Politike

Problemet e pronave në bregdet/ Mbi 60 ankesa tek Avokati i Popullit për projektin ‘Vlorë-Orikum’, Meta kërkon transpare

21 Janar 2021, 17:53 Nga DOSJA
Problemet e pronave në bregdet/ Mbi 60 ankesa tek Avokati i Popullit

TIRANË– Presdienti Ilir Meta, ditën e sotme ka zhvillaur një takim me Avokatin e Popullit Erinda Ballanca, ku në fokus të diksutimeve kanë qenë, problemet e pronave të banorëve të Radhimës, Orikumit, Tragjasit dhe Dukatit.

Sipas një njoftimi nga presidenca bëhet me dije se Meta i ka paraqitur potecionin që kanë bërë banorët për shkeljen e të drejtave të tyre themelore në procesin e hartimit të projektit infrakstrukturor Vlorë -Radhimë- Orikum. Presidenti njofton se Avokati i Popullit e ka vënë në dijeni se janë mbi 60 ankesa që i janë drejtuar nga banorët lidhur me këtë projekt dhe se ky institucion, ka filluar një hetim administrativ për këtë çështje.

Meta e nxiti Ballancën të përfundojë vlerësimin e ankesave të komunitetit lidhur me mosrespektimin e pretenduar të të drejtave dhe lirive themelore gjatë hartimit, miratimit dhe implementimit të projektit.

21 janar 2021

Presidenti i Republikës, Sh.T.Z. Ilir Meta, me kërkesën e Tij, priti sot në një takim Avokatin e Popullit, znj.Erinda Ballanca. Presidenti Meta i bëri me dije Avokates së Popullit peticionin dhe shqetësimet e drejta të ngritura nga banorët e Radhimës, Orikumit, Tragjasit dhe Dukatit, gjatë takimit të zhvilluar me ta, për shkeljen e të drejtave të tyre themelore në procesin e hartimit të projektit infrakstrukturor “Rehabilitimi dhe ndërtimi i objekteve në afërsi të rrugës bregdetare Vlorë-Orikum” (Rikualifikimi i Vijës Bregdetare Vlorë – Radhimë- Orikum), si dhe trajtimit të pronave të tyre të ndodhura në këtë aks rrugor. Shumë shpejt do të bëhet vlerësimi final dhe hartimi i një Raporti Përfundimtar në lidhje me këto problematika, që janë në shqyrtim prej Avokatit të Popullit dhe që banorët i kanë ngritur së fundmi edhe tek Presidenti i Republikës”, – sqaroi znj.Ballanca. Presidenti Meta e nxiti Avokatin e Popullit të përfundojë brenda një kohe të arsyeshme, në mënyrë objektive dhe të pavarur, vlerësimin e ankesave të komunitetit lidhur me mosrespektimin e pretenduar të të drejtave dhe lirive themelore, të garantuara nga KEDNJ, Kushtetuta dhe legjislacioni në fuqi, gjatë hartimit, miratimit dhe implementimit të projektit infrastrukturor “Vlorë-Orikum”. Qytetarëve u nevojitet transparencë, pasi çdo projekt infrastrukturor i një rëndësie kaq të madhe duhet të jetë i mirëmenduar, i konsultuar sipas kërkesave të ligjit dhe duhet të respektojë të drejtat themelore kushtetuese të banorëve dhe pronarëve. Avokati i Popullit është pjesë e atyre institucioneve të veçanta, që me punën e tij, bën të mundur të garantohet funksionimi i shtetit ligjor, në respektim të të drejtave të njeriut. Ndaj pritshmëritë dhe shpresat që kanë qytetarët tek ky institucion, duhen justifikuar me punë objektive dhe të pavarur”, – theksoi Presidenti Meta. Kreu i Shtetit vlerësoi se roli i Avokatit të Popullit është i pazëvendësueshëm në këtë çështje edhe për faktin se rekomandimet e tij për veprimtarinë e çdo institucioni publik, janë një nga mjetet që nxjerrin në pah të vërtetën, luftojnë padrejtësitë e ushtrimit jo korrekt të pushtetit publik dhe rikthejnë besimin tek shteti i së drejtës.

(a.k.dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike erinda ballanca ilir meta erinda ballanca ilir meta

Sondazh

Poll

Politike 21 Janar 2021, 17:40

TIRANË– Kryetarja e Partisë Lëvizja Socialiste për Integri, Monika Kryemadhi ditën e sotme ka zhvillaur një takim me me strukturat e LSI në Tiranë. N...

MË SHUMË