Politike

Kriza drejt zgjidhjes? Soreca takon partitë e vogla. Mediu: Do i kërkojmë Presidentit tryezë qeveri-opozitë

25 Prill 2019, 15:10 Nga DOSJA
Kriza drejt zgjidhjes? Soreca takon partitë e vogla. Mediu: Do i

TIRANË- Ambasadori i Bashkimit Europian, Luiggi Soreca ka zhvilluar sot një takim me drejtuesit e partive të vogla opozitare.

Në takim merrnin pjesë krerët e LZHK, PAA, PBDNJ, PDK, PR.

Në dalje nga takimi, kreu i Partisë Republikane, Fatmir Mediu, dha sinjalet e para për zgjidhjen e krizës. Ai u shpreh se do të kërkohet nga Presidenti një tavolinë e përbashkët qeveri-opozitë.

“Është një takim i kërkuar nga ne me ambasadorin Soreca, sepse është e nevojshme të gjejmë një zgjidhje që t’i shërbejë interesave të Shqipërisë. Idea jonë si 5 parti politike është se ka ardhur koha që cdo institucion të luajë rolin e vet. Në të gjithë kompetencën e tij kushtetuese, presidenti duhet të thërrasë tryezën e partive politike, për të parë a janë plotësuar ose jo standardet dhe kushtet për zgjedhje të lira dhe të ndershme. Dhe me kontributin e të gjitha palëve politike ne të arrijmë të garantojmë zgjedhje të lira dhe të ndershme dhe përfaqësimin e të gjitha forcave politike. Çdo lojë tjetër do të ishte shkatërruese për vendin, dhe në këtë moment ne si forca politike mendojmë se është përgjegjësia jonë të nëgociojmë me të gjitha palët dhe institucionet për këtë dialog. Kështu kemi vepruar edhe me OSBE-në, kështu bëmë edhe me zotin Soreca dhe të shikojmë për një hapësirë për të mbështetur një dialog të vlefshëm për interesat e vendit. Ne do t’i kërkojmë presidentit të Republikës të thërrasë një tryezë të pozitës dhe opozitës për të zgjidhur këtë situatë për të garantuar zgjedhje të lira dhe të ndershme. Opozita nuk ka asnjë qëllim tjetër përvecse garantimin e zgjedhjeve të lira dhe të ndershme dhe qytetarët të vendosin se kush duhet ta qeverisë këtë vend në nivel lokal dhe qëndror. Cdo gjë tjetër do të ishte shkatërruese për vendin. Ndaj jemi mbledhur të frenojmë këtë proces shkatërrues që ka nisur Edi Rama”, tha Mediu. 

Nga ana tjetër, kryetari i PBDNJ, Vangjel Dule, tha: “Ne jemi të vendosur që me të gjitha mjetet demokratike të aktivizojmë cdo qelizë të shoqërisë, të sensibilizojmë edhe partnerët ndërkobmëtarë, për fatin e demokracisë me qëllim që zgjidhja të vijë sa më shpejt dhe me sa më pak kosto. Përvojat e hidhura të së shkuarës duhet të na bëjnë më të matur, dhe sidomos mazhorancën dhe kryeministrin të cilët nuk janë ndërgjegjësuar akoma, dhe sillen me arrogancë”.

Që pas djegies së mandateve, ky është sinjali më i hapur për zgjidhjen e krizës politike, ndërsa kanë mbetur edhe rreth 2 muaj nga zgjedhjet lokale.

(B.B/ Dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike fatmir mediu luiggi soreca vangjel dule fatmir mediu luiggi soreca vangjel dule

Sondazh

Poll

Politike 25 Prill 2019, 14:35

Rama: Vjedhja e votave u bë nga LSI

TIRANË– Kryeministri Edi Rama në fjalën e tij në foltoren e Kuvendit ka deklaruar se nuk ka pasur probleme me vjedhjet e votave nga PD-ja. Sipas Ramës, pro...

MË SHUMË