TIRANË– “Daja” nga Kosova ka refuzuar të japë shpjegime përpara grupit hetimor në lidhje me akuzat ndaj tij. Ragip Hajdini, u arrestua t ë premten si personi i gjashtë i dyshuar për grabitjen e Rinasit, por 50-vjeçari nuk ka pranuar të japë asnjë lloj shpjegimi.
Ragip Hajdini rezulton të ketë precedentë të penalë edhe në Kosovë, ku ka qenë i dyshuar për grabitjen e 25 kg flori nga Dhoma e Dëshmive në Policinë e Pejës. Kjo ngjarje ka ndodhur në vitin 2012.
Aktualisht, ai ndodhet në dhomat e paraburgimit në Policinë e Tiranës dhe pritet të dalë para Gjykatës së Krimeve të Rënda për t’u njohur me masën e sigurisë. Ai u identifikua nga dëshmia e Alkond Bengasit, i arrestuar gjithashtu për grabitjen në Rinas, por që pranoi të bashkëpunonte me grupin hetimor.
Në dëshminë e Alkond Bengasit (Qevanit), Ragip Hajdini apo siç njihet edhe me mbiemrin Haxhiajdini, përshkruhej si një person qeros, rreth të 50-ve dhe që Admir Murataj e thërriste “Daja”.
“Një u prezantua si Admir Murataj i cili ishte në shoqërinë e 2 personave nga Kosova. Një prej tyre e therrisnin “daja” ndërsa tjetrin “Tani”. Pasi hëngrën drekë, morëm furgonat Chevrolet, të cilët unë më pas i modifikova. Më vonë mësova se mjetet do të përdoreshin për grabitje,”- shprehej Bengasi ndër të tjera në dëshminë e tij.
Alkond Bengasi është kushëriri i Klement Calës, të kërkuarit kryesor për grabitjen në Rinas. Bengasi u prangos bashkë me 3 të arrestuarit e tjerë, Saimir Cela, Oltjon Veseli dhe Renaldo Sula.
Bengasi pranoi të bëhej bashkëpunëtor i drejtësië duke treguar të gjithë dinamikën që ndodhi në grabitjen spektakolare në Rinas, ku u morën rreth 6.7 milionë euro.
Deri më tani të arrestuar janë:
Alkond Bengasi
Renaldo Sula
Oltian Veseli
Saimir Çela
Elton Pikli
Ragip Hajdini
Ndërsa Admir Murataj, personi që konsiderohej si truri i grabitjes, mbeti i vrarë në tentativën për t’u arratisur me furgonin e modifikuar “Hetimi Tatimor”. Në kërkim janë edhe disa persona të tjerë si Klement e Eldi Çala, por edhe një tjetër shtetas nga Kosova, shok i “dajës”, siç e identifikon Alkond Bengasi në dëshminë e tij.
Policia vazhdon ende operacionin për gjetjen e parave të grabitura, pavarësisht se deri më tani nuk është gjetur asnjë provë që të mbështesë dëshminë e të penduarit.
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
“Reforma”, në Diplomaci duket se më shumë do të jetë një ndërrim emrash sesa reformë reale në funksion të shërbimit të jashtëm diplomatik.Dosja.al ka mësuar se ...
Shqipëria u zbraz nga popullsia e saj dhe ky është një realitet i prekshëm jo vetëm nga ata që të afërmit ju emigruan larg për një jetë më të mirë, por këtë rea...
LAÇ– Manuel Bushi është autori i tretë i dyshuar për vrasjen e dy kushërinjve në Laç.23-vjeçari është vëllai i Mikel Nushit, të shumëkërkua...
Gjergji Thanasi, gazetari investigativ, një ditë më parë publikoi një shkrim të publikuar me një dokument që sipas tij shkruheshin emrat e atyre që që u kapën n...
A ka më ndonjë efekt, kur dëgjon politikanët në Gjermani të thonë fjali si „Gjermania i ka punët më mirë se kurrë më parë”. Kur thonë, se kemi gati punësi...
LAÇ– Manuel Bushi është autori i tretë i dyshuar për vrasjen e dy kushërinjve në Laç. 23-vjeçari është vëllai i Mikel Nushit, të shum...
LAÇ- Policia e Kurbinit ka dhënë një informacion zyrtar lidhur me vrasjen e ndodhur mbrëmjen e djeshme, ku edhe humbën jetën dy kushërinjtë, Mikel dhe Ja...
SHKODËR– Gjykata e Shkodrës ka vendosur “arrest me burg” për dy autorët e dyshuar për vrasjen e vëllezërve Bilali.Dy të rinjtë, Myslim Rama dhe Arsen...
Tiranë– Pedagogu, aktivisti Ervin Goci është shprehur ndaj kreut të Bashkisë Erion Veliajt se është një sëmundje e rrezikshme dhe që i mashtron njerëzit ç...
LAÇ– Familjarët e dy të rinjve që u vranë një natë më parë me breshëri plumbash në qendër të qytetit të Laçit kanë shprehur dhimbjen e tyre në rrj...