TIRANË– “Gjaku shkon me gjak,”-kështu premtoi xhaxhai i Klodian Rashës, i cili u qëllua për vdekje nga një efektiv policie mesnatën e djeshme vetëm pak metra larg shtëpisë së tij. Teksa intervistohej nga një televizon kombëtar, xhaxhai i 25-vjeçarit nuk ka shfaqur asnjë drojtje që të tregojë “forcën” e familjes së tij duke përmendur të gjithë burrat e zotë për të marrë hakun sipas Kanunit.
“Unë kam pesë vllazën, na është vrarë djali, këtë dimë ne dhe gjaku shkon me gjak,”-u shpreh ai, duke lënë të kuptohet se nëse familja Rasha nuk do të ishte e kënaqur me dënimin që do të jepte drejtësia ndaj efektivit Nevaldo Hadëraj ata do të bënin vetëgjyqësi.
Vetëm pak pas tij, doli edhe vetë babai i Klodian Rashës, i cili gjithashtu edhe pse me lot në sy i prekur nga vdekja e të birit, e ka bërë të qartë qëllimin e tij.
“Të zbardhet e vërteta ndryshe, ndryshe, ndryshe, nuk mund të rri…,”-u shpreh ai teksa fliste për herë të parë lidhur me ngjarjen.
Por pse e përmend familja nga Puka gjakmarrjen?
“Gjaku me gjak paguhet”, është njëra ndër thëniet më të njohura të kodit primitiv të të jetuarit me Kanunin e Lekë Dukagjinit përpos “besës” që është po aq veprim provincial. Në kanunin e Lekë Dukagjinit, gjakmarrja ishte një konseguencë e një vrasjeje të mëherëshme, ose dhunimi të nderit. Megjithatë një grup i veçantë i njerëzve përjashtoheshin nga gjakmarrja; si gratë, fëmijët, prifti të vjetrit dhe të sëmurët. Megjithatë ishte e ndaluar që të dhunohej trupi i të vrarit, pasi autori do të mbante përgjegjësi jo vetëm për një vrasje, por për dy.
Me teorinë “gjaku lahet me gjak”, po ecën dhe familja e 25-vjeçarit Rasha, të cilët nuk druhen që ta premtojnë publikisht një ‘dënim’ për efektivin e Policisë së Shtetit. Megjithatë vrasja me dashje për gjakmarrje sipas nenit 150 të Kodit Penale, dënohet me burgim jo më pak se 25 vjet ose me burgim të përjetshëm. Shumë më shumë vite burg nga çfarë parashikohet të bëjë Hadëraj, megjithatë duket se burrat e familjes e kanë mendjen e ndarë. Edhe pse kanë kaluar qindra vjet, shqiptarët sërish gjejnë ‘shpresë’ tek vetëgjyqësia. Mungesa e drejtësisë në vend kanë shtyrë rikthimin e Kanunit, si të vetmen shpresë që familjet e viktimave të gjejnë paqe për dhimbjen që u është shkaktuar. Duke harruar ndonjëherë edhe dhimbjen që shkaktohet nga pala tjetër, duke hapur kështu një seri vrasjesh…më të rrezikshëm se ato të mirëstrukturuara nga grupet kriminale.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
SHKODËR– Qytetarët e Shkodrës shkelën mbrëmjen e djeshme orën policore dhe vendosën që të mbanin një protestë të heshtur në qendër të qytetit, pas vrasjes ...
TIRANË– Në një intervistë për Ora Neës, studiueset Ardita dhe Detina Zalli thonë një zëri që të gjithë ata që e kanë kaluar covid-in duhet ta bëjnë v...
TIRANË– Gazetarja Klodiana Lala ka dhënë detaje lidhur me procesin e hetimit të SPAK lidhur me dy dosjet e bujshme, Vajdin Lame dhe Klodian Saliut. E...
SHKODËR–Një zjarr i madh ka rënë mbrëmjen e djeshme në qytetin e Shkodrës. Dy lokale janë përfshirë nga flakët e si pasojë zjarri ka depërtuar dhe në fasad...
TIRANË– Dosja.al ju sjell një përmbledhje të portaleve në vend dhe lajmet e tyre kryesore.Syri.net ka në faqe të parë artikull në lidhje me vaksinat kundër...
TIRANË– Gazetarja Klodiana Lala ka treguar më shumë detaje lidhur me vrasjen e Vajdin Lamajt në vitin 2005, brenda ashensorit të pallatit të tij. Në emisio...
TIRANË– Gazetari investigative Artan Hoxha ka rikthyer një atentat që iu bë Vajdin Lamajt katër muaj para vrasjes së tij. I ftuar në emisionin “Opinion”, H...
TIRANË– Gazetari investigativ ka zbuluar detaje të reja lidhur me vrasjen e Vajdin Lames brenda ashensorit të pallatit të tij. I ftuar në emisionin “Opinio...
Bashkia e Tiranës planifikon që shumë shpejt të nisë punimet për ndërtimin e Teatrit të Ri Kombëtar, i cili u prish në verë të këtij viti, pavarësisht protestav...