Politike

“Monika duhet çuar në Prokurori për shpifje!”, LSI pas deklaratës së Veliaj: Flet për Tiranën e “kuruar” me photo

13 Janar 2021, 16:53 Nga DOSJA
“Monika duhet çuar në Prokurori për shpifje!”, LSI

TIRANË- Kryetarja e Partisë Lëvizja Socialiste për integrim Monika Kryemadhi ka reaguar pas  deklaratës së kryetarit të Bashkisë së Tiranës, Erion Veliaj pasi ky i fundit ka thënë se  Kryemadhi duhet të paditej në prokurori për shpifje.

Në një deklaratë, sekretarja organizative e LSI-së, Eriona Bixha tha se grupi i këshilltarëve të kësaj partie ka qenë gjithmonë zëri i banorëve të Tiranës, duke mbrojtur vetëm interesat e tyre dhe çdo vit para çdo miratimi të buxhetit i kemi paraqitur Bashkisë së Tiranës paketë propozimesh konkrete për çdo njësi administrative, si edhe për gratë-vajzat dhe të rinjtë.

Mes të tjerash LSI theksoi se Veliaj ka detyrim ndaj qytetarëve të Tiranës, ndërsa i sugjeron që mos të merret me propagandë.

REAGIMI I LSI

Kryemashtruesi Erion Veliaj foli pak më parë nga Njësia Administrative nr. 9, për Tiranën e “kuruar” me photoshop që ai poston në rrjetet sociale (ku dielli lind në perëndim), duke harruar që Tirana e vërtetë është ajo që qytetarët jetojnë çdo ditë, me mungesën e infrastrukturës, me ekonominë e shkatërruar, me trafikun e rënduar, me kullat e larta “mbytëse” etj. Si ish-anëtare e Këshillit Bashkiak të Tiranës i rikujtoj Erion Veliajt se grupi i këshilltarëve të LSI-së ka qenë gjithmonë zëri i banorëve të Tiranës, duke mbrojtur vetëm interesat e tyre dhe çdo vit para çdo miratimi të buxhetit i kemi paraqitur Bashkisë së Tiranës paketë propozimesh konkrete për çdo njësi administrative, si edhe për gratë-vajzat dhe të rinjtë. Të kujtoj, që më datë 26.12.2015 në paketën e propozimeve të grupit të këshilltarëve të LSI-së për buxhetin e 2016 konkretisht për Njësinë Administrative nr. 9 kemi kërkuar zgjidhjen e 3 problemeve kryesore:
1- pastrimin dhe sistemimin e kanaleve të ujërave të zeza bllokimi i të cilave bëhet shkak për përmbytjet e vazhdueshme.
Fatkeqësisht, ende banorët e zonës së “Don Boskos” vazhdojnë të dalin me çizme llastiku nga shtëpitë e tyre për shkak të përmbytjeve.
2- ndërtimi i një kompleksi çerdhe-kopësht-shkollë në zonën informale.
Një kërkesë e vazhdueshme e bërë në të 4-ta vitet, si një nevojë emergjente për banorët e zonës informale. Edhe pse sot me shumë vonesë, ka nisur ndërtimi i një shkolle për këtë zone, që fatkeqësisht është e rrethuar nga ndërtime kompleksesh gjigande pallatesh duke i “marrë frymën”.
3- pika e tretë në kërkesën e sipër përmendur është: rregullimi i infrastrukturës në zonën informale ku sot është edhe me keq.
Rrugë të pashtruara, puseta të hapura, ndriçim dhe sinjalistikë e munguar, psh Rr. “Pirro Naçe”, Rr. “Andrea Themeli”, Rr. “Ali Kukaleshi” etj. Edhe diçka të fundit dua të të kujtoj Erion Veliaj, që banorët e ” Bulevardit të Ri” të nxjerrë me gaz lotsjellës nga shtëpitë e tyre ende pa u gdhirë, në Lotin e 3, enden rrugëve te Tiranës ende pa marrë dëmshpërblimin e pronës. Detyrimi që ke ndaj qytetarëve të Tiranës është i madh, ndaj boll propagandës, mashtrimeve dhe vjedhje.

Kryetari i Bashkisë së Tiranës, Erion Veliaj, tha sot se kryetarja e LSI-së, Monika Kryemadhi duhet të paditet në Prokurori për shpifjet lidhur me rindërtimin e shkollës “Sami Frashëri”.

(A.k.dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike erion veliaj monika kryemadhi erion veliaj monika kryemadhi

Sondazh

Poll

Politike 13 Janar 2021, 15:56

PRISHTINË– Ish-ministri i Punëve të Jashtme të Shqipërisë, Ditmir Bushati u përfol se do të bëhej pjesë e Lëvizjes VetëVendosje, e drejtuar nga Albin Kurti...

MË SHUMË