TIRANË- Këshilli i Ambasadorëve Shqiptarë ka uruar Lëvizjen Vetëvendosje për fitoren e zgjedhjeve në Kosovë. Në një deklaratë ata gjithashtu kanë kanë uruar Kosovës për mënyrën se si u mbajtën zgjedhjet. Ata u shprehën se Kosova tregoi shembull për procesin e zgjedhjeve.
Shkrimi i plotë:
Zgjedhjet e 14 shkurtit në Kosovë dëshmuan edhe një herë se proceset demokratike janë në udhën e vet të mbarë. Populli i Kosovës votoi qetësisht, liderët politikë pranuan rezultatin dhe legjitimiteti i fituesve tani kalon tek përgjegjësia për të justifikuar besimin e dhënë. LVV, si fituese e këtyre zgjedhjeve është përpara sfidës dhe momentit të shumëpritur për ndërtimin e një konsensusi të ri për Kosovën, si shtet funksional e i mbështetur mbi zhvillime demokratike. Këshilli i Ambasadorëve Shqiptarë shpreh besimin se partitë që do të dalin në opozitë do t’i bëjnë një analizë të shëndetshme rezultatit dhe do të nxjerrin mësimet e nevojshme për t’i udhehequr. Demokracia në Kosovë ka nevojë për një opozitë të fortë dhe konstruktive për të çuar përpara proceset shtetformuse në Kosovë. Urojmë gjithashtu që qeverisja e re të investohet drejt një Kosove euroatlanitike, një shteti të zhvilluar, ku drejtësia sociale e sundimi i ligjit të jenë parësore. Ekonomia e Kosovës ka nevojë për një oksigjen të ri, për një marëdhënie atraktive me fqinjët, mbështetur mbi bazën e partneritetit e përfitimit të ndërsjelltë. Jemi besimplotë se LVV dhe partnerët e saj në koalicion, me vizion e përkushtim do të jenë bartës dhe frymëzues të interesave të popullit, vota e të cilit u ka dhënë një përgjegjësi si në asnjë rast tjetër më parë. Urojmë që edhe në Shqipëri, ku zgjedhjet janë në prag, të dëshmohet një pjekuri e lartë politike e demokratike për standarte europiane, me qëllim shprehjen e vullnetit të lirë të qytetarëve Shqiptarë drejt të ardhmes së tyre europiane.
Qytetarët e Kosovës shkuan në dje në zgjedhjet e jashtëzakonshme, ku morën pjesë 46.90 % e votuesve. 28 parti garuan për 120 karrige në Kuvend. Zgjedhjet u fituan thellë nga LVV dhe Albin Kurti, ndërsa PDK pranoi humbjen dhe qëndrimin në opozitë e po ashtu dhe LDK. I vetmi që është i hapur për koalicion me VV është Ramush Haradinaj, i cili synon edhe postin e presidentit. Parlamenti i ri pritet të zgjedhë edhe presidentin, ndërsa pritet edhe një koalicion qeverisës pasi VV-së i duhen 61 mandate për krijimin e qeverisë së re, që e vetme nuk mundet që ti plotësojë.
(I.A/dosja.al)
1 vit nga zgjedhjet e 25 prillit si e shikoni gjendjen e vendit:
ELBASAN– Dy persona, drejtues mjetesh janë përleshur me njëri-tjetrin mbrëmjen e sotme. Ngjarja ka ndodhur në Elbasan, në lagjen “11 nëntori”.Mësohet se një mje...
TIRANË- Për kompanitë e mirëmbajtjes që kanë qenë përgjegjëse për menaxhimin e situatës në akset kombëtare të shtunën mbrëma kur vendi u përfshi nga një st...
TIRANË – Ministrja e Infrastrukturës dhe Energjetikës, Belinda Balluku së fundmi ka folur në lidhje me situatën që është krijuar në vend për shkak të...
TIRANË- Ish-drejtori i shërbimit të provës në Krujë Shkelzen Ypi , është zyrtari i radhës ndaj të cilit është ngritur akuzë për shpërdorim detyre përderisa...
DIBËR– Drejtuesi i fuoristradës ka treguar peripecitë që kaluan dje në momentin që po mundoheshin të dërgonin nënën e ish-deputetit Sali Shehu në spital, e...
KUKËS- Tre drejtuesit e mjeteve të cilët bën drift në dëborë para disa ditësh në Kukës janë dërguar në komisariat.Disa video të cilat u bën virale në rrjet...
TIRANË- Ambasadori i Prezencës së OSBE në Shqipëri, Vincenzo Del Monaco, ditën e sotme është takuar me kryetarin e Gjykatës së Shkallës së Parë për Korrups...
TIRANË– Autoritet Rrugor ka dhënë detaje në lidhje me akset rrugore të bllokuara në vend. Në një njoftim zyrtar, bashkë me video nga rrugët, ARRSH sh...