetë dhe arit në Super-G, sot ka fituar gjithashtu edhe garën e sllallomit gjigant, duke mposhtur Mikaela Shifrin me vetëm dy të qindtat e sekondës. Medalje bronz për Katerina Liensberger, e cila kishte një medalje ari më herët.

29-vjeçarja Lara Gut-Behrami do të luftojë për të mos e harruar kampionatin botëror në Kortina, me dy medalje ari dhe një bronzi në vitrinë. Skiatorja zvicerane po konfirmon periudhën e formës së çmendur në momentin e duhur të sezonit (tre fitore në katër garat e fundit CdM, para medaljeve në Kortina).

Ajo ka kënaqësinë që ka barazuar edhe rekordin e bashkatdhetares së saj, Maria Valiser, e cila në 1987 në Krans-Montana fitoi dy ari dhe një bronz si ajo.

Interesant është fakti, se skiatorja Lara Gut-Behrami, që nga korriku i vitit 2018, është bashkëshortja e mesfushorit kosovar, Valon Behrami, ish-kapiten i Zvicrës, që aktualisht luan në radhët e Genoas.

B.T (Dosja.al)

 

1 vit nga zgjedhjet e 25 prillit si e shikoni gjendjen e vendit:

View Results

sport sport boterori ne kortina lara gut-behrami mesfushori kosovar valon behrami boterori ne kortina lara gut-behrami mesfushori kosovar valon behrami

Sondazh

Poll

Sport 18 Shkurt 2021, 14:22

BRAZIL-Së bashku me Diego Armando Maradonës ai është futbollisti më i fortë në histori: padyshim që po flasim për Pele. Braziliani ka zbuluar një sfond në lidhj...

Sport 18 Shkurt 2021, 14:07

ARGJENTINE – Duke i kërkuar Mesit një listë të personave kryesorë që e kanë ndihmuar për karrierën e tij, ai me siguri do të përfshinte Hoze Pekerman. Ish...