Bota

Pas përplasjeve të fundit, BE dhe AstraZeneca një ‘hap përpara’ në furnizimin e vaksinave

1 Shkurt 2021, 08:31 Nga DOSJA
Pas përplasjeve të fundit, BE dhe AstraZeneca një ‘hap

BRUKSEL– BE thotë se kompania britaniko-Suedeze, AstraZeneca tani do të sigurojë një shtesë prej nëntë milion dozash të vaksinës Covid deri në Mars, pas kritikave të ditëve të fundit për programin e vaksinimit të bllokut, raporton BBC.

Presidentja e Komisionit Ursula von der Leyen tha se ishte një hap përpara. Por 40 milion doza që priten tani janë ende vetëm rreth gjysma e asaj që pritej, mes problemeve të vazhdueshme të furnizimit. Komisioni ka qenë i përfshirë në një grindje shumë të kritikuar me MB dhe AstraZeneca këtë javë.

Në veçanti u dënua për kërcënimin e saj për të vendosur kontrolle në kufirin e Irlandës Veriore për të parandaluar që vaksinat e prodhuara në BE të arrijnë në MB. Kufiri ishte një nga problemet më të vështira për t’u kapërcyer në marrëveshjen e rënë dakord së fundmi për Brexit, pas largimit të Mbretërisë së Bashkuar nga BE.

Në një cicërimë në Twitter, von der Leyen tha se AstraZeneca do të dorëzojë 9 milion doza shtesë në tremujorin e parë (40 milion në total) krahasuar me ofertën e javës së kaluar dhe do të fillojë dërgesat një javë më herët sesa ishte planifikuar. Ajo tha se kjo përfaqësonte një rritje prej 30% të shumës së mëparshme.

BE nënshkroi një marrëveshje në gusht për 300 milion doza AstraZeneca, me një mundësi për 100 milion më shumë. Shpresohej se 80 milion do të dorëzoheshin në tremujorin e parë të 2021, megjithëse burime të tjera e kishin vendosur shifrën në 100 milion, por AstraZeneca tha se kishte probleme të prodhimit në impiantet e saj Hollandeze dhe Belge. Media raportoi se kjo do të nënkuptojë një shkurtim 60% të furnizimeve deri në fund të Marsit.

BE, gjithashtu të Premten, njoftoi të ashtuquajturin mekanizëm të saj të transparencës, i cili u jep vendeve në bllok kompetencat të mohojnë autorizimin për eksportet e vaksinave nëse kompania që i bën ato nuk ka respektuar kontratat ekzistuese me BE. Përpjekja e BE për të aplikuar masa në kufirin irlandez u dënua gjerësisht, dhe krerët e organeve të industrisë në mbarë Mbretërinë e Bashkuar dhe Evropën paralajmëruan kundër ndalimeve të eksportit.

(d.a/dosja.al)

1 vit nga zgjedhjet e 25 prillit si e shikoni gjendjen e vendit:

View Results

bota bota koronavirusi ne be ursula von der leyen vaksinimi ne be koronavirusi ne be ursula von der leyen vaksinimi ne be

Sondazh

Poll

Bota 1 Shkurt 2021, 08:22

Çfarë i bën infektues viruset?

Falë rezultateve të një studimi të botuar në revistën “PLOS Pathogens”, ne jemi pak më afër kuptimit të funksionimit të komplikuar të viruseve. Në fakt studiues...

MË SHUMË