Aktualitet

U largua nga Policia e Shkodrës, ish-zv/drejtori Lorenc Meta sqaron arsyet: Jam operuar në veshka, nuk shkoja dot çdo ditë q

14 Janar 2021, 12:48 Nga DOSJA
U largua nga Policia e Shkodrës, ish-zv/drejtori Lorenc Meta sqaron arsyet:

TIRANË– Lorenc Meta, ish-zv/drejtori i P0licisë së Shkodrës ka sqaruar arsyet e transferimit nga qyteti verior në Drejtorinë e Përgjithshme të Policisë së Shtetit. Në një reagim për Fax News, Meta mohon që transferimi të ketë lidhje me performancën e tij në punë për zbulimin e ngjarjeve kriminale në qytetin e Shkodrës dhe sqaron se arsyeja e largimit është shëndetësore.

“E kam kërkuar vetë që në Nëntor për shkak të një operacioni që kam bërë. Kam marr një detyrë të re, në Drejtorinë e Përgjithshme. Jam emëruar shef sektori në menaxhimin e sallës operative në Drejtorinë e Përgjithshme. Dje jam shkëputur si zv.drejtor në Shkodër. Detyra e re është bërë për shkak të gjendjes time jo të mirë shëndetësore, nuk është e njëjta ngarkesë. Më duhej të shkoja çdo ditë nga Tirana se jetoj këtu.

Çfarë nuk shkruajnë mediat, ju falenderoj për interesimin, s’ka lidhje me ngjarjet në Shkodër, ngjarjet në Shkodër janë zbardhur, nuk ka asnjë ngjarje të pazbardhur në këtë qytet. Asnjë vërejtje dhe ankesë nuk kam pasur nga eprorët. Kam kërkuar të iki që në Nëntor, vetëm për shkak të operacionit që kam bërë në veshka”.-ka sqaruar ai. 

Paraditen e sotme u zbulua ndryshimi më i fundit në radhët e Policisë në Shkodër. Meta u transferua drejt Tiranës dhe në vend të tij u emërua Kujtim Gjoka.

(f/g/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet lorenc meta ndryshimet ne polici lorenc meta ndryshimet ne polici

Sondazh

Poll