Sport

Martini: “Le të mos luanim mirë, por të marrim 3 pikët, ato vlejnë për momentin”

8 Dhjetor 2020, 14:24 Nga DOSJA
Martini: “Le të mos luanim mirë, por të marrim 3

DURRES – Skuadra durrsake e Teutës, nesër, në orën 16:45, do të përballet me Partizanin në “Elbasan Arena”, ndërkohë që në katër ndeshjet e fundit, “djemtë e detit” vetëm kanë barazuar. Para ndeshjes me të kuqtë, ka dalë para mediave trajneri Edi Martini, i cili ka folur për situatën aktuale në skuadrën e tij.

“Normal është një situatë që ka një lloj ngërçi. Më vjen keq që kemi dalë barazim, për mënyrën se si kemi luajtur. Nuk duhet t’i kishim marrë këto barazime, pasi kemi luajtur më mirë se kundërshtarët. Gjithsesi janë katër ndeshje, që duhen lënë pas dhe të mendojmë për ndeshjen me Partizanin”.

FORMACIONI? “Kur vijnë lojtarë të rinj në ekip gjithçka duhet parë me shumë kujdes. Kemi disa lloje formacionesh, pasi kemi mjaftueshëm lojtarë për të bërë prova të ndryshme. Normalisht të gjithë lojtarët që kanë luajtur deri më tani e kanë merituar, nuk janë të panjohur dhe kanë vlera. Do bëjmë më të mirën çdo javë, luan ai që është më në formë dhe nuk ka ndonjë problem”.

KTHESA ME PARTIZANIN? “Futemi në çdo ndeshje për të fituar. E dimë që Partizani ka një ekip të mirë, megjithatë ne jemi të qartë dhe e dimë mirë për çfarë hyjmë në fushë. Duam të fitojmë çdo ndeshje, e dimë që është një ndeshje e vështirë, kundër një kundërshtari të fortë. Gjithsesi fusha do ta tregojë. Ne na ka munguar rezultati, jo loja. E rëndësishme është të fitohen pikët. Do preferoja të mos luanim aq mirë, të jemi pragmatistë dhe të marrim tre pikët. Ato vlejnë për momentin. Normalisht jam i kënaqur për lojën që ka zhvilluar ekipi, por jo me pikët që kemi marrë. Nesër do të bëjmë gjithçka që të fitojmë”.

KUNDERSHTARET? “Diferencat mes ekipeve janë shumë të vogla, si të luash kundër Partizanit, Vllaznisë, Kastriotit apo Skënderbeut. Për mua ndeshjet janë të përafërta. Është thjesht çështje mentaliteti, çështje emrash, kjo që diskutohet. Në fushë janë të gjitha të barabarta, diferenca është shumë e vogël. Si në çdo ndeshje tjetër do futemi për të fituar”.

PRESIONI? “Presioni në futboll është në çdo moment, edhe kur luan për titull, edhe për Europë, edhe për mbijetesë. Ka tre lloje presionesh që ndikojnë në skuadër. Megjithatë ne kemi një skuadër mjaft të pjekur, me eksperiencë. Lojtarët dhe ne të gjithë jemi këtu për të treguar se e mundim presionin. Unë jam mjaft i qetë, nuk e them për fjalë, por për mënyrën se si kanë luajtur çunat. Na ka munguar goli, fati na kanë penalizuar, edhe arbitrat. Jam i bindur që po bëjmë një punë të mirë, po japim maksimumin. Në javët në vazhdim do të vijnë edhe rezultatet dhe jam krejt i qetë”,– përfundoi trajneri i durrsakëve, Edi Martini.

B.T (Dosja.al)

1 vit nga zgjedhjet e 25 prillit si e shikoni gjendjen e vendit:

View Results

sport sport djemte e detit edi martini elbasan arena partizani skuadra durrsake skuadra teutes djemte e detit edi martini elbasan arena partizani skuadra durrsake skuadra teutes

Sondazh

Poll

MË SHUMË